القلم بتاع لون العربيه ؟؟

**subzero_freez** · 15-05-2011 11:34 PM

يا جماعه النهارده للاسف العربيه اتخبطت كده فى الرصيف من عند العتب ناحية اليمين , طبعا انا الغلط منى بس هقول ايه بقى الحمد لله .. المهم انا عايز نصيحتكوا الون الخدش اذاى ؟؟ اجيب القلم منين , انا نزلت الحرفين النهارده عشان اسال على الموضوع دا بس طلعوا ب يقفلوا الحد .. شكرا يا رجالة كيا مقدماً

**TAMERMEGAHED** · 16-05-2011 03:45 PM

السلام عليكم
ياريت حد يفيدنا بجد لان انا برضه اجرحت من عند العتب اليمين فمحتاج القلم ده لون الاحمر الكوبيه

**Mostafa Shaker** · 17-05-2011 05:29 PM

مفيش اى قلم من الى موجودين فى السوق هيجيب نفس درجه العربيه ابدا انا عربيتى سودا و تعبت اوى من الحوار دا لحد ما جبت 1/8 بويه العربيه برقمها و حطيتطو فى قلم و بشنغل بيه و هو هو درجه العربيه بالظبط

**sando_star109** · 18-05-2011 03:40 AM

المشاركة الأصلية كتبت بواسطة mostafa shaker

مفيش اى قلم من الى موجودين فى السوق هيجيب نفس درجه العربيه ابدا انا عربيتى سودا و تعبت اوى من الحوار دا لحد ما جبت 1/8 بويه العربيه برقمها و حطيتطو فى قلم و بشنغل بيه و هو هو درجه العربيه بالظبط

ممكن تشرح لينا ازاى موضوع اللون دا وجيبته منين وتشرح لينا طريقه وضع اللون جوه القلم والقلم دا جيبته منين واسمه ايه وصناعه ايه وبكام علشان موضوع الخدوش والخبطات بتاعت العربيه دا منتشر جدا انا عربيتى لونها موكا بيبان فيها اى خدشه حتى من الهوا

**roland_yamaha** · 18-05-2011 11:12 AM

ياريت برضو تقولنا القلم ده نوعه وشكله ايه ونجيبه منين

**Mostafa Shaker** · 18-05-2011 05:16 PM

انت هتجيب قلم دوكو عادى من اى مكتبة بحوالى 5 جنيه اى لون و بعدين تفوكو و تنزل اللون الى جوه و تغسله كويس من جوه بالمياه و تنشفو باستشوار مثلا و بعدين تروح عند اى حد بتاع دوكو و برقم الون بتاع العربيه هتجيب 1/8 كيلو بويه و بسرنجه و تحط فى القلم بس كدة و الكميه دى من البويه ممكن تعمل 4 او 5 اقلام

**madoo_600** · 18-05-2011 05:34 PM

المشاركة الأصلية كتبت بواسطة Mostafa Shaker

انت هتجيب قلم دوكو عادى من اى مكتبة بحوالى 5 جنيه اى لون و بعدين تفوكو و تنزل اللون الى جوه و تغسله كويس من جوه بالمياه و تنشفو باستشوار مثلا و بعدين تروح عند اى حد بتاع دوكو و برقم الون بتاع العربيه هتجيب 1/8 كيلو بويه و بسرنجه و تحط فى القلم بس كدة و الكميه دى من البويه ممكن تعمل 4 او 5 اقلام

بصراحه انت عبقري