خبر بخصوص سرقه سيارة كيا سيراتو منشور في الأخبار اليوم
هل ممكن أن يكون موضوع سرقه الشفرة الخاصة بالمفتاح صحيح ؟
http://www.nileup.com//uploads/image...3c2912969d.jpg
خبر بخصوص سرقه سيارة كيا سيراتو منشور في الأخبار اليوم
هل ممكن أن يكون موضوع سرقه الشفرة الخاصة بالمفتاح صحيح ؟
http://www.nileup.com//uploads/image...3c2912969d.jpg
للاسف الكلام دة حقيقى اعرفة من مصدر موثوق منة
برجاء من اصحب السيراتوا تحديدا تامين العربية باي طريقة
و طبعا العربيات الاخرى بصفة عامة
يعنى البيانات دى اتسرقت منين وازاى ؟؟؟
ولو الكلام دة صحيح يبقى التوكيل مسئول لو البيانات دى اتسرقت منة وبجد يبقى حرام لملاك السيراتو اللى شقيوا لحد ما جابوا العربية وتتسرق نتيجة تقصير من الوكيل ان كانت سرقة البيانات دى تمت عن طريقة
ربنا يصبر اى حد عربيتة اتسرقت ويرجعهالة باذن الله
حضرتك دى جريدة ايه
اعتقد انها اشاعة
اعتقد ان كل ملاك السيراتو لازم يرفعو قضية على الوكيل بتهمة الاهمال
حتى لو العربيات بتاعتهم متسرقتش بس هما كلهم كدا في خطر
جريدة الأخبار بتاريخ اليوماقتباس:
المشاركة الأصلية كتبت بواسطة mohammmed
جريده لا تصدق منها اى كلمه
الكلام ده صح بدليل 80% من السيارات الجديدة اللى بتسسرق حاليا كلها كيا سيراتو وبتتسرق بدون اى كسر فى الزجاج
فكلا الحالتين فى تقصير جامد من شركة كيا سواء انها عاملة عربيات اى حد يعرف يجب شفرتها او انها مش عارفة تحاقظ على خصوصية عربيتها
بصراحة انا رائى من الاول انك هتاخد اية شركة كورى بتبيع عربية وفرحانة بيعا وتمنها فوق ال120 الف وفى الاخر تتسرق تبقى شركة فاشلة واحسنلى بالسعر ده اشترى حاجة المانى ملوك المحركات
فيه واحده مسروقه من العماره الى قدامى فى 6 اكتوبر برضه :-(
ربنا يعوض صاحبها ويستر على سياراتنا جميعا
أنا استغربت من الخبر ، علشان أنا مكنتش سمعت أنا فيه مركز من مراكز كيا اتسرقاقتباس:
المشاركة الأصلية كتبت بواسطة human12
و لو ده حصل ، أكيد أن الشركة حتاخد اجراءات - معرفش ممكن تكون أيه - من شأنها تحمي عربيات العملاء
جارى فى العمارة عربيتة سيراتو اتسرقت فى فجر امس بدون ما يكون فية اثار زجاج مكسور فى الارض مكان ما كانت راكنة
يبقى اتفتحت ازاي؟
و اكثر العربيات المسروقة اليومين دول تابعوها هاتلاقوها كيا سيراتو للاسف
طبعا التوكيل لازم يتصرف و بسرعة بس لغاية لما يحلها لازم ملاك العربية يأمنوها بأي وسيلة بسرعة
بالتوفيق فى القرار السليم
لسة قارئ الخبر حالاً فى الاخبار ... وكنت هدخل اعمل موضوع عنه .
ياريت مالكى الكيا يأمنوا نفسهم ... حتى ولو كانت دى أشاعات .
