الموضوع: احساس بالغرور

اكيد الاحساس بالغرور لازم ينتابك ولو لحظات لأن الشيطان لن يتركك في حالك
خاصة لو توقفت في اشارة مرورية في عز الحر وحضرتك مشغل التكييف واتى ميكروباص وتوقف بجانبك وبدأ الركاب بالنظر اليك. ماذا سيحاول الشيطان ان يوسوس لك. سيحاول ان يقذف الغرور بداخلك.
وفي هذه الحالة حاول ان تشكر الله على ما اعطاك كلما احسست بهذه الوساوس الشيطانية اللعينة وادعو لركاب الميكروباص ان يرزقهم الله خيرا من سيارتك.
اما بالنسبة للحسد فأنا اؤمن به وبوجوده. فعليك ان تتصدق وتزكي عن سيارتك كما تزكي عن نفسك وعن اولادك وحاول ان تكون خير عون لكل اقاربك عن طريق عرض المساعدة عليهم في حالة التوصيل لأي مكان
وعلى رأي المثل (اطعم الفم تستحي العين)

انا بأه جت معايا بالعكس

يعنى زمان لما جبت العربية اللانوس سنة 99 كانت عجبة ، وبصيت لقيت ناس كتير جدا من جيراننا عمرهم ما كانوا بيكلمونى قبل كدة لقيتهم واقفين بيسلموا عليا وبيتقربوا منى وبيحاولوات يتعرفوا عليا، كل ده لمجرد انى انتقلت من فئة راكبى ال128 الى فئة راكبى اللانوس اللى كانت محيرة المصريين وقتها من عشرة سنوات، بس الصراحة الناس دى سقطت من نظرى تماما لأنى حسيت انهم مش هاممهم انهم يتعرفوا على خالد لكن على صاحب العربية اللانوس

لما اشتريت العربية النيسان من فترة ملاحظتش نفس الملاحظة مع انى برضه جبتها قبل ما تنتشر الإنتشار الواسع ده، يمكن لأنى مليش علاقات مع الجيران فى محل سكنى الجديد بعد الزواج ويمكن لأن العربيات الجديدة اصبحت شئ عادى اليومين دول اكثر من ما كان يحدث منذ عشرة سنوات مضت، ويمكن لأن سنى الحالى يؤهلنى لركوب سيارة فى هذة الفئة بعكس ايام ما جبت اللانوس وكان لسة عندى 27 سنة وكانت بدورها تعتبر اعجوبه فى ذلك الوقت

اللموضوع دة بقى عادى من 8 سنين كانت العربية مكن تحدد مستوى الى ركبها لكن دلوقتى البنوك خلت اى حد ممكن يركب عربية حديثة علشان كدا هتلاقى مستوى العربيات الان غير متناسب تماما مع الى ركبها يعنى انت لو معاك 15000 ممكن تركب عربية ب 10000 و الغريب ان الناس ممكن متكلش علشان تتدفع القسط

المشاركة الأصلية كتبت بواسطة abdelaziz-waleed

خاصة لو توقفت في اشارة مرورية في عز الحر وحضرتك مشغل التكييف واتى ميكروباص وتوقف بجانبك وبدأ الركاب بالنظر اليك. ماذا سيحاول الشيطان ان يوسوس لك. سيحاول ان يقذف الغرور بداخلك.
وفي هذه الحالة حاول ان تشكر الله على ما اعطاك كلما احسست بهذه الوساوس الشيطانية اللعينة وادعو لركاب الميكروباص ان يرزقهم الله خيرا من سيارتك
اما بالنسبة للحسد فأنا اؤمن به وبوجوده. فعليك ان تتصدق وتزكي عن سيارتك كما تزكي عن نفسك وعن اولادك وحاول ان تكون خير عون لكل اقاربك عن طريق عرض المساعدة عليهم في حالة التوصيل لأي مكان

طبعاً الشيطان مش هيسيبك في المواقف اللى زي دي , و الواحد بيحاول انه يستعيذ من الشيطان و يحمد الله ,
و طبعاً الحسد ذكر في القرآن و لازم فعلاً نحاول ان نتصدق عن السيارة.

فعلا الواحد بيحس إنها وساوس شيطانية وبحاول أتغلب عليها بالإستعاذة من الشيطان وبتذكر الماضي أيام الواحد مكنش معاه عربية وحمد لله على النعمة
( على الرغم إن العربية بتبقى في بعض الأحيان نقمة لما تبقى رايح مكان وتدوخ بالنص ساعة عشان تلاقي مكان تركن عربيتك )

ولكن الخوف الأكبر في المواقف دي هي الخوف من الحسد لذلك أنا قبل ما أطلع بالعربية لازم أقول دعاء الركوب ( سبحان الذي سخر لنا هذا وما كنا له مقرنين ، وإنا لربنا لمنقلبون )

ربنا يكفينا ويكفيكم شر الطريق

أقترح على كل اللى يجيب عربية جديدة أو مستعملة يشكر ربنا عن طريق الصدقة