انهى احسن فيهم كيا كارينز- النترا- اكسنت ار بى -ولا كيا سول؟كله موديل2011
1-انا عارف ان العربيات مختلفه عن بعضها بس انا فكرت اول حاجة فى الالنترا بس لاقيت انا بدفع 104 الف فى عربيه كان تمنها من 6 شهور ب 99ونص وفجاءة طلع سعرها بقى 108 الف وبعدين ضحكوا على الواحد وقالوا
خصم لانهم عاوزين يخلصوا من المخزون وعملوا عرض حتى نفاذ الكميه ب 104 ونص المهم انا اللى يهمنى فى الموضوع العربيه حلوة بس فيها حاجة كمان وهى ان العربيه خلاص شكلها هيتغير او بمعنى اصح اتغير برة بس لسا فى مصر هينزل بعد شويه بس طبعا هيبقى غالى فوق ال130 الف طبعا ....
الالنترا فيها ميزة انها ممكن اى حد يشتغل فيها وقطع غيارها متوفرة ورخيصه على ما اعتقد واعادة بعها حلوة
2-قولت طيب خلينا نشوف ال نيو اكسنت ار بى لاقيتها ب 101 الف بس عربيه ضيقة شويه من وروة لكن الشنطه حلوة وكبيرة ونفس موتور اللانترا 1600 سى سى بس العربيه بردة لسا جديدة فى السوق وقطع الغيار مش منتشرة زى الالنترا فدة هيبقى عامل مش مشجع قوى بس الشكل طبعا تحفه فنيه على عربيه كورى .
3-قولت طيب شوف حاجة عائليه وهى الكارينز لاقيتها حلوة ب 120 فى التوكيل بس خوفت من حجم الموتور 1600 على حجم عربيه كبير ومدى تأثر دة على عزم العربيه وكمان لما تشغل التكيف ومعاك اسرة وفى طريق سفر هيبقى الوضع عامل ازاى؟؟؟؟
4-قولت طب شوف السول لاقيتها حلوة واصغر حجم من الكارينز وبردة حلو حجمها على 1600 تحس انها هتكون متناسقه بس الخوف من قطع الغيار بتاتعها لانها مش منتشرة زى الكارينز مثلا ...... وطبعا اعادة البيع مجهول موقفها ايه فى السوق .... واغلى من الكارينز ب 123 الف.
ايه الافضل بالترتيب :تجمع سهوله اعادة البيع -سهوله الصيانه-اسعار قطع غيار رخيصه-تستخمل اسره خمس افراد- وتكون كويسه فى التكيف اثناء السفر- وعربيه تكون لك وللزمن ومش عاوز شد وجرى وغرز.
انا عارف ان المقارنه غريبه شويه بس انا عاوز اجمع كل المميزات على قد ما اقدر واختار العربيه الصح منهم
1-(كيا كارينز2011)120 الف
2-(كيا سول 2011) .123 الف
3-(هايونداى النترا 2011)104ونص الف
4-(هايونداى اكسنت أر بى 2011)101 الف
أشكركم على تعاونكم.