الى عرفته والله اعلم بمدى صحته ان العربيه بتتسرق عن طريق فك الفانوس الخلفى وعمل قفله فى كهربة فيوز الانذار والسنتر لوك
انا بصراحه مبفهمش فى كهرباء السيارات وبناءا عليه معرفش الكلام دا صح ولا لا واشمعنى الفانوس الخلفى
لو الكلام ده صحيح يبقي المفروض كل العربيات اللي اتسرقت توكيل مش خليجي و لو كده يبقي المفروض كل اصحاب السيراتو يجمعوا بعضهم كده و يروحا للتوكيل يشوفوا ازاي دا يحصل لانهم مسئولين عن دا و ياسلام لو طلعوا كلهم في توكيل واحد او مجموعات في كذا توكيل يبقي يجمعوا بعضهم و علي القسم علطول يعملوا محضر لان كده هايبقي في حد من جوه التوكيل بيسرب الاكواد دي بتاعة المفاتيح مش معقوله شوية حراميه فكروا في انهم يسرقوا الاكواد دي من التوكيل و هما مش عارفين حد جوه ولا حتي عارفين مكانها
السلام عليكم ورحمة الله وبركاته
بصفتى من ملاك السيراتو ( خليجى ) وبعد مناقشات عديدة فى القسم عندنا
اى عربية مهما كانت معرضة للسرقة
جميع التشكيلات العصابية هربت من السجون ورجعت لنشاطها مرة تانية فى ارض خصبة جدا للسرقة اى كان نوع العربية
السيراتو سنة 2010 اتباع منها 36000 الف سيارة ( وكيل + خليجى ) فى مصر وبالتالى عندما تسرق يبان انها هى بس اللى بتتسرق ولكن لانتشارها الرهيب واضحة وسط الاعداد اللى بتتسرق
انتشار السيراتو بالشكل ده يعتبر منجم ذهب لاصحاب محلات قطع الغيار وبالتالى العربية مطلوبة جدا وسهل تتقطع
وتتباع قطعة قطعة
موضوع سرقة اكواد او تسريب اكواد من الوكيل فكرة فاشلة اساسا لانى اللى بيسرق مش محتاج كود لان اغلب العربيات فى الوكيل من غير الايموبلايزر ( مانع السرقة ) زيها زى اى عربية بتتفتح باى مفتاح مصطناع
وتدور بتلميس سلكتين اللى بيحتاج كود هو اللى بيكون فيها ايمو بلايزر فقط ولحد الان مشفتش حد عربيته اتسرقت وفيها ايموبلايزر
الخبر بيقول انهم بيخدو اكواد المفاتيح وبيعرفو عناوين الملاك وبيسرقو من تحت البيت ...تمام ...طيب اللى عربيته بتتسرق من تحت شركته او هو من القاهرة واتسرقت فى الاسكندرية او فى مشاور بعيد عن بيته
دول ايه ...!!!!
اعتقد ان الوكيل مش هيسكت على الكلام اللى اتكتب ده
لانه اتهام مباشر بدون دليل وعلى السايت الرسمى لوكيل كيا على الفيس بوك كدب الخبر ده من اساسه .
اقتباس:
المشاركة الأصلية كتبت بواسطة abouleila
+1111111111111111111111
و الدليل على كده ان بردو اللانسر البومة سرقتها زى الحلاوة و لما نزلت السيراتو سرقة اللانسر قلت و ركزو فى السيراتو
المشكلة أن التوكيلات زبالة و مش بيجيبوا أيموبلايزر فى العربيات و الحرمية بيشغلوها بأى حتى حديدة و العملية زى الفل و ربنا يسترها معانا جميعا
مهو لو كل حرامى أتمسك أيده أتقطعت كان زمان السرقات قلت بشكل كبير
طبعا كلام فاضي أكواد أيه ألي هايسرقوها هي الأكواد بتبقى متخزنة عند التوكيل!!!!!!!!!!!!!!!
