الموضوع: زحام وفوضي عند حديقة الاورمان

النهاردة وانا راجع من الشغل عن طريق شارع مراد مرورا بمديرية امن الجيزة ثم حديقة الاورمان
كان في زحمة غير طبيعية وهرجلة وعدم نظام واتجاه شارع ثروت من اول مديرية امن الجيزة وحتي اشارة حديقة الاورمان كان اتجاه واحد للصفين وسيارات اسعاف ماشية بسرعة جدا، ووانا في الاشارة سمعت الناس بتقول ان في ضرب قنابل عند سفارة اسرائيل
ولما قريت علي النت فعلا لقيت ضرب نار وقنابل مسيلة للدموع ومصابين وحالات اختناق بسبب متظاهرين عند السفارة. واغلاق جميع الطرق المؤدية الي السفارة وكوبري الجامعة.
حبيت اقوللكم عشان لو حد ده طريقه بكرة وهو رايح شغله ياريت يغيره لأنه اكيد مقفول ومش هيعرف يعدي
والله المستعان
،
،

الى يديقك ان الواحد مبقاش يشوف الاخبار ديه فى التيلفزيون
ويقولك عشرات المتظاهرين اما السفاره وبخ على كدا
وفى التحرير برضوا عربيات مولعه وممتلكات عامه متكسره ويقولك اشتباكات خفيفه بين المعتصمين
حاجه تخنق لو الواحد منزلش وشاف بعنيه يبقى نايم فى العسل