عرض تخفيض الاوبترا خلص

**Dr_ahmedrady** · 16-05-2011 03:24 PM

انا جبت مانوال جميع الكماليات
اير باج
ايه بي إس
باركنج سنسورز و وحدات رفع
فتحة سقف
حنوط سبور
فوانيش شبوره زينون

طبعا كل ده انا بحاول اضحك علي نفسي
اصلي كان نفسي ف اوتوماتيك و الوالد نشف دماغه و اختار المانوال
بس برضه الحمدلله اي حاجه من اوبترا حلوة حتي لو اخدت الطارة بس

**Dr_ahmedrady** · 16-05-2011 03:47 PM

بس في استفسار هنا :

العربية متربة جدا بسبب السفر و مش عليها اللزق الابيض اللي كنت بحلم بيه , حاطين ف الشنطه ماده كده عشان اغسل بيها العربية اول مرة .
هل في نصائح هنا ? اغسلها عند مين و بكام ? و هل استخدمها كلها ولا اخلي منها لبعدين ?

الطاسات مش راكبة و محطوطين ف الشنطة مين يركبهم و بكام ?

اغسل و انضف قبل الترخيص ولا اخليها بعد الترخيص بالمرة ?

الكتالوج اجيبه ازاي?

الاكياس اللي عالكراسي اشيلها ولا اسيبها فتره ? اصلها بتعرقني

و اخيرا الورق اللي معايا ده مهم ? اصوره نسخه ليا قبل ما يتاخد ف المرور

بوليصة الشحن
الافراج الجمركي
المبايعة

**arakysolom** · 16-05-2011 04:28 PM

ألف مبروك ونسأل الله ان يعطيك خيها و يبعد عنك شرها
الاوبترا مبتجيش بالستيكر الابيض و لكن بتكون عليها طبقة شمعيه (متربة) و بيتم ازالتها بالمذيب الموجود بزجاجة بتكون مع العربية و حضرتك بتحط الكمية في جردل و بسفنجة بتمسح العربية و بتلاقي طبقة الشمع راحت و بدأ لون العربية يبان و بعد كده ممكن تغسلها عادي
طبعا حسب مانت عايز ممكن تروح ترخص قبل الغسيل او بعده و لكن يفضل بعد الغسيل عشان معاينة اللون من المرور
الاكياس عن نفسي سبتها لأطول فترة ممكنه بس هي فعلا بتعرق و لو حضرتك مبتفكرش في البيع يبقي شيلها بس انا عندي فكرة احسن ممكن تجيبلها كليم و تحطه علي الاكياس حتحفظلك الفرش
الكتالوج حضرتك حتستلمه بصورة الرخصة من التوكيل او الموزع
عايز تصور الورق صوره قد تحتاجه في المرور و حاول تروح المرور معاك صورة لكل حاجة عشان انت كده كده حتصور
و بالتوفيق

**Dr_ahmedrady** · 16-05-2011 06:55 PM

متشكر للرد
بس هل فى عدة اشتريها للغسيل ولا حاجة زى كدة؟؟

و ايه الحجات الضرورية اللى المفروض اشتريها للعربية ناو؟؟؟
غطاء السيارة
شاحن موبايل
فواحة
شماسة
ايه تانى فكرونى؟؟

**MIGOS** · 16-05-2011 07:13 PM

الله يملاها بركه ويكفيك شرها

ولو سمحت انصحك بحاجه لسه عاملها حاول طبعا تركب فرش على الفرش الاصلي ودي حاجه مفروغ منها وكمان مهم جدا تعمل الارضيه بتاعة العربيه جلد وبعد سؤا ولف هبعتلك اللينك بتاع الموضوع علشلن تتابعه

**Bassem Raafat** · 16-05-2011 09:05 PM

مبروووووووووووووووووووووو ووووك يا دكتور

المشاركة الأصلية كتبت بواسطة dr_ahmedrady

بس في استفسار هنا :

العربية متربة جدا بسبب السفر و مش عليها اللزق الابيض اللي كنت بحلم بيه , حاطين ف الشنطه ماده كده عشان اغسل بيها العربية اول مرة .
هل في نصائح هنا ? اغسلها عند مين و بكام ? و هل استخدمها كلها ولا اخلي منها لبعدين ?

فى أى كار كير محترم ، وممكن تعملها بنفسك زى ما arakysolom قالك .

الطاسات مش راكبة و محطوطين ف الشنطة مين يركبهم و بكام ?

يا عم ركبهم بنفسك ، مش مشكله .

اغسل و انضف قبل الترخيص ولا اخليها بعد الترخيص بالمرة ?

خليها قبل الترخيص لو حبيت ، ورخص وإنطلق .

الكتالوج اجيبه ازاي?

بالرخصة من أى مركز بيع تابع لمنصور .

الاكياس اللي عالكراسي اشيلها ولا اسيبها فتره ? اصلها بتعرقني

خليها تحافظلك على الفرش الاصلى ، ويستحسن تركبلها فرش بعد كده لو حابب تحافظ على فرش الفابريكه .

و اخيرا الورق اللي معايا ده مهم ? اصوره نسخه ليا قبل ما يتاخد ف المرور

بوليصة الشحن
الافراج الجمركي
المبايعة

مش حتخسر حاجه لو كان معاك صور الورق ده .

المشاركة الأصلية كتبت بواسطة dr_ahmedrady

بس هل فى عدة اشتريها للغسيل ولا حاجة زى كدة؟؟

مش مستاهله ، لو حابب هات فوط للنظافه الدوريه .

و ايه الحجات الضرورية اللى المفروض اشتريها للعربية ناو؟؟؟
غطاء السيارة

يستحسن طبعاً

شاحن موبايل

حسب حاجتك ليه .

فواحة

براحتك بس إشبع الأول من ريحة الفابريكه .

شماسة

أكيد حتنفع .

ايه تانى فكرونى؟؟

دواسات علشان تحافظ على موكيت الأرضيات .

ومليون مبروك مره تانيه .