جبت غطاء جديد للعربية ومكتوب عليه مستخدمهوش قبل 12 شهر؟؟

**tarek1900** · 16-05-2011 01:27 AM

السلام عليكم،

انا على وشك استلام العربية الجديدة ان شاء الله الايام اللى جاية، ورحت جبت غطاء وتر بروف ب 120 جنيه - صيني، وفوجئت انه مكتوب على الغطاء تحذير بالاحمر "لا تستخدم هذا الغطاء على السيارات التى تم اعادة طلائها خلال ال 12 شهر السابقة".. ومش عارف الكلام ده ينطبق على العربية الجديدة؟ ولا على العربية اللى رحت دهنتها..؟ بس اكيد العربية بما انها جديدة هتكون مدهونة من كم شهر بس.... فياريت لو حد عنده معلومة يقولي

.
.
وشكرا.
.

**Ayman-Ahmed** · 16-05-2011 01:38 AM

اول مرة اسمع عن حاجة زى كدة.بس اللى اقدر انصحك بيه لو تقدر ترجع الغطا او تغيره يكون افضل.

**tarek1900** · 16-05-2011 01:46 AM

المشاركة الأصلية كتبت بواسطة emo_ayman

اول مرة اسمع عن حاجة زى كدة.بس اللى اقدر انصحك بيه لو تقدر ترجع الغطا او تغيره يكون افضل.

شكرا لردك، بس انا بحثت على النت ولقيت الموضوع منتشر انه الغطاء بيأثر على دهان السيارة الحديث وممنوع يستخدم بعد طلاء السيارة حديثا، لكن انا مش عارف هل الكلام ينطبق على العربية الجديدة؟

**eldell** · 16-05-2011 01:48 AM

المشاركة الأصلية كتبت بواسطة emo_ayman

اول مرة اسمع عن حاجة زى كدة.بس اللى اقدر انصحك بيه لو تقدر ترجع الغطا او تغيره يكون افضل.

+111111111111111111111111111111111

**tarek1900** · 16-05-2011 01:57 AM

يعني هي المشكلة فى الغطاء نفسه عشان عليه التحذير ده ولا دي حاجة عامة؟ وهل لو الغطاء مش عليه التحذير هيكون افضل؟ لانه الغطاء وتر بروف ومبطن بخامة ناعمة كده وشكله مش وحش يعني

وبرضه قريت انه السيارة المدهونة حديثا بيكون فيها مواد كيميائية لم تجف ويجب عدم منع الهواء عن السيارة خلال فترة 6 شهور حتي لا تؤثر على هذه العناصر الكيميائية وتخلى اللون يبهت والدهان يشقق... ده اللى قدرت اتوصل له من خلال البحث على الانترنت

.
.

**tarek1900** · 16-05-2011 02:02 AM

الحمد لله سؤالي كان فى محله ولقيت الاجابة على احد المواقع الاجنبية، الخلاصة انه زي ماهو مكتوب على الغطاء انه لا يستخدم مع (إعادة الطلاء) عند ورش الدهان المحلية وكده فقط لكن التحذير لا ينطبق على السيارات المدهونة فى المصنع - السيارات الجديدة - لانه دهان المصنع بيكون على درجات حرارة اعلى بكتير من الورش وبيتم معالجته تماما اما الدهان المحلي لا يتم معالجته بصورة كاملة وبيتطلب وقت عشان يكتمل.

كده اقدر استخدم الغطاء وانا مطمن وشكرا لمن قام بالمشاركة فى الموضوع.
.
.