حد جرب يحوش جنيهات دهب؟؟
فى ظل شبهة البنوك وارتفاع اسعار الذهب فكرت فى الموضوع دة,, وهل لما يجى يتباع بيتخصم منة المصنعية زى الدهب العادى؟؟
عرض للطباعة
حد جرب يحوش جنيهات دهب؟؟
فى ظل شبهة البنوك وارتفاع اسعار الذهب فكرت فى الموضوع دة,, وهل لما يجى يتباع بيتخصم منة المصنعية زى الدهب العادى؟؟
أرخص و أضمن مكان تشترى منه الجنيه الدهب هو البنك المركزى على حد علمى وده مضمون 100% و أرخص من أى صايغ
لما بتبيع بيتخصم منه حاجة بسيطة جدا حوالى 15 جنيه لى 30 جنيه إنت و شطارتك
يعنى لو سعره دلوقت 1150 هاتروح تشتريه من البنك المركزى ب 1158 تقريبا
و لو بيعته فى نفس اليوم هاتبيعه ب 1135 تقريبا
لو قدرت تجيب جنيه فيكتوريا فهو أحسن من جنيه جورج على المدى الطويل و ليس القصير أتمنى إنى أكون أفدتك
صباح الفل يا علاء باشا
العملات ذى ما إنت عارف حاجة كده ذى ملك فى ناحية و كتابه فى ناحية
الجنيه الدهب بيكون على ناحية الملك - عليه صورة حد
فيه جنيه جورج - و فيه جنيه فيكتوريا - دوول أشهر 2 و فيكتوريا إللى بيميزه إنه قديم عتيق يعنى ممكن تلاقى السنة إللى عليه 1800 - 1822 كده يعنى
فيه جنيه أم كلثوم - فيه جنيه عبد الناصر .... دوول قليلين أوى
خلى بالك الوزن بيختلف يعنى جورج 8 جرام تقريبا
فيكتوريا أزيد كسور فى أغلب الأحيان
عبد الناصر مش فاكر 22 جرام
أم كلثوم تقريبا 10
مش متأكد بس يعنى على أى حال و إنت بتشترى بتوزن ماتشتريش و خلاص
لو البنك المركزى بعيد عليك إشترى من صايغ معرفه و يكون سمعته حلوه
من أفضل الصياغ إللى أعرفهم و ناس محترمين جدا - محل الجلا فى شارع حسنين هيكل فى مدينة نصر و الناس هناك أسعارهم محترمه و خدمتهم محترمه جدا
جزاك الله كل خير ...
شكرا جزيلا على الافادة...:)
يعنى على كدة مش بيتخصم منة مصنعية