لو حد عندو مشكلة او حد من ملاك السيارة الي هية باور كهرباء يقيم السيارة علشان بنشتري سيارة لاخ لينا وانا ماعرفش اخبار الباور اية لانها نزلت باور زيت في الموديلات الاحدث وجزاكم اللة خيرا
عرض للطباعة
لو حد عندو مشكلة او حد من ملاك السيارة الي هية باور كهرباء يقيم السيارة علشان بنشتري سيارة لاخ لينا وانا ماعرفش اخبار الباور اية لانها نزلت باور زيت في الموديلات الاحدث وجزاكم اللة خيرا
الباور الكهربا سمعت إنه ظهر فيه شوية مشاكل و عشان كده رجعوه لزيت تانى
اية هية طبيعة المشاكل دي
المشكله فى الباور الكهرباء على حد علمى
انه لو حصل مشكله كهرباء اثناء القياده يسوجر الدريكسيون
حصلت مع فيرنا فى سوريا و كان فيها حادثة بشعة
انتوا حتخوفونا ليه من الباور الكهرباء ده من اكتر الاشياء الممتعة فى العربية
بصراحه انا شايف انه من اجمل اخترعات العصر
ياريت حد من المتخصصين يطمنا ويرد علينا
تحياتى
:glasses12:
الدركسيون مش بيسوجر هو بس بيتقل جامد ف الموضوع ده بيبقى مفاجى بيخلي الناس تتخض
وعموما انا العربيه دي من استعمال 5 سنوات عفشتها اقل حاجه تتقال عليها سنين الضياع غير كده هي عربيه كويسه ومتورها بيستحمل
يا جماعة عاوزين نفرق بين الباور بتاع النيو اكسنت والالنترا علشان الكلام مايخشش في بعضو انا بتكلم علي بارو النيو اكسنت الكهربا ومدي اعتماديتو
صح يا باشااقتباس:
المشاركة الأصلية كتبت بواسطة حماده المصري
كلام مليون فى الميه صح
حصلت معايا ولاقيت الدركسيون تقل مره واحده
بس بيبقى الفيوز اللى هو على شكل الكوبرى ضرب
هو ده بس اللى فى الموضوع:36_1_50[1]:
البور الكهربا ممتاز جدا وانا معايا العربيتين 2006 2010 وحده بور كهربا ووحده بور زيت وصورهم فالتوقيع
ال2006 كانت بور كهربا وشغال ميه ميه ومره عمل مشكله من فتره بسيطه وكانت فعلا ان الدركسيون كان بقى تقيل كانو مش بور وساعتها عرفت ان علبه الدركسيون نفسها باظط وغيرتها وبقى تمام وزى الفل عاوز اقول ان الى خلاها تبوظ انى كان المفروض اغير شويه جلب مقصات واظبط العفشه بس انا كنت مطنش فبدئت ترج فالمطبات الصغيره لحد ماثرت على العلبه يعنى انا معترف انى السبب فانها باظط انما طول ما العربيه عفشتها سليمه البور بيبقى تماما واحسن واسرع من الزيت بس
طب هية اتغيرت بكام يا فندم
العلبه اصليه من موزع معتمد هيونداى كانت 1650 كامله بالبارات
على فكره انا عاوز اقولك ان الاكسنت دى احسن عربيه عيونداى ممكن تشتريها فحياتك وبتختلف عن جميع موديلات هايونداى تماما من حيث الماتور والعفشه ونظام التعليق هيا ماتورها قوى جدا 1600 اتنين كامه والوحيد فهيونداى الى فيه تكنولوجيا cvvt ودى منزلتش فاى موديل اعلى ولا اقل منها وبالنسبه للتعليق بتعها من قدام قوى جدا وفيها مقص ملوش حل وقنطره لفه حولين الحوض كلو وعلى فكره علبه الدركسوين ركبه فالانطره دى كمان والتعليق من ورا تورشن بيم وده الى يبسموه دنجل وبرضو منزلش فاى موديل لهيونداى غير الجيتزر ومنجحش فالجيتز اوى الاكسنت دى كانت غلطه منهم كده ثباتها كويس اوى خصوصا بعد مغيرتها الجنوط والتسارع بتعها ملوش مثيل
