السلام عليكم
كنت عاوز رأيكم انا معايا حوالي 27000 جنيه اشتري لادا 2107 موديل عالي و لا اشتري شاهين موديل تسعينات
عرض للطباعة
السلام عليكم
كنت عاوز رأيكم انا معايا حوالي 27000 جنيه اشتري لادا 2107 موديل عالي و لا اشتري شاهين موديل تسعينات
انت اللى تقرر وتجرب ديه وتجرب ديه
وتشوف مين اللى هيريحك ويناسبك
عن نفسى انا كنت معجب باللادا وشايف انها قوية وكشكل كانت عجبانى ومتقبلها بس يوم ما جربتها وسوقتها كهرتها جدا الفتيس تقيل جدا ... الدريكسيون حاسس انى بسوق دبابه ... بصراحة مكنتش متخيل انها بالتقل ده ... الشاهين بالنسبه لها نوعمه وراحه ورفاهيه
طبعا ده رأى شخصى بحت
انا راكب شاهين هيا ناعمة بتسحب حلو ممكن يتسافر بيها بس ليها عيبين الاول ان الشاسية ضعيف ع الموتور والتاني الثبات صفر بس بالنسبة لجوا البلد ممتازة لو تقضي بيها مشاوير وتتركن اما الادا هيا انشف شوية وارخص بس علشان تربها لازم تكون باور وتكييف وإلا هتكرهها بسرعة
شاهين طبعا
لايوجد مقارنه بنها وبين اللادا
انا بصراحه اول مره اسمع حكايه ان الشاسيه بتاعها ضعيف علي الموتور
علي العموم لو قررت شاهين يبقي من موديل 97 موتور لانشيا 1400 مش قبل كده
طبعاا شاهين يا رااجل انت بتقارن ايه بأيه :d بس للاسف ان ال 27 مش هيجيبولك شاهين نضيفه بس هتبقى حالتها مقبوله
هتلاقى فليشيا بس حالتها مش حلوة اوى
مش علشان انا معايا لادا هأنصحك باللادا ..... بس اللادا عملية أكثر و متينة أكثر و ثابته عالطريق أكثر .. و الشكل معظم الناس بيفضلوا شكل الشاهين عن اللادا ... شخصيا شايف اللادا أجمل شوية (دي يمكن علشان انا معايا لادا :) )....
أنا كنت في حيرة من أمري السنة الي فاتت كنت باشتري عربية زيرو والوالد أصر انه يجيب عربية زيرو و تكون تكنولوجيا بسيطة و تكاليف صيانتها بسيطة كأول عربية ليا والخيارات كانت اللادا و الشاهين بعد ما شيلت عربيات كتير من المقارنة ... و بدون النظر للسعر (الي لمصلحة اللادا) اللادا فعلا كسبت المقارنة وشريتها زيرو :) والحمد لله لو حطيت نفسي فالموقف ده 20 مرة هأختار برضه اللادا ...
و أنصحك تشتري انت كمان لادا بس خلي بالك من الأساسات و ماتاخدش بالك قوي من الكماليات لإن الكماليات مقدور عليها و الله الموفق ان شاء الله
انا كان معايا لادا وكنت بسوق شاهين موديل 2002
بصراحه محستش بفرق يستاهل ان تدفع 10000 جنيهزيادة فى حالة شاهين ولادا نفس الموديل
الاتنين قاعدة واحدة ونفس الدريكسيون
لادا موديل اعلى اكيد افضل
لولا إختلاف الأذواق لبارت السلع
واضح ان كل واحد داخل يدافع عن عربيته وبس
كل نوع وكل ماركه وكل موديل ليه عيوبه ومميزاته
شوف يا اخى اللى يناسبك واللى تستريحله
واللى يتناسب مع قدراتك وإمكانياتك الماديه