فاكر يا ابو ليلى مش نفس الكلمه سمعناها واحنا بتصور في الرحاب
انا معاك انهم بيتكلمو عن فئة مواتير تانية
بس الكلام دة على كل العربيات مش السيراتو بس
يعنى الهوندا 1800 والكورولا كذلك والجولف بالماتور الجديد وهكذا لذلك المقارنة الى في امريكا تصلح عندنا لان المواتير الى في مصر كلها بردة نفس الفئة 1600 زي ما امريكا عملت المقارنة على فئة مواتير واحدة 1800
يبقى الغوامل الى متغيرة هي/
عوامل الامان الى الوكيل بيطلبها
سمعة الشركة والوكيل
مدى الملائمة للمناطق الحارة
مدى الملائمة للاراضى الوعرة (شوارع المحروسة)
ولذلك لا يوجد شىء مطلق
دول الخليج عاشقين اليابانى والامريكى وكارهين الالمانى والاوروبى
الصين عاشقين الالمانى (انا روحت هناك التاكسيات باسات) وعندهم مصنع كبير لفولكس واجن
وهكذا
ههههههههههههههههههههه
الحقيقه في بعض الردود ضحكتني جدا بحس ان صاحب الموضوع بيقول هتتجوز دي و هو يقول دي لا و يصحي من الحلم!!!
علي فكره المواضيع دي مش دعايا لكيا ولله
في تقدم مستمر يا كيا كفانا الشر الي ينزل اي منطقه حرفيين و يتفرج علي حوادث كيا فعلا هيحترم العربيه دي و في الامان الحقيقه مش بغير غير من الفنتزيا لكن كل العربيات الي حضرتك كتبتها مش بفكر فيها خالص
و عموما مادام الواحد راضي بعربيته مش هيهتم بكلام اي حد عنها ولا تقارير خسارتها ولا حتي نزول ال 5 series الجديده
تقبلو تحياتي
وشكرا
يا جماعة بجد محدش يزعل منى والله انا مقصدش انى العربية وحشة بس بجد انا مرحش ادفع 120 الف فى عربية من الاخر كورى انا بصراحة كنت فى نفس الحيرة بتاعتكوا وبعد اللف هنا وهنا اشتريت اوكتافيا a5 موديل 2007 بس يعتبر كسر زيرو الحمد لله ماشية 41 الف بس
انا عارف انى مشترى عربية مستعملة بس حتى لو كنت جبت السيراتوا بعد شهرين هتبقى مستعملة برده وبدل ما هيبقى تمنها مستعمل 120 الف هيبقى تمنها 90 الف ففكرت طيب وانا ليه اخسر ,,,,
فى قاعده معروفه جدا
أي عربيه فى الخارج كويسه وأثبتت كفائه يبقى الى عندنا غيرها
وفى نفس الوقت لو بعد فتره ظهرت فيها عيوب "فى الخارج بردو" تبقى هى الى عندنا بالظبط
معلش أيه العربيه الالمانى الى بتمن السيراتو؟ بجد معرفش.
أولا ألف مبروك علي حضرتك العربيه الجديده
لكن بغض النظر عن كلمة كوري و ياباني و ألماني و (التشيكي ) و التصنيف العنصري اللي مينفعش نعتمد عليه في تقييم عربيه أبدا
حضرتك متدفعش 120 في عربيه كوري بسبب جنسيتها دا أختيارك و له كامل التقدير لكن فيه ناس مستعده تدفع فوق 170 ألف و تركب الإلنترا الجديده الكامله
تحياتي لحضرتك
كلام حضرتك صح انا فعلا تصنيفى كده عنصرى لما بقول كورى او يابانى اوتشيكى او المانى بس اللى انا اقصده يا جماعة اركب الكيا مثلا وشوف المواد المصنعه بيها التابلوة وقارن ما بينها وبين الالمانى او التيشيكى وحضرتك هتعرف اللى الفرق اللى بتكلم عليه
على فكرة انا عايش وبشتغل حاليا فى دبى ومش بتكلم من فراغ انا شفت عربيات كتير وركبت عربيات كتير وحاليا معايا تيوتا كورولا 2008 الشكل الجديد وانا المالك الاول ليها وكنت ممكن انزلها بس بصراحة برده من جوه مش عجبانى كخامات وكمستوى علشان كده فضلت التشيكى او الالمانى وكنت هجيب فى الاول اوبل بس ناس كتير خوفتنى من قطع الغيار واسعارها وبعد اسئلة كتيرة استقريت على الاوكتافيا لانها ما بين الاتنين وسط يعنى جودة الالمانى واسعار اقل من الالمانى بكتير واعادة بيعها سهل ده غير الاوبشن اللى فى العربية حتى لو بيز لاين فبصراحة انا مش عاوز حد يزعل من كلامى انا بس بقول تجربة شخصية ويمكن تكون غلط ويمكن تكون صح وتحياتى لكل ملاك الكيا ,,,