مشكلة عندي في الكمبيوتر جننتني ... ياريت تفكروا معايا

**MRBEBO** · 14-05-2011 11:10 PM

انا معايا جهاز Core 2 Duo

و 2 جيجا رام و هاردين 160 + 500

المهم بقاله سنتين واكتر زي الفل

بدون اي مشكلة تذكر

اليومين دول مشكلة غريبة جدا بتحصل معايا

الجهاز اجي اشغله يوقف على اللوجو بتاع المزربورد كتيرررررررر وبعدين يا اما ميتعرفش على الهاردين او يتعرف على هارد والتاني لا

وساعات بيوقف على لوجو اللودنج بتاع الويندوز

ولما بتحصل المشكلة دي اول ما اعمل ريستارت بيتعرف على الهاردين بدون اي مشاكل

حاجة تاني بلو سكرين اشكال وانواع بتظهرلي كل شوية سواء اثناء الويندوز او قبل ما يعمل لوندنج للويندوز

واقصد شاشات كتير ان كل مرة رسالة شكل مش رسالة ثابته

اللي عملته الاتي

تنضيف بالبالور --- تنضيف للرامات --- تنضيف لكارت الشاشة --- التاكد من وصلات الداتا والباور بتاعت الهاردين --- التاكد من عدم وجود اي فيروسات او تعريفات متضاربة --- تنزيل ويندوز اصلي --- عمل clear للبيوس --- عمل ابديت للبيوس

وكل ده ومازالت المشكلة مستمرة حد يعرف ايه المشكلة العجيبة دي مع ان الجهاز اداءه كان فوق الممتاز

**ASHAALAN** · 14-05-2011 11:26 PM

جرب تفصل هارد و شوف.
المشكلة ممكن تبقى supply power أو هارد ضرب أو لا قدر الله Mother board

**Hacker5** · 14-05-2011 11:26 PM

جرب رامة تانية غير اللى عندك
الرامة لما بتكون فيها مشكلة بتخلى الجهاو يخرف كدة

لو لسة المشكلة موجودة غير كابلات الساتا كلها لانها كانت بتحصل عندى كان الجهاز يهنج و اعلم ريستارت الاقى الهارد اختفى و اتحلت بتغير كابل الساتا

**ابو فرح** · 14-05-2011 11:29 PM

غير الباور سابلى

**MRBEBO** · 14-05-2011 11:30 PM

المشاركة الأصلية كتبت بواسطة ASHAALAN

جرب تفصل هارد و شوف.
المشكلة ممكن تبقى supply power أو هارد ضرب أو لا قدر الله Mother board

الباور عندي htc يعني مش رخيص

المهم الهارد ال 500 لاحظت انه ساعات بيبقى متشاف واحاول ادخل عليه بلاقي حصل هانج وكل البارتشن بتاعته اختفت بس المشكلة دي لسه ملاحظه دلوقتي ومكنتش موجودة

طيب ايه الحل علشان احدد المشكلة بالظبط

**AmAhmed** · 14-05-2011 11:33 PM

المشكلة ممكن تكون بسيطة جدا كتغير احد كابلات الهارد او اكبر شوية و تحتاج تغير جزء اكبر سواء هارد او رامة او ماذربورد او باور سبلاي
لكن المؤكد نتيجة ظهور المشكلة قبل تحميل الويندوز ان لا علاقة لها بالسوفت وير و انها محصورة في الهاردوير

عن طريق حاجة اسمها Process of elimination
حتختبر جزء جزء من الهاردوير و تشيله من الجهاز و تشوف مدي استقرار الجهاز
و انصح انك تبدأ بعمل bios restore default ثم تعيد ضبطها من تاني

لو معملش حاجة و لسه فيه مشاكل فك الهاردين و شغل الجهاز لو بيشتغل باستقرار و بيدور علي الهاردات علشان يكمل تحميل
ركب هارد واحد لو رجعت المشكلة يبقي المشكلة محصورة في الهارد او الكابلات او البورت بتاع البوردة جرب تغيرهم مع الهارد التاني لحد ما تحاصر سبب المشكلة

طبعا حيساعد كتير في عملية الاختبار وجود جهاز تاني او قطع غيار يمكن تبديلها لمعرفة فيين القطعة المعيبة

علشان تختبر الباور سبلاي قلل الاحمال عليه بانك تفك كل شئ فرعي مالوش لازمة في الجهاز سواء سواقة اقراص او مرواح او كروت اضافية
و تشغل الجهاز بكارت الشاشة او بالكارت المدمج لو موجود في البوردة و هارد واحد لو حصل استقرار يبقي الباور علي اخره و مش قادر يطلع قدره اكبر و بتغييره تتحل المشكلة
و متابع معك اي تطورات في المشكلة

**shaddadfalcon1** · 14-05-2011 11:34 PM

حصلت عندي لسببين

1- التراب
2- كان في Slot من الأربعه بتوع الرامات فيه تقريبا تراب ولما نضفه اشتغل 100 100

اخر مره الموضوع خصل معايا ال BIOS بتاع البورده ضرب وصلحته وشغال 100 100 دلوقتي

**MRBEBO** · 14-05-2011 11:42 PM

المشاركة الأصلية كتبت بواسطة hacker5

جرب رامة تانية غير اللى عندك
الرامة لما بتكون فيها مشكلة بتخلى الجهاو يخرف كدة

لو لسة المشكلة موجودة غير كابلات الساتا كلها لانها كانت بتحصل عندى كان الجهاز يهنج و اعلم ريستارت الاقى الهارد اختفى و اتحلت بتغير كابل الساتا

انا عندي رامتين كل واحدة 1 جيجا

بس معتقدش دي ليها علاقة بان ساعات الهاردات تتشاف وساعات لا

طب معقول كابلين الساتا الاتنين ضربوا

**MRBEBO** · 14-05-2011 11:43 PM

المشاركة الأصلية كتبت بواسطة shaddadfalcon1

حصلت عندي لسببين

1- التراب
2- كان في slot من الأربعه بتوع الرامات فيه تقريبا تراب ولما نضفه اشتغل 100 100

اخر مره الموضوع خصل معايا ال bios بتاع البورده ضرب وصلحته وشغال 100 100 دلوقتي

يا باشا نضفت بالبلاور وعملت ابديت للبيوس ومفيش اي فرق

**aly_hosny** · 14-05-2011 11:47 PM

ركز مع الهارد
لو لاقيته بيفصل باور لحظة كدا و يقوم يبقى بوردته فيها مشكلة "غالبا دي سبب المشكلة لانها حصلت عندي"
الهارد بيقوم صوته يروح و يرجع مرة واحدة و لو دا حصل على اللوجو بتاع الويندوز و هو بيحمل هتلاقي وقف ثواني كدا و قام عامل ريستارت
و لو عملها في ال ستارت اب في الاول خالص هتلاقيه طول اوي و اوقات يدخل و اوقات لا
ولو عملها و الويندوز شغال هتلاقي كل حاجة في الكمبيوتر وقفت دقيقتين تلاتة "دا لو الهارد ال عليه الويندوز هو ال فيه المشكلة"