تقطيع فى صوت الكاسيت

**khaled_sabry** · 15-05-2011 09:56 AM

انا عندى كاسيت صيني من نوع غير معروف (حاجه كده تؤدى الغرض و السلام )
هو بيشغل راديو و mp3 فقط ( وهو المطلوب بالنسبالى )
المهم مع دخول الصيف ابتدى دلوقتى الصوت يقطع
بمعنى انى ابقى ماشى بالعربيه عادى و مشغل الكاسيت الاقى الصوت بيقطع لمده ثانيه و يرجع تانى و ممكن يقطع مرتين ورا بعض و يرجع تانى و بتحصل الحكايه دى بشكل عشوائى و بتتكرر اكتر من مره بشكل مستفذ
يعنى ممكن فى الاغنيه الواحده مثلا (3 دقايق ) التقطيع ده يحصل مابين مرتين لغايه 20 مره
بس اللى بيحصل تقطيع بس ... لكن مش ريستارت للكاسيت

بس لاحظت ان الموضوع ده بيزيد لما تبقى الدنيا حر و لما بمشى على RPM عالى
فيه واحد من اصدقائى قالى ان كده فيه عندك ذبذبه خفيفه فى كهرباء العربيه ... ولو روحت للكهربائى حيركبلى عضم على البوجيهات

فهل كلامه صح و لا ايه ؟؟؟ و ايه هو العضم ده ولو كده بيتجاب منين و انا اركبه بنفسى لأنى بصراحه مش بحب اروح للصنايعيه الا فى الشديد الاوى لأن العادى بتاعهم يصلحولى حاجه و يبوظو حاجه تانيه بعد مايقعد يترسم عليا
و كمان انا بالفعل روحت لكهربائى قالى روح لحد بتاع تصليح كاسيت و هو يحللك كل حاجه

المشكله انى معرفشى حد كده و مافيش فى المنطقه بتاعتى حد بيصلح كاسيت

انا على فكره قيست فرق جهد العربيه بالافو و لا قيته بيتراوح بين 14.5 و احيانا بيوصل ل 17
فحد يدلنى عمل ايه

**abo_kanze** · 15-05-2011 09:13 PM

متابع,

بس يمكن يكون المشكله في الارضي بتاع الكاسيت او الفرده الكهربا اتاكد حضرتك يكونوا واصلين كويس , يعني ممكن مع المطبات او مع اي حركه تانيه في العربيه..

والله اعلمـ تحياتي لك

**khaled_sabry** · 19-05-2011 11:35 AM

المشاركة الأصلية كتبت بواسطة abo_kanze

متابع,

بس يمكن يكون المشكله في الارضي بتاع الكاسيت او الفرده الكهربا اتاكد حضرتك يكونوا واصلين كويس , يعني ممكن مع المطبات او مع اي حركه تانيه في العربيه..

والله اعلمـ تحياتي لك

هى مالها علاقه بحركة العربيه لأن المشكله دى بتحصل و اانا واقف و مدور الموتور
انا مش لاقي تفسير تانى غير تذبذ التيار بتاع الدينامو ... و مش لاقى بتاع كاسيتات يحللى الموضوع

**saadelden** · 19-05-2011 12:59 PM

جرب تاخد الكهربا من البطاريه علي طول و حط علي السلك فيوز
كدا هيبقى عندك فولت 12 ثابت

**khaled_sabry** · 20-05-2011 03:06 PM

المشاركة الأصلية كتبت بواسطة saadelden

جرب تاخد الكهربا من البطاريه علي طول و حط علي السلك فيوز
كدا هيبقى عندك فولت 12 ثابت

انا عملت كده بالفعل و مافيش ادنى اختلاف
و على فكره الدينامو بيبقى متوصل على التوالى بالبطاريه يعنى مش فارقه اختلاف طريقة التوصيل
لأن كده كده
احنا بنبقى موصلين الكاسيت مع البطاريه مع الدينامو كله على التوازى

**dobiues** · 17-06-2011 05:20 AM

انا عندي mp3نظيف جيجا ماكس بس في مشكلة انه مثلا مع الفرامل يفصل مع النور العالي يفصل ويشتغل تاني ساعات بيعمل ذبذبات كده عملتله وصله منه للبطارية علي فيوز لوحده قعد فترة كويس وبعد كده ابتدي يعلق تاني وهو بيعلق خصوصا مع الفرامل فمش عارف ايه الحل جبتله فيوز وبرضه نفس الموضوع هو كان فيه فيوز بس اتكسر الفيوز ده مكنش بيخليه يعلق فمش عارف اعمل ايه بقي وكان فيه فانوس الفرامل اللي انا كنت مركبه كان فيه نورين نور مع السيريا وواحد لما بدوس مع الفرامل واللي وانا بدوس مع الفرامل باين باز فمش عارف اعمل ايه بقي

**kamatsho** · 17-06-2011 06:22 AM

عندى نفس المشكله

وكان عندى مشكلة ان الكاسيت يفصل فى المطبات لو اخدتها بسرعها او مطبات الهوا اللى ماليه الدائرى

وفكيت الجزء بتاع التابلوه اللى عند الكاسيت وتممت على الوصلات الارضى والكهرباء اللى فى الكاسيت من ورا

والمشكله بتاعت انه يفصل او يعمل ريستارت دي اتحلت

لكن مشكلة التقطيع دى لسه موصلتلهاش

ياريت لو وصلت لحل تقولنا

ولك جزيل الشكر

**khaled_sabry** · 17-06-2011 08:04 PM

انا موصلتش لحل و المشكله هى هى
بس مش فاهم الايام دى معدل التقطيع ده بقى بيحصل بس قل عن الاول
دلوقتى بقيت اعمل نفسى مش واخد بالى

**samehlila** · 22-06-2011 02:01 PM

بسم الله الرحمن الرحيم
غير سلك البوجيهات و الموضوع هيتحل و لو عايز تتأكد من صحة كلامي دور العربية في مكان مظلم جدا و افتح الكبوت هتلاقي سلوك البوجيهات بترمي شرز علي الارضي بتاع الموتور و هوه ده اللي بيخلي الكاسيت يقطع
هات سلك من نوع نضيف و غالي و ياريت يكون سبليت فاير و اعزله كويس في مكرونة و لفه كمان بشريط عازل هتلاقي الدنيا تمام
م / سامح ليله

**khaled_sabry** · 22-06-2011 04:28 PM

هو انا دلوقتى لاحظت ان الموضوع شببه منعدم عندى لوحده كده معرفشى ليه
بس برضه امبارح كنت بالصدفه عن المكيكانيكي و اكتشفت ان سير الدينامو مرخى شويه بس مش الى الحد اللى يطلع صفاره
بس بيعمل تزيق كده لو حاولت تحركه بايدك
هو شدلى السير بس معرفشى هل ده سبب التقطيع و لا لاء