الموضوع: بخصوص الاكس تريل

سلام عليكم
يا جماعة انا كان لي استفسار بسيط بعد اذنكم
انا معايا جيتا 2009 بس مشكلنها انها بتحك في كل حاجة حتي في اكياس الشيبسي ههههههه والمشكلة ان شغلي بيخليني اروح اماكن ومحافظات واريلف وكدة وطرق زي الزفت ومطبات غريبة الشكا كانها جبال والعربية مبتنفعش تعدي خالص فقولت ان انا هاعاغير واجيب جيب فجة في دماغي الاكس تريل نيسان
فانتم اية رايكم انا عجبتني من ناحية انها بداية الجيب عربية عالية تاني حاجة موتورها اقل موتور من ناحية استهلاك البنزين تاني
فرايكم اية علي العربية دي انا دخلت علي كونتكت كار لقيت كلام زي الفل و كلام زي الزفت ودة نصة
1-الكلام الكويس:__
سيارة ممتازة
الصيانة في التوكيل ممتازة لو قورنت بالتوكيلات الاخري . قطع الغيار متوفرة واسعارها معقولة جدا لو قورنت بنفس الفئة - تجميع ال 100ك في 9ث - ثبات عالي حتي سرعة ال200ك/س -عند اختباري لاستهلاك اللوقود في التوكيل كانت النتيجة كلاتي. عند سرعة 90ك/س والزجاج مغلق و بعد قطع مسافة 75 ك (وهي المسافة من الهايكستب الي مدينة العاشر من رمضان ذهابا وعودة)كان استهلاك اللوقود 5لتر فقط بمعدل استهلاك 15ك/م لكل لتر بنزين بمعني اخر 300ك في الصفيحة(الصفيحة=20لتر بنزين) - بالنسبة للصالون مريح جدا وواسع مقارنا بالجيب لايبرتي - التحكم والثبات عالي جدا وخصوصا عند الملفات بسبب تقنية ال(abdالموجودة بالسيارة. اخيرا ضريبة السيارة 2% من ثمن السيارة 4500جنية تدفع سنويا مع خصم 10%من قيمة الضريبة سنويا وهذا مبلغ قليل لو قورنت بالليبرتي (6500جنية) او ب x3(جنية9000).
ارجوا ان يكون الشرح كافي .


----------------------------------------
والكلام السئ:_
شركة نسيان مش نيسان

والله السياره دى كويسه خالص بس ,انا عندي 2010 وموجوده في توكيل مودرن موتورز ابو رواش من شهر علشان عايزه كومبيوتر جديد وهى لسه في الضمان بس تخيلوا ماعندهمش الكومبيوتر لعربيه 2010 مادا لو كانت قديمه سنه ولا أكثر.
مفيش اصلا كومبيوتر في نيسان ايجيبت وتجميع مصري ياسلام.
وكمان مش موجود في الحرفيين علشان الي هناك مش تقفيل مصري وبالتالي الكومبيوتر مختلف
انا باقترح انهم يغيروا الأسم من نيسان الي نسيان ومش هتفرق كتير ولا حتي ههتنقص حرف
حسبي الله ونعم الوكيل فيهم وفي 225000 جنيه بتفرج عليهم .


فياجماعة بعد اذنكم حد يقولي اية رايكم في العربية دي كويسة ولا لا انا مش ههري بالجيب انا عايز حاجة تستحمل قرف المطبات والطرق المكسرة وخصوصا ان انا بقارنها بالجيتا ويهمني الرفاهية بتاعة العربية انا كنت عايز اعرف كمان بالنسبة لاستهلاكها في البنزين يفرق كتير وبالنسبة للضريبة


ياريت حد يرد علي بسرعة اصل انا محتار جدا
واسف للاطالى وشكرا ليكم

بص ياباشا انا من خلال متبعتى للمنتديات ان مافيش عربية عدلة
الشباب كلها بقت متخصصة فى اعطال العربيات ( كل واحد بيقول على مزاجة )
و على فكرة ياباشا العربية دية منتشرة انتشار كبيرا جدا هنا فى استراليا و هى عربية جميلة جدا
و ياباشا لو سمعت كلام كل واحد مش هتطلع من البيت