تقرير صيانة ال 20,000 كم لـ جين 2 (2010)
السلام عليكم ورحمة الله...
انهارده تم بحمد الله تم عمل صيانة ال 20,000 لعربيتي في مركز عصام صفا في النزهة.
http://img200.imageshack.us/img200/2721/15052011248.jpg
طبعا بما إني ساكن في الشيخ زايد كان مشوار زي العسل رايح جاي. :grin54: بس خلونا نتكلم ليه المشوار يستاهل.
طبعا أنا رحت بناء على تجارب ناس كتير راحوا المركز قبل كده, وبصراحة أنا ناوي بعد كده أعمل صياناتي كلها هناك.
ليه؟
1- المركز حلو كده وصغير وإنت شايف كل حاجة بتحصل في العربية ومفيش حاجة اسمها اسأل مهندس الاستقبال اللي مابيوصلكش حاجة من اللي بتحصل بالضبط في العربية, هنا إنت ممكن تبقى واقف جنب الفني وتسأله بيعمل ايه وعادي جدا لو عايز تقوله أي ملاحظة.
2- باشمهندس عصام صاحب المركز محترم جدا جدا وهو اللي بيجرب العربية بنفسه وبيتأكد إن كل حاجة من اللي مكتوبة في الملاحظات اتحلت, انهارده جرب العربية بتاع 3 مرات بسبب عيب وقال لي في الآخر إن فيه قطعة محتاجة تتغير بس هي مش عنده, طبعا أنا كنت رحت التوكيل في الصيانتين اللي فاتوا قلتلهم عالعيب ده ومتحليش واليوم كان بيخلص ويقولك تعالى يوم تاني وطبعا كنت بكسل لأني عارف إني هرُوح أقعد اليوم بطوله.
3- العربية استلموها الساعة 12:45 خلصوها الساعة 2:15 تقريبا بس فضلنا قاعدين بتاع ساعتين زيادة مستنيين فلتر البنزين ييجي من التوكيل عشان كان ناقص وده أعتقد نقطة الضعف الوحيدة اللي شفتها, إن قطع الغيار مش متوفرة هناك زي التوكيل.
كمان قابلت هناك أيمن باشا وبدران pedro وطارق جين 2 و أستاذ مصطفى صديق وطبعا طبعا مصطفى فاروق البروتوني اللي معهوش بروتون. :grin54:
بالنسبة لأداء العربية بعد الصيانة, فيه تحسن بسيط لكن مفيش فرق ملحوظ, وده يمكن لإن أدائها قبل الصيانة كان كويس برضه الحمد لله.
تكلفة الصيانة كانت 500 جنيه بالضبط من غير الزيت. :16:
بس كده, إن شاء الله ناوي أعمل صياناتي كلها هناك عشان بجد الاهتمام بتاع باشمهندس عصام يفرق كتييييييير عن التوكيل.
تحياتي
