التاكيف بقى مش بيسقع حلو !

**Deshahcoka** · 16-05-2011 12:10 AM

رجالة

دلوقتي في السيراتوا لما الدنيا تبقى حر قوي الضهر و العربية واقفة في الشمس كتير بشغل العربية و التاكيف مش بيطلع هوا ساقع قوي حتى لما العربية تسخن زي اللاول!

بعد مشي و الجري و كدة تلاقيه سقع ...

و حاجة تانية حساس حرارة الجو معلق على 24 مع ان الحرارة 40 في اسكندريا النهاردة :) هههههههههه

ايه الكلام بقى ؟

**shod90** · 16-05-2011 12:17 AM

بص .. انت بيعها و ريح نفسك والله بدل ميجيلك عقدة نفسية ههههههههه .. والله مش بهزر انت كدا مشاكلها كترت معاك قوووووووى

**ابو ليلى** · 16-05-2011 12:55 AM

ده طبيعى فى اى عربية تكون واقفة فى الشمس فترة طويلة

افتح جميع شبابيك العربية وشغل التكيف لمدة 3 دقائق قبل ما تمشى كده بتطرد الهواء السخن اللى جوه

وبعدين اقفل هتلاقى التكيف بيجيب نتيجة اسرع

**salodas** · 19-05-2011 01:22 AM

يا مان أعتقد ده طبيعى وزى ماارجال رد عليك لازم تطرد الهواء السخن بتشغيل التكييف والمروحة على أعلى حاجة لتظبيط الدنيا

**usama7499** · 20-05-2011 02:32 AM

لازم العربية تبرد من جوا شوية يعنى افتح الشبابيك ولما تحس ان العربية الحرارة انخفضت شغل التكيف ...شوية شوية العربية حتبقى اخر فل

**aymanelshazli** · 22-06-2011 04:53 AM

انا كان عندى نفس الشىء حاسس ان التكييف بقى مش تمام بس لما كنت فى الصيانة لقيتهم فكوا فلتر التكييف ونظفوا من التراب لقيت التكييف رجع زى الاول. يعنى احتمال كبير يكون فلتر التكييف عايز يتنظف من التراب

**hmada9009_99** · 22-06-2011 07:35 AM

بس اما تشغل التكييف والعربيه مركونه وسخنه اولا تفتح جميع الشبابيك بتوع العربيه وتشغل التكييف على الأخر وانتا مشغله خلي التكييف ياخد الهوا من بره وما تشغلش الزرار بتاع تدوير الهوا وبعد خمس دقاائق اقفل الشبابيك وامشي بالعربيه عادي ربع ساعه وبعد كده شغل زرار بتاع تدوير الهوا هتلاقي التكييف اشتغل معاك تمام وتبريده حلو

**M.Hosni** · 22-06-2011 10:19 AM

المشاركة الأصلية كتبت بواسطة aymanelshazli

انا كان عندى نفس الشىء حاسس ان التكييف بقى مش تمام بس لما كنت فى الصيانة لقيتهم فكوا فلتر التكييف ونظفوا من التراب لقيت التكييف رجع زى الاول. يعنى احتمال كبير يكون فلتر التكييف عايز يتنظف من التراب

أنا برضه حصل معايا نفس الحكاية
كان التكييف بدأت كفائته تقل
أما روحت الصيانة طلعوا الفلتر لقيتوه مردوم تراب , أول م اتنضف التكييف رجع كويس جدا
انت ممكن تفكه بنفسك و تنضفه مش محتاجة التوكيل

**engciko** · 24-06-2011 07:08 PM

فى حساس حراره فى نص التابلوه مدور تحت الازاز حاول دايما تخليه مكشوف مايكنش فى مفرش او اى حاجه فقيه

الموضوع: التاكيف بقى مش بيسقع حلو !

LinkBack

أدوات الموضوع

عرض

-

-

-

-

المواضيع المتشابهه

التكييف مش بيسقع

التاكيف طلع ريحة زي مايكون شاط!

هل تكييف السويفت بيسقع كويس ؟

تكييف المنزل بيطلع صوت ومش بيسقع

التكييف مش بيسقع بعد مارجعت من السفر

الكلمات الدلالية لهذا الموضوع

المفضلات

المفضلات

ضوابط المشاركة