الموضوع: تركيب اسبويلير للسيراتو

معتقدش الاسبويلر العادى ده بيفرق فى الثبات ده مجرد شكل

يا باشا الاسبويلر الي ب 190 جنيه ده شكل بس ملهوش اي قيمه الاسبويلرات الاوريجينال الي بترفع الثبات اقل حاجه 3000 4000 جنيه و انت طالع و لازم تختاره بعنايه عشان يكون متوافق للعربيه و الي انت طلبه منه
لكن عن الثبات الحقيقه يا باشا انا مش معاك خالص 120 دي العربيه لسه بتقول يا هادي اصلا و واضح ان حضرتك كنت راكب لانسر و حسيت بفرق كبير بين التنين

المشاركة الأصلية كتبت بواسطة moha4tec

هتجيب سوست ايباخ لتهبيط العربيه و ابقى قابلنى لو عرفت تعومها او تقلبها
ثبات رهيب و مفيش تعويم و ملفات على سرعات عاليه
بس للاسف الحلو ميكملش العربيه لما توطى هتتعبك شويه فى المطبات لازم تاخدها تمنيات و زجزاج و كده
كل الناس اللى غيرو السست اللى بتركب عند المساعدين الاربعه قالوا كده و كمان العربيه نعمت عن الاول و مبتهبطش لما تحمل مهما تحمل بعكس السست الفبريكه
و السلام ختام
ممكن تغير مقاس الكاوتش اللى ورا و تجيبه 245/40/17 و اللى قدام تسيبه 215/45/17 هتلاقى ثبات حلو بردوا فى الملفات و فى القواطيع بتاعة الكبارى و فى عيون القطه
ممكن تركب بدى كيت كامل بس اصلى مش عموله و تركب عواميد التثبيت بتاعة الترا رايسultra race و دى رهيبه فى الثبات هى و السست اشد حاجتين من الاخر و انت حر فى رايك
و السلام ختام

علي دول موتور 2.4 عشان تكون كملت بقا يا معلم
انا كنت فكرت اهبط بس نفض بعد كدا عشان المطبات و الحقيقه مادام الواحد حافظ عربيته عمرها ما هتعوم منه ان شاء الله

المشاركة الأصلية كتبت بواسطة sando_star109

انا فعلا كنت راكب لانسر 2007 سوبر اكشن وكانت جميله على الطريق بس دلوقتى المشكله ان فعلا العربيه خفيفه جدا فيه اى حد من ملاك السيراتو عنده حل لموضوع ثبات العربيه على الطريق

ولله انا عن نفسي كان معايا لانسر 1.3 شايف ان السيراتو اثبت بمراحل الزات علي السرعات العاليه و مطبات الهواء بسبب الوزن
الحل هو انك تهبط العربيه من ورا او زي ما قال لك اخونا تغير السست و ان شاء الله هتلقيها احسن بكتير