الموضوع: يعني ايه رشه جوه ؟؟

يافندم هي البنت هتبيعها عشان هتتجوز بعد شهر وهتسافر ومش عارفه هي قالتلي انها خبطه بسيطه في الصاج الله اعلم

عموما انا باستخير وربنا ييسر الحال

شكرا على النصيحه في انتظار باقي الاعضاء

العربية اللي رشة جوة دي عموما في مصر سوقها غير جيد وسعرها بيقل كتير
يعني لو عرفتي تنزلي معاها شوية كمان يبقى كويس عشان لما تحبي تبيعيها
متخسريش كتير

المشاركة الأصلية كتبت بواسطة hm414

اختي الكريمه

هقولك على نصيحه
الماروتي من اول ما بدأ تصنيعها وحتى هذه اللحظه متغيرش في اساسياتها اي شئ
كل اللي تم تغييره هو ان سنة 99 نزل شكلها الموجود حاليا بدون اي اختلاف في المضمون....

النصيحه بقا
ان ياريت متهتميش بالموديل على حساب العربية نفسها...


والله حضرتك الناس قالتلي ان كل ما الموديل يكون حديث يكون احسن بس لو زي ماحضرتك بتقول ان كله زي بعضه يبقى خلاص بلاش والمهم الحالة

الماروتي عشان ترش جوه يبقى حصلها حادثه مش هينه وراح فيها خساير كتير...


هي البنت بتقول انها خبطة بسيطه بيسموها خبطة صاج وهي رشتها في التوكيل مش بره بس طبعا حضرتك ادرى مننا


مصطلح ان العربية راشه جوه ده غالبا معناه ان جزء من شاصيه العربيه (بالبلدي عظم العربية) اتخبط في الحادثه وعظم العربية ده عمره مبيرجع مهما اتعدل وبيأثر عالعربية ككل وبتبقى مش موزونه ومش راسيه وده بيوقع سعر العربية طبعا...


لا خلاص اذا كان زي ماحضرتك بتقول يبقى بلاش انا بطولي ومعنديش حد يودي ويجيب وانا ان شاء الله مش ناويه ابيع قريب الا لو العربيه مرحيتنيش


انا رأيي طالما الميزانيه 24 الى 25 يبقى خليكي في موديل 2006 -2007 بس تكون فبريكا بره وجوه وهتنبصطي بيها ان شاء الله

يارب آمين الله المستعان ربنا ييسر


واهم حاجه بما ان حضرتك معندكيش خبره مسبقه ان يتم الكشف عالعربية في التوكيل...


هو لازم موضوع التوكيل ده انا اصلي مش من القاهرة من محافظة تانيه وهي دي مشكلتي اني عايزة انزل اشتري واروح من غير لف ولا دوران يعني لو اخدت معايا حد بيفهم في العربيات مش كفايه ولا ايه ؟؟


وكنتي قلتيلنا عال 2006 اللي ماشيه 35 ألف دي انا شايف انها ممتازه جدا جدا

انا بس زي ماقلت لحضرتك مش من القاهرة وزوجي مستبعد اوي حتة انه يروح ويتفق ويشوف والكلام ده كله ده غير انه فعلا مش فاضي فعشان كده انا بدور بنفسي وعلشان العربيه دي صاحبتها بنت قدرت اكلمها واستفسر منها اما العربيه 2006 دي صاحبها راجل لازم زوجي اللي يكلمه وهو مش فاضي

وفي الاخير مفيش تعب ولا حاجه المنتدى معمول عشان نستفيد من بعض دايما ان شاء الله....



جزاكم الله خيرا نفع الله بكم وجعله في موازين حسناتكم

تحياتي

دخلت والله ودورت بس حاسه ان الاسعار عاليه شويه

الله المستعان والله بفكر الغي موضوع العربيه ده من كتر الحيرة والخوف