ياريت كل واحد فينا جرب الموتوسيكلات الريس يقول ميزة هو حسها بنفسه وعيب كان بيعانى منه .. وبذلك نكون عملنا زى بحث عن الموتوسيكلات الريس يفيدنا كلنا ويفيد كمان الإخوة اللى ميعرفوش حاجة عن الريس وعايزين يشتروه ...

والميزة فى البحث ان كل واحد هايكتب اللى جربوا بنفسه مش اللى سمعه أو قرأه لأ عايزين كل واحد يدخل يقول ميزة واحدة وعيب واحد وحتى لو لقى ان نفس الميزة حد ذكرها غيره او نفس العيب حد قاله قبل كده يقول بردو علشان يبقى تأكيد للميزة دى أو العيب ده ويبقى فيه شبه اتفاق على مميزات معينة وعيوب معينة ...

وهابدأ بنفسى ...

اهم ميزة : السرعة ... ودى بتفرق فى مواقف كتير بيكون السرعة فيها مهمة

اهم عيب : تكاليف الصيانة غالية .. وده له أسباب كتيرة منها قلة الضمير وقلة قطع الغيار مقارنة بالصينى