عايز اشترى عربية صنى برجاء النصيحة يا صقور

انا كنت ناوى قبل الثورة اشترى رينو لوجان وروحت اتفرجت عليها كتير فى المعارض وعند الموزعين ولما جت الثورة أجلت الشراء فترة ، وبعد كده حمدت ربنا انى ما اشتريتش اللوجان بعد ما عرفت أسعار قطع الغيار والصيانة بتاعتها فى منتدى اللوجان وعدم وجود قطع غيار وصيانة بره التوكيل ، وقلة سعر اعادة البيع . ( فاسفة الوكيل : عربية رخيصة بس قطع الغيار والصيانة غالية )

ودلوقتى بعد لما لقيت انتشار الصنى فى الشوارع بالكثافة دى بدأت اسأل عنها ناس كتير ودخلت على المنتدى بتاعها لقيت نفسي ميال ليها بعد ما الناس شكرو فيها وعرفت ان أسعار قطع الغيار والصيانة معقولة .

طيب انا عايز اعرف كام حاجة من صقور نسيان عشان اطمن اكتر :

1-استهلاك البنزين فى الاتوماتيك وهل تفرق فى الاستهلاك عن المانيوال
2-افضل موزع فى القاهرة اشترى منه و بيدى هدايا ( غطاء – دواسات )
3-التعود على ابعاد العربية بعد أد إيه

وشكـــــــــــــــرا مقدما

اقتباس:

---

المشاركة الأصلية كتبت بواسطة elbeheri

انا كنت ناوى قبل الثورة اشترى رينو لوجان وروحت اتفرجت عليها كتير فى المعارض وعند الموزعين ولما جت الثورة أجلت الشراء فترة ، وبعد كده حمدت ربنا انى ما اشتريتش اللوجان بعد ما عرفت أسعار قطع الغيار والصيانة بتاعتها فى منتدى اللوجان وعدم وجود قطع غيار وصيانة بره التوكيل ، وقلة سعر اعادة البيع . ( فاسفة الوكيل : عربية رخيصة بس قطع الغيار والصيانة غالية )

ودلوقتى بعد لما لقيت انتشار الصنى فى الشوارع بالكثافة دى بدأت اسأل عنها ناس كتير ودخلت على المنتدى بتاعها لقيت نفسي ميال ليها بعد ما الناس شكرو فيها وعرفت ان أسعار قطع الغيار والصيانة معقولة .

طيب انا عايز اعرف كام حاجة من صقور نسيان عشان اطمن اكتر :

1-استهلاك البنزين فى الاتوماتيك وهل تفرق فى الاستهلاك عن المانيوال
2-افضل موزع فى القاهرة اشترى منه و بيدى هدايا ( غطاء – دواسات )
3-التعود على ابعاد العربية بعد أد إيه

وشكـــــــــــــــرا مقدما

---

السلام عليك ورحمة الله وبركاته

انا لسه مشتري صني abs اوتوماتيك الاسبوع اللي فات وبصراحة العربية لحد دلوقتي ممتازة انا ماشي بيها 420 كيلو انا عارف ان المسافة قليلة جدا بس انا شايف ان العر بتاعها مناسب علي امكانيتها اوي

انا اشتريت من الاتحاد الوطني في مدين نصر ودة موزع معتمد ودول ناس محترمين اوي اوي ومواعيدهم مضبوطة اوي
ادولي غطاء سيارة ودواسات هدية
الاستهلاك في البنزين حوالي 200-210 كيلو في الصفيحة وبردوا لسه مقدرش احكم عليه علشان لسه في الاول
ابعاد السيارة هتتعود عليها بسهولة ان شاء الله
صلي استخارة وتوكل علي الله
ا

طيب اخبار العفشة ايه يا استاذ احمد
واستهلاك البنزين200-210 بالتكييف ولا بدون

شوف الموضوع ده كده ده واحد لسه مستلم سوبر صالون

ممكن تشوف استهلاك البنزين عنده

http://www.nilemotors.net/Nile/21761...post3873497018

بالنسبة للعفشة اتحسنت اوي بعد ما ضبط الكاوتش زي الكاتالوج 36 امامي و33 خلفي وحطيت نيتروجين
اما بالنسبة للاستهلاك فدة بدون تكييف

لو حضرتك اخدت جولة كويسة فى اول 3 او 4 صفحات حتعرف استهلاك البنزين
وكمان لو دخلت الموضوعات المثبتة بتاعت الصنى فيها تجارب الاعضاء وخير دليل عشان تتطمن


وبخصوص افضل موزع بيعطى هدايا الكل بيدى هدايا , المهم سرعة الاستلام
واذا ناوى ممكن
اتو ايجيبت بتعطى شماسة وميدالية وستارة ,


اضافة اضافة انه من طرفنا من النايل بيعطوا طقم دوسات وسنسور باركن حاليا

بالتوفيق

بوص أنا كنت محتار بين عربيات كتير ( رينو لوجان ، هيونداي أكسنت ، كيا ريو ) والحمد لله يارب الحمد لله والفضل لله أنه يسر ليا وانا بتصفح هنا الموقع يسر ليا رؤية مشاركة لأحد الاعضاء كان بيسأل على العربية الكيا ريو تقريباًَ وأخبارها أيه فراح عضو رد عليه قاله النيسان صني أفضل بكتير من العربية اللي بتتكلم عليها وفكر فيها أحسن . أنا ساعتها كنت فاكر أن العربية غالية بس لما سألت على سعرها بالضبط مسحت أي عربية من وجة المقارنة بينها وبين الصني وبقه تركيزي على الصني فقط . يا أخي كفاية أن العربية ياباني وفول أوبشين وواسعة وكبيرة وفخمة . وثابته على الطريق لأن وزنها طن و 120 كيلو بالاضافه إلى قوة 118 حصان و 1600 سي سي مع 16 صباب يعني معاك وحش بسم الله ما شاء الله . أنا الحمد لله والفضل لله أشتريت نيسان صني 2011 أتوماتيك أكس صالون . والعربية بسم الله ما شاء الله تستاهل كل قرش فيها ... صلي أستخارة وتوكل على الله ومش هتندم بإذن الله


أه نسيت أقولك من الموزعين المعتمدين السبع موتورز في المعادي ومصر الجديدة والكل بيدي هدايا بس متتعشمش أوي لأن الهدايا اي كلام بس مش كلها ده من تجربتي أنا أخدت طقم دواسات موكيت للحمام ههههههههههه أقصد للعربية أي كلام والله روحت أشتريت طقم تاني وخليت الطقم الموكيت تحت الطقم اللي اشتريته للحماية فقط . والميدالية والشماسه والفواحه أي كلام كلها دعاية للمعرض . فأنتا متشغلش بالك بالهدايا .. الميزة الوحيدة اللي أخدتها هدية هي دفتر الكوبونات خصم 50 ج على الصيانة في مركز السبع بس .