تجربتى فى تركيب فوج لايت و وحده الرفع مع السيتسور فى مودرن موتورز ابو رواش
اخوانى الاعزاء احب قبل ما اتكلم عن تجربتى الاولى مع مودرن موتورز ابو رواش اوجه شكر خاص للاستاذ المحترم الكريم جدا الاستاذ احمد مصطفى على الواجب الجامد الى عمله معايا من توصيات جمده جدا عليا و التخفيضات الى القدر بعلاقاته انو يحققها
بصراحه يا جماعه انا مشفتش حد فى كرم اخلاقه انا فى بدايه الموضوع كان نفسى اركب فوج لايت والحق العرض بتاع الباركنج سنسور و وحدات الرفع بس المشكله انا مكنتش بتعامل مع مودرن موتورز ابو رواش وحولت كتير اتصل بيهم مكنتش بعرف احجز بسبب الانسر مشين السئ بتاعهم ولكن لما قربت على صيانه ال 30000 قولت لازم اشوف حل
فاثناء قراتى لموضوعات المنتدى لاحظت ان الاستاذ احمد بيقدم خدمات جمده لاعضاء المنتدى عن طريق مودرن موتورز ابو رواش ولقيته بيعرض مساعته لاى حد محتاج حاجه من هناك
فروحت بعتله على الخاص بتاعه وقولتله مشكلتى وبصراحه كان الرد سريع جدا وبعتلى تلفونه مشكورا ورحت مكلمه علطول وقالى ازاى احجز ووصانى ان لما احجز اكلمه علشان اطمنه ولكن فى الحقيقه كان عايز يعرف معاد الحجز علشان يظبطنى هناك تخيلوووووووووووو انا بصراحه اناس دى ندرين اوى فى الزمن ده الله يبركله فى دنيته واخرته بعد عمر طويل باذن الله
المهم انا بعد محجزت روحت فى الميعاد وكان يوم الثلاثاء وبصراحه انا اخترت اليوم ده بناءا على نصيحه الاستاذ احمد الله يبركله علشان اواخر السبوع بيبقى التوكيل رايق شويه
وبدات الرحله
بس قبل ما ادخول في التفاصيل عايز اقولكم ان مقدمه الشكر الى فاتت للاستاذ احمد مصطفى متوفيش حقه بنسبه لكرمه لانه خدمنى بجد وهو ميعرفنيش ولا حتى شفنى علشان كده انا بكرر شكرى الحار له واقوله اكثر الله من امثالك يا ابو حميد الف شكر
و عايز اشكر كلا من م/ عبد الجواد و الستاذ سامر ( قسم الاكسسوارات) و م/ نجيب
1- استلم منى ال م/ نجيب العربيه وقلتله على المشاكل البسيطه فى العربيه ( كفائه تبريد التكيف- السحب- والاضافات الى عايز اركبها)
العربيه دخلت الورشه و بعتنى م/ نجيب لقسم الاكسسوارات الاستاذ سامر الى بدوره عرض عليا الاكسسوارات الى فى التوكيل زى كفر المرايا والسبويلر و الشماسات عليها نيسان و طقم الدواسات المتفصله على الصنى تماما وغيره كتير مش متذكر كله لانها كتير وفنفس الوقت كنت مركز على الفوج لايت و العرض بتاع الباركنج سينسور ووحده الرفع وبعد كده راح وسجل الاضافات الى انا عيزها علشان يعملوها فى الورشه
المهم لقيت م/ عبد الجواد جه سال عليا بناء على توصيه خاصه من المحترو الاستذ احمد مصطفى علشان يتابع اجراءات الصيانه و تركيب الاكسسوارات ولقيته بدء يدخل فى نقاشات مع سامر فى موضوع الاسعار بس معرفتش بصراحه التفاصيل علشان مسببش احراج
بعد حوالى ساعه لقيت م/ عبد الجواد جالى الاستقبال وخدنى جوه الورشه و فرجنى على الاضافات الجديده الطلبتها فوج لايت والباركنج سنسور وانا بدورى اتقسط على حاله العربيه وشفتها من تحت و هكذا....
بعدين رجعت للاستقبال واعدت حوالى سعتين كمان عقبال مخرجت من الورشه علشان بعد كده تدخل مرحله الغسيل
2- فى اخر اليوم جانى المهندس عبد الجواد وم/ نجيب علشان يسلمونى العربيه وفعلا شيكنا على كل حاجه وكانت تمتم وزى الفل وخرجت بالعربيه وانا فى منتها السعاده بالاهتمام الى لقيته وده طبعا بفضل الله سبحانه وتعالى ثم الستاذ احمد مصطفى وسعاتى كانت اكتر بتركيب الاكسسوارات الجديده و حاله العربيه الى رجعت زى ما استلمتها زيرو من سنتين حقيقى كان فى فرق ملحوظ .
