السلام عليكم
الحمد لله انضميت لمجموعة فانتازيا
اشتريت موديل 2011 مانيوال (ومفيش حد يقلى اشمعنى مانيوال انا قعدت ادور وراها لغاية ما جبتها) ما شاء الله عجبتنى
عملت بيها لحد دلقوتى 1300 كيلو - مسافرتش بيها لحد دلوقتى لما ابدأ اسافر بيها ان شاء الله هاقولكم وضعاها فى السفر
الحاجات اللى ممكن مفيش حد يعرفها ان
* فيها سينسور للمطر علشان تعرف تشغله اقرا الكاتالوج كويس علشان دماغي لفت شية فى الأول
* الزجاج الجانبى فيه تظبيط فى الكمبيوتر للعربية بنفسك ان انت لو قفلت وواحد حاطط ايده وناسيها الزجاج لوحده بنزل تانى لتحت لمسافة كافية علشان تعرف تطلع ايدك
* الكاسيت شغال بلوتوث ميه ميه والصوت خطير ممكن مش هايشتغل مع بعض الموبايلات انا موديلى HTC Desire HD
* الأفضل وصلة AUX خطيرة تشغل اغانى على الكاسيت ومنها تعرف ترد برده لو موصل تليفونك منها كأنك شغال واير ليس مع الراديو والصوت مش محتاج اى كلام (iPod او موبايلك حابب تشغل منه الأغانى يبقى هاتعرف ترد منه فى العربية)
* المرايات كلها فيها خاصية ضد ضوء السيارات الجامد القادم من الخلف طالما انت مشغل الأمكانية دى من المراية اللى فى التابلوه
* تئبيت السرعة لسه هاجربو كويس لما اسافر بيها انما لسه مجربتهش كويس
* انا ركبت سنسور ركن خلفى فى التوكيل ب 830 جنيه ميه ميه فى الركن
* العفشة انا شايف انها بقت ناعمة عن الأول مش ناشفة
* المفروض فى الكاتالوج بيوصى ببنزين 95 سالت التوكيل قالى 92 عادى وانا شغال 92 مشوفتش لحد دلوقتى مشكلة وربنا يستر
ان شاء الله لو فيها حاجة تانية هاكتبها المرة اللى جاية