ودلوقتى قطع الغيار بتاعتها بقت برخص التراب وموجوده كتير عن زمان لانى معايا العربيه من 2006 كان زمان ملهاش مسمار دلوقتى كل حاجه موجوده والقطع اصليه وتمنها مناسب يعنى هتلاقى مرايات فة منها تيوانى 300 الاتينن وهتلاقى الاصلى الاتينن 600 العفشه بتاعتها ورا مش يبتغير فيها حاجاه الا على المدى الطويل اوى 10 سنين ولا حاجه وقدام فى جلب مقصات وبارات ومسمار ميزان ده حوار الاكسنت الفوانيس بقى والصاج برضو متوفرين وفى استراد تمنهم حلو جدا الفانوس الاماماى فحدود 350 جنيه استراد اصلى اوى
انت توكل على الله ومش هتندم ابدا انا عاوز اقولك انى فالبيت عندنا فى اربع عربيات اكسنت وهنفضل نشترى اكسنت لابد
اضيف ليك بقى معلومه عشان اثبتلك ان الشركه دى مش بتهتم الا بالاكسنت اكتر من اى موديل ومش عارف ليه لو حضرتك بصيت على الاكسنت rb الجديده النهرده لو شوفت اعلى فئه منها هتلاقى فيها الاتى جنوط اسبور وده كان صعب جدا تلاقيه فعربيه هايونداى مصرى فتحه سقف نفس الكلام فوجات شكل شيك جدا صالون ملوش حل دركيسون مالتى فنكشن كاست بلوتوث abs مظبتين العربيه اوى برضو غير اى موديل تانى بس
بارك اللة فيك علي كل المعلومات دي كلها انا عارف قيمتعا بس كنت خايف من البارور الكهرباء لانو عندي في الالنترا ب 16 الف جنية في التوكيل فكنت عاوز اعرف اخبارو وبعد كل الكلام دة انا هاشجعو علي شراء السيارة هية هيونداي بصراحة هتبقي نمرة واحد في العالم بسيارتها الي بتبهرنا كل شوية عاملة زي نوكيا في الموبيلات
اقتباس:
المشاركة الأصلية كتبت بواسطة fouaa
والله ياباشا انا مع احترامي ليك كانت معايا نيو اكسنت وطلعت عين اهلي وهي اسوا عفشه نزلت في هيونداي الى الان اضف الي ان التورشن اكسل الخلفي اقل ما يقال عليه انه تعبان وعربيه بتتنطط وضياع في الثبات وسنين الضياع في الراحه بالنسبه للركاب في الخلف وصباح الدرمغه في المطبات والمفصلات ده لو ماشي 60
اضف الى ذالك محرك ال cvvt موجود في معظم الهيونداي دلوقتي وهو مش اختراع يعني هما شالوا الموبينه وحطوا مكانه 4 موبينه الي هما ال سي في في تي
اضف الى ذالك ان عفشتها مفيهاش اي شيء مميز لاهي ثابته ولاهي ناعمه ولا فيها اي حاجه مميزه يعني ناشفه ومش ثابته طب ايه الفكره في كده مع ان العربيه ك سواقه وباور ودبرياج ناعمه انما العفشه ناشفه جدا
اضف الى ذالك ان علبه الدركسيون مالهاش علاقه بالباور تماما هي طبعا بتاثر عليه في النهايه بس الباور لو باز مش بتتغير علبه الدركسيون الي بيتغير حاجه اسمها قطمه الدركسيون ودي تحت الدركسيون بالضبط وجوه العربيه مش برا وبتتفك من جوا وبيبقى فيها متور الكهربا للباور ووحده كنترول ليه وهما دول اللي بيبوزوا وللعلم كمان الكنترول ده صناعه متسوبيشي وعليه ماركه متسوبيشي
هي كل الميزه الي فيها انها سرعه جدا جدا جدا ومع ذالك فيها مشكله في الدبرياج بتاعها في بعض الموديلات بتنتش جامد
وبرضو احب اوضح ان قطمه الدركسيون بالكنترول بالمتور ب 7 الف في التوكيل وممكن تجيبها من برا استيراد نضيفه جدا ب 1500 جنيه وممكن تجيب الباور الجديد بتاعها برضو استيراد واحب اوضح انه برضو كهربا بس زودولوا شويه حاجات مش فاكر بالضبط بس كاظم بتاع الاستيراد شرحهالي