كلام غير صحيح من الناحية الفنية من أساسه
أنا مش مستعجب من الخبر لأنه طبيعي خبر أي كلام
أنا مستعجب إن فيه ناس بتقرا الأخبار
ربنا يستر
سرقه العربيات الجديده دي حرقه دم
هذا ماحدث لى يوم السبت 28 يناير .. كنا فى زيارة فى منطقة سكنيه بجوار كارفور يوم السبت 28 يناير 2012 وفى تمام الساعة العاشرة مساء أخذت زوجتى السيارة مع أبن أختها وهو شاب فى ال 17 من عمرة. وقررت الذهاب بالسيارة مسافة مربعين سكنيين فقط للذهاب ألى كارفور المعادى للتسوق وفجأة مثل أفلام العصابات أعترض طريقها سيارة تاكسى بيضاء وخرج منها 2 مسلحين ضخمى الجثة ومقنعين وبيدهم سلاح ألى وسلاح أخر كاتم للصوت وبرغم أنها أغلقت السارة فورا ولكن تحت التهديد ووضع السلاح الألى على رقبة أبن أختها وطلبوا منها الدهب والفلوس وكذلك طلبوا منها مغادرة السيارة وترك مفتاحها بها. وبالفعل أضطرت لتنفيذ ذلك وأخذوا المال والأيفون والسيارة بمحتوياتها كاملة. أنا أكتب هنا لعدة أسباب . أولها ربما يستطيع أصدقاء النت أن يساعدنى فى أسترجاعها . ليس فقط بغرض أسترجاعها وهى تمثل لى مبلغ ضخم ولكن أيضا حتى يتم القبض على هؤلاء الأوباش وألا يتعرض غيرى لما تعرضت له زوجتى من وضع سلاح ألى فى رقبتها. وفين فى المعادى وفين فى شارع مأهول بالسكان وعلى بعد فقط عشرات الأمتار من كارفور والذى يرتاده الألاف يوميا وحتى بعد منتصف الليل. لقد ذهبت ألى قسم شرطة البساتين وعملت بلاغ ويجب هنا الأشادة بالسادة ضباط المباحث جميعا على المقابلة وأجراء كافة الأجراءات والمحضر وخلافة وأيضا ثقافتهم العالية ومعرفتهم بوظائف الأيفون المسروق مع السيارة والذى يحاولون تتبعه . وأناشد كل من يعرف مسئول أو السيد وزير الداخلية الذى وثقت فيه شخصيا وتخيلت أننا على وشك الشعور بالأمان فى كل مكان وفى الضواحى وطرق السفر والأماكن النائية ولكنى لم أكن أتخيل أن يحدث هذا فى المعادى. السيارة ماركة كيا كارينز سوداء موديل 2011 ورقمها س ط د – 984 . ربما سوف يغيرون أرقامها ولكن بها علامة مميزة بالرغم من كونها جديدة ولكن فى الباب الخلفى ناخية اليسار يوجد جرح فى وسط الباب مثل المسمار عامله خط أبيض فى الباب. يارب حد يساعدنى لأسترجاعها والقبض على ذوى الأقنعة والرشاشات والسلاح الألى حتى يعود لنا الأطمئنان وأن تستطيع زوجتى المنهارة والتى تعرضت لهذا الموقف حتى تستطيع حتى الخروج من المنزل والشعور ببعض الأمان فى المعادى والتى دائما ماكانت ترفض الخروج منها لأحساسها أن المعادى أمان ولكن أين الأمان وهذا حدث وعلى بعد عشرات الأمتار من كارفور وبها نقطة تأمين ثابته ولكن لم تحس حتى بشئ ولو أن الحادث على بعد أمتار منهم – أرجو أن ينشر هذا ولاتعتبروه موضوع شخصى لأنه موضوع أمن وأمان وحياة وترويع أمنين وله علاقة بالثورة والسياسة وكل شئ.
استاذى الفاضل قدر الله وماشاء فعل والحمد والشكر لله على خروج زوجة حضرتك بدون
اى خسائر لا تعوض .....واشكرك جدا على التنبيه وباذن الله العربية ترجع مرة تانية
ولكن ارجو منك عمل المشاركة فى موضوع منفصل فى القسم العام للسيارات
حتى يشاهده اكبر قدر من اعضاء المنتدى
لعل وعسى تكون هناك دعوة من عضو صالح يستجيب لها الله .