اما دلوقتى عايز اكلم عن حاجه حاجه اتعملت فى العربيه
1- (شحن التكيف) اتكيف حسيت انه قوه التبريد قلت فشكيت فى شحن الفريو وخاصتا ان العربيه بقالها سنتين معايا فقلتلهم فى الصيانه وقالو هنشيك عليه وفعلا فى التقرير النهائى لقيت ان شحن التكيف قل شويه حيث وجد انه 320 بار بدل من 400 بار ودى معلومه مهمه ان شحن الفريون تكيف الصنى يبقى 400 بار علشان يشتغل بكفاءه المعروفه عن سيارات نيسان
المعلومه الثانيه الى بصراحه الستاذ احمد نبهنى ليها علشان كل اعضاء المنتدى يعرفوها هى تكلفه الشحن اثناء الضمان وبعد الضمان وهى
فى الضمان كشف وشحن كامل 75 جنيه وخارج الضمان 75 ج كشف 75 ج شحن كامل يعنى 150ج. وده بنسبه للتكيف
2- (تركيب الفوج لايت) انا عربيتى 2009 بيركبلها فوجات مدورين بالفبره وطبعا الفبره بتترش بلون العربيه بس انا حسيت انها مش مرشوشه وهى جيا بلون العربيه الكحلى ( دى ميزه التوكيل طبعا ) والفوجات بصراحه فى فرق فى الجوده بتعتها ولاحظتها شفافيه الزجاج بتعها والزرار وخاصتا ان شوفت الى بيتباعو فى التوفيقيه ودمشق (فى فرق) وحسيته اكتر لما جربتها بليل من قوتها شكيت ان الكشافات شغاله معاها ونزلت اتكد بنفسى انها شغاله لوحدها
طبعا الزرار بيركب مكان الفبره الى تحت مفتاح الشنطه وممكن تغير الدراع وتخليه فى الدراع زى السوبر صالون بس انا شوفت ان كده احسن و اوفر فى المال والجهد هتسالونى فى الجهد الزاى هقولكم ان لما بتشغل الزرار بتنور الفوجات وتنور الطبلوه الانوارصغيره بضغطه واحده من غير متيجى ناحيه الدراع خالص الا اذ كنت محتاج ترعش او تشغل النور الواطى بس جو البلد مش هتحتاج النور الواطى وكفايا الفوجات
وغير كده ان الحمل بتاع الفوجات على الزرار لوحده مش على الدراع
3- (ووحده الرفع) انا فى الاول مكنتش متحمس ليهم بس بصراحه سعرهم شجعنى وقلت اكيد هينفعو وخاصتا ان ساعات الناس الكبار بينسو يقفلو الزجاج بس كان اعتراضى عليهم ان مقدرش اسيب الزجاج مفتوح شويه من فوق علشان الاحتباس الحرارى الىبسبب سرطان الزجاج وخاصه فى فصل الصيف حتى سالت الفنى هل ممكن انه يعمل زرار يفصل خاصيه الرفع الاوتوماتيك للزجاج طبعا قلى لاء
المهم ركبت بوصراحه انبسط منهم لانى حسيت انى راكب عربيه متميزه شويه عن السيارات الى حوليها وخاصتا لما تشوف الزجاج بيترفع لوحده لما تيجى تقفل بالرموت وتمشى
و على فكره انا هحاول اشوف حل لموضوع ان ممكن نسيب الزجاج مفتوح شويه من فوق فى فصل الصيف و هقولكم على التجربه نجحت ولا لاء
حاجه تانيه وحده الرفع بترفع الزجاج واحد واحد وهى تيوانى الصنع
4-(تركيب الباركنج سينسور) هو عباره عن اربع عيون بيركبو فى الاكصدام الخلفى وبيتوصلو بدائره الريفيرس ومعاهم شاشه توضيحيه مرفقه بصوت صفاره وبتشتغل كالاتى
لما بتجى ترجع وراء تلقى ادتك صوت صفاره والشاشه الى شبه الساعه الديجتال نورت واديتك شرطتين طبعا ده لو مفيش حاجه وراك . يبدا الفرح يشتغل اول متقرب من على مسافه متر ونص وكل متقرب الفرح يزيد ظيته وزنبليطه والكهارب تشتغل (لمض الاضاح يمن و يسار) تزيد وتنور وبصراحه بتعمل جو روش او (روشه )فى العربيه
اكتر ميزه فيها حلوه انك تركن العربيه بالمرايات بس من غير متبص بنفسك للوراء وتعرف المسافه الى بينك وبين الى وراك
بس الى ديقنى فعلا مكان الشاشه هما حطهالى فى اقصى اليسار على الطبلوه وانا كنت عيزها فى وسط الطبلوه بس قلولى انهم بيحطوها دلوقتى على اليسار علشان تستخبا من الشمس فى القائم و من تجربتى طلع ان انا غلط وهم كمان غلط لان فى كلا الحلتان معرضه جدا للشمس بس انا لقتلها مكان مناسب هحاول اخليهم المره الجايا ينقلهالى فيه
وفى الاخر ادونى فاتوره بالفات كله وقالولى احتفظ بالفاتوره علشان ضمان الاكسسوارات وهو تقريبا سنه
طبعا يا احبابى اناطولت عليكو بس ولله علشان تستفيدو بقدر الامكان وخاصتا ان الستاذ احمد موصينى ان انقلكم التجربه كويس وانا مقدرش اتاخر عليه ولا عليكو
والسلام عليكووووووووووووو
شكرا لكم
اخوكم عمرو منير