اضف الى ذالك النترا الجديده لحد 2009 باور كهربا وبيفصل احيانا بس ميزته انه لما بيفصل بيبقى برضو سهل تحريكه لدرجه انه باز عند صحبي ومحسش بيه بس في التوكيل برمجوله الخطا وعدت مغيرش حاجه بس للامانه كانت i30 وهي هي باور النترا وهو كمان معمول ليه دينامو لوحده او حاجه زي كده عموما برضو بعد 2010 الاكسنت والنترا اتزبطوا في الباورز بتاعتهم
والله على ما اقول شهيد
ماهوة دة الي قصدي علية قطمة الدراكسيون الي هوة الباور الكهرباء هوة في الالنترا غالي بس ماشوفتش حد اشتكي منو غير حالات قليلة جدا لاكن في الاكسنت اية لان العربية الي هانجبها لصحبي باور كهرباء بس حضرتك متاكد انو برة استيراد ب 1500 جنية طب باور الالنترا استيراد الي هية القاطمة بكام لو حضرتك تعرف تبقي معلومى وعرفناها
والله يا فندم انا معايا العربيه من 2006 ومشتكتش من الكلام ده خالص وانا من النوع الى بيجرى جرى فوق متتخيل وفوسط القاهره العربيه ثباتها معايا تمام اوى ومفيش منها مشاكل
وبعدين ما معظم الحاجات فالتوكيل سعرها غالى جدا ومكن تجيبها اصلى من بره بفرق ملحوظ تماما
بالنسبه بقى لموضوع الدبرياش والنتشه وانها بتبطل فده لانها حساسه جدا ومحتاجه حد يتعود عليها كويس انا عربيتى اى حد بيركبها لازم يتبطل منو يا تنتش منو بس انا لا خالص وبعدين لو حضرتك حبيت تقارنها مثلا بالعربيات الى فنفس رنج السعر ده هتلاقى نفسك قدامك اختيارات هيا افضلهم يعنى هنبدا بفيرنا ولانوس ونعلى شويه ونقول افيو ولوجان او جيتز هيا هتكسب
وانا معاك اوى فموضوع الاكسل ده دى مش عربيه اصلا دى تقريبا كانو منزلينها لحجتين ياما هتبقى لعبه فملاهى ياما جهاز تخسيس للناس الى فوق الوزن طبعا عشان بتفضل تتمرجح بعد المطب بفتره كبيره جدا ومش بتقطنع انها خلاص عدتو من زمان وربنا يعينك على العربيه ولو احتجت اى حاجه انا معاك
بالنسبه للنترا معنديش فكره بس حضرتك متقلقش لان المشاكل الي حصلت في باور الالنترا قليله جدااقتباس:
المشاركة الأصلية كتبت بواسطة osama_ruan
وزي ما وضحت لحضرتك بالنسبه للالنترا لو الباور فصل معاك الدركسيون مش هيبقى تقيل معاك بعس النيو اكسنت لو الباور فصل هيتقل جامد
وبالنسبه للالنترا ف المشاكل الي حصلت فيها مع انها قليله جدا الا انها كمان والحمد لله انحصرت في حاجات بسيطه برمجه وحصلت مع صاحبي وصاحبي التاني كتاوت واتغير وشكراو موديل 2010 الباور اتغير او اتعدل ده كان كلام صاحب معرض
اقتباس:
المشاركة الأصلية كتبت بواسطة fouaa
ده من إمتى الكلام ده تقريبا ؟؟
و مين الموزع المعتمد ده ؟؟
و دى إستيراد ؟؟؟ صح ؟؟؟؟؟؟؟؟
و جزاكم الله خيرا
الكلام ده بالظبط كان من اسبوعين بالظبط الموزع ده فشارع المرسيدس فالحرفين موزع معتمد عندو قطع غيار التوكيل الاصليه ومعندوش غير اصلى ولو تحب فاتوره ضريببيه بيديلك لو مش عاوز خلاص براحتك
لا يا فندم العلبه دى كامله من غير جهاز البور طبعا علبه الدركسيون وبارات الطرف بتاعتها جديده اصليه
هى كده العلبه دى من غير الجزء المشهور المسمى قطمة الدركسيون ؟؟ صح ؟؟
و لو مفيهاش إزعاج ممكن رقم تليفونه ؟؟
و جزاك الله خيرا
اه طبعا العلبه من غير القطمه ورقم التليفون والله لما اروح الحرفين هاجيبو لانى كان حصلة مشكله واتسرقت كده والمحفظه بالى فيها اتخدو منى
للبيع علبة دريكسون كهرباء لسيارة اكسنت 2012
كالجديدة .
3800 جنيه.