اعمل الصيانة في السبع المعادي ولا مودرن ابو رواش ؟؟؟

**ahmed_hanafi** · 14-05-2011 11:06 PM

السلام عليكم ورحمة الله وبركاته

يا جماعة انا عايز اعمل صيانة ال 1000 ومش عارف اعمل الصيانة فين في ناس بتقول مودرن كويس في الاكسسوارات بس وناس بتقول السبع مش كويس اوي

ارجوا الافادة وجزاكم الله خيرا

**egypt0777** · 15-05-2011 12:02 AM

صيانة 1000 ده زيت و فلتر و تربيط

مش جامده

اى مركز يعمل الكلام ده --- مودرين - السبع - ابو رواش

**Mohamed_Hosny** · 15-05-2011 12:48 AM

المختصر المفيد لك أخي الفاضل كالتالي: أنا لسه النهارده عامل صيانة 1000 في مركز صيانة السبع بزهراء المعادي . عايز أقولك أنهم ناس محترمة جداً وشغلهم نضيف وبتستلم العربية بسرعه وبتاخد ارقام تليفونات المهندسين في الصيانة عشان لو عايز تتصل بيهم تسألهم في أي وقت على أي حاجه عادي خالص . بوص روح مركز السبع ومتقلقش بجد انا سعيد النهارده بمستوى الخدمة هناك .

ومع اني سمعت من بعض الاعضاء أنهم بيشتكوا من مركز السبع بس روحت عشان أشوف واجرب بنفسي وبعدين الاعضاء كانت بتشتكي من حاجات عادية زي التأخر في تسليم العربية وكده مش حاجه تقنية أو في أداء خدمة الصيانة ذات نفسها .

عشان تكون عارف أنا دفعت 290 ج غيرت زيت شيل 10000 كيلو + فلتر زيت . وهما ظبطوا ضغط الكاوتشات وعملوا صيانة للبطارية وركبوا شرايط ربط للطاسات من عندهم وربطوا عفشة العربية .

**م/محمد** · 15-05-2011 09:44 AM

المشاركة الأصلية كتبت بواسطة mohamed_hosny

المختصر المفيد لك أخي الفاضل كالتالي: أنا لسه النهارده عامل صيانة 1000 في مركز صيانة السبع بزهراء المعادي . عايز أقولك أنهم ناس محترمة جداً وشغلهم نضيف وبتستلم العربية بسرعه وبتاخد ارقام تليفونات المهندسين في الصيانة عشان لو عايز تتصل بيهم تسألهم في أي وقت على أي حاجه عادي خالص . بوص روح مركز السبع ومتقلقش بجد انا سعيد النهارده بمستوى الخدمة هناك .

ومع اني سمعت من بعض الاعضاء أنهم بيشتكوا من مركز السبع بس روحت عشان أشوف واجرب بنفسي وبعدين الاعضاء كانت بتشتكي من حاجات عادية زي التأخر في تسليم العربية وكده مش حاجه تقنية أو في أداء خدمة الصيانة ذات نفسها .

عشان تكون عارف أنا دفعت 290 ج غيرت زيت شيل 10000 كيلو + فلتر زيت . وهما ظبطوا ضغط الكاوتشات وعملوا صيانة للبطارية وركبوا شرايط ربط للطاسات من عندهم وربطوا عفشة العربية .

معلش انا عندي توضيح السبع معمليش صيانه البطاريه ولا ركب كوليه الطاسات من عنده ده حتي حاسبني عليها في الفاتوره والعربيه طلعت كلها زيت من جوه ومن بره وتقريبا بيرزعو ال3 لتر علي بعض بدون اهتمام بالمقاس ده بالاضافه لانهم فاهمين رجلاش فرامل اليد يعني الربط حتي الثماله لدرجه ان العربيه مش قادره تمشي
انا الصيانه الجايه هجرب مركز تاني يمكن يطلع انضف شويه

**ahmed_hanafi** · 15-05-2011 01:36 PM

جزا الله خيرا جميع الاعضاء الذين شاركوا وارجو من باقي الاعضاء المشاركة حتي تعم الفائدة علي الجميع

**ZALABANY** · 15-05-2011 01:43 PM

انا بأه يا باشا من تعاملي مع مودرن موتورز ابو رواش في سيارة اخويا التو اروح اي مزبله وما اروحش مودرن موتورز

**Bishoy.Girgis** · 15-05-2011 01:45 PM

دي صيانة الـ 1000 مفيهاش شغل جامد هو هيبقي تغيير زيت و فلتر و تربيط عفشة و لو في حاجه مش عجباك في العربية بعد الاستلام ابقي ارجع في ساعتها و هما هيظبطوا كل حاجه متقلقش
روح السبع مفيش مشكلة

**wardet** · 15-05-2011 01:59 PM

على فكرة هى حظوظ يا جماعة
يعنى انا كنت فى الاتحاد الوطنى اتبسطت من الاناس هناك
برغم ان كان بيتقال انهم مش كويسين

**ahmed_hanafi** · 15-05-2011 02:06 PM

المشاركة الأصلية كتبت بواسطة peaceman

دي صيانة الـ 1000 مفيهاش شغل جامد هو هيبقي تغيير زيت و فلتر و تربيط عفشة و لو في حاجه مش عجباك في العربية بعد الاستلام ابقي ارجع في ساعتها و هما هيظبطوا كل حاجه متقلقش
روح السبع مفيش مشكلة

متشكر جدا يا استاذ بيشوي وعلي فكرة انا كنت عند جينز كار يوم الخميس اللي فات والاساتذ احمد مشعل كان بيشكر فيك جدا لدرجة انه شوقني اني اتعرف عليك وبصراحة واضح ان حضرتك انسان محترم جدا

**Bishoy.Girgis** · 15-05-2011 02:13 PM

المشاركة الأصلية كتبت بواسطة ahmed_hanafi

متشكر جدا يا استاذ بيشوي وعلي فكرة انا كنت عند جينز كار يوم الخميس اللي فات والاساتذ احمد مشعل كان بيشكر فيك جدا لدرجة انه شوقني اني اتعرف عليك وبصراحة واضح ان حضرتك انسان محترم جدا

متشكر يا استاذ احمد علي محبتك الغالية ديه و انا فعلا اللي عايز اتعرف علي حضرتك في اقرب فرصة ان شاء الله
و علي فكرة المهندس احمد مشعل يعتبر اخويا الكبير و فعلا راجل زوق جدا جدا و بيعرف ازاي يحبب العملاء فيه بمحبته الكبيرة