| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 20

  1. #1

    الصورة الرمزية NaderNabil

    رقم العضوية : 45

    تاريخ التسجيل : 18Apr2007

    المشاركات : 5,565

    النوع : ذكر

    الاقامة : المعادي..أخر الشارع

    السيارة: Logan A/T-Yaris HB HL

    السيارة[2]: Astra J Cosmo

    دراجة بخارية: NO

    الحالة : NaderNabil غير متواجد حالياً

    افتراضي ركبت كاوتش Bridgestone MY-01 جديد! - Facebook Twitter whatsapp انشر الموضوع فى :

    hasad">

    باركولي يا جماعة....تم تركيب 4 فرد bridgestone MY-01 في البيكانتو....و اليكم التفاصيل:

    الكاوتشات اللي كانت جاية في العربية أقل ما يقال عنهم ضايعين...اللتنين اللي قدام Maxis اتمسحوا زي الاستيكة و النقشة مش باينة.....و التنين اللي ورا واحدة منهم Maxis برده بس فيها قطع محترم حوالي 2 بوصة و ملحوم من جوة....و الرابعة و الاخيرة Michellin حالتها نضيفة جدا بس فيه قطع محترم تاني في الsidewall حوالي بوصة و نص و متركبلها شنبر....

    طبعا بجميع الاحوال يبقي انتحار لو حاولت أسافر بيها:)...ده غير ان شوية ميه اعدي عليهم الاقي النص الادماني رايح في اتجاه تاني:D....و ملف النفق بتاع التجمع مكنتش بعرف اخده....ال127 كانت اثبت بكتييير...و كنت مدايق...ازاي ال127 تبقي أثبت من البيكانتو ده حتي يبقي عيب:D

    زود علي كده الدوشة الرهيبة اللي كان عاملها الكاوتش...عشان كان ممسوح خالص فا كان كل نقرة صغيرة بتسمع في ضهري بدون أي عزل....

    المهم بعد ما قريت ترشيحاتكم للكاوتش و نزلت برده استفسر في السوق لاقيت ان المقاس بتاعي(185/60 R14) أسعارة تبدا من 250 جنيه للفرده...حاجات زي النانكانج و النيكسين....بس الصراحة قلقت منهم...

    وقع اختياري في الاخر علي كاوتش الBridgestone MY-01 من التوكيل في كالتكس عباس....

    هاتقولوا ايه سبب الاختيار؟...هقولكم عشان Bridgestone و عشان من التوكيل عدل...و عشان النقشة الجميلة....و الريفيوز علي النت كلها ايجابية....

    طبعا الاسباب ديه مش كل الأسباب... فيه حاجات اكتشفتها بعد أما روحت و ركبت و اتكلمت مع الراجل...

    المهم كنت في الجامعة و مظبط انه بعد ما اخلص هاطلع علي عباس العقاد أركب...و روحت فعلا ...بس للاسف الراجل قالي لسة ال4 فرد طالعين من ساعة...و راح مكلم فرع عمارات العبور قاللوله في 8 فرد عندنا...فا قاللي روح و أنا حجزتهملك هناك...و بصراحة الراجل ده قمة في الاحترام...ووشة ابيض و بشوشوش...و تحس انه مش مصري كده:D

    اتجهت علي عمارات العبور و لاقيت التوكيل بسهولة (جنب Chatex علي طول) و دخلت العربية و طلبت الكاوتش....

    سألت الراجل اللي كان قاعد في المكتب...ايه رايك في ال MY-01....قاللي الحمدلله مجلناش منها أي عيوب خالص...و هي تعتبر زي Potenza و ال turanza مع فارق الSuper silent و بلد التصنيع...

    الفردة الMY-01 متصنعة في تايلاند...مش اندونيسيا....و علي فكرة هي أغلي من مثيلتها الاندونيسي ب 35 جنيه....عشان في فرق جامد جدا...و هو ان التايلاندي في طبقة نايلون زيادة....انا افتكرت الراجل بيقول أي كلام...بس روحت علي الكاوتش و لاقيت مكتوب 1steel+1polyester+1nylon يعني 3 طبقات...عكس الاندونيسي طبقطين بس...و ده بيحمي العجل من البقاليل و القطع اللي ممكن يحصل بسبب الزجاج و الزلط الصغير...غير انه مزود نسبة الهدوء

    حاجة حلوة كمان لاقيتها ان انتاج الكاوتش كان 5107....يعني في ديسمبر سنة 2007

    و ده يعتبر تاريخ حديث جدا طبعا


    عجبني قوي الكاوتش و همه بينزلوه من المخزن فوق...مش علي ايدهم...لا ب ونش مخصوص مثبت في السقف و ينزل لحد الارض....

    فكوا العجل و و شالوا الكاوتش القديم...اللي كان فضيحة:D...و ركب الجديد و قولتله يملي نايتروجين...و رصص ال4 عجلات و ركب تاني.....عجبني برده و هو بيقرط علي العجل...كان بيستخدم مفتاح عزم...مش بيربط بكل قوتة و خلاص... ده غير ان العربية مرفوعة علي ونش مش علي كوريك و يرفع عجلتين في المرة

    خلصنا الكاوتش قمت مدخل العربية في ظبط الزوايا...حاجة كده تشرح القلب....أجهزة بالانفرا ريد...و بتطبعلك ورقة عاملة زي التيليكس فيها البيانات بتاعة زبط الزوايا و اداه غريبة كده اول مرة اشوفها بتمسك الدركسيون في النص عشان يظبط عليه:)

    خلصنا الزوايا و جاء وقت الحسااااب:

    عدد4 كاوتش بريدجستون MY-01 شامل الترصيص و 4 بلوف: 363*4=1452
    نتروجين: 20
    زوايا: 20

    ________

    خرجت من عنده و قولت اما اشوف الفلوس جات بفايدة ولا لا؟ لقيت تغير مريع في كيان العربية....بدأ من النعومة الرهيبة أثناء المشي...و مرورا بعين القطة اللي مبقتش تحس بيها...و الملفات اللي تاخده وانت ماسك العربية كويس قوي مش تحس انها هاتفلت منك و تتقلب....و دوس في مية ولا رمل...ولا كأن فيه أي حاجة...

    باختصار أنا شايف انها افضل فرده في السوق للمقاس ده...الا لو كان معااك فلوس تجيب الياباني:D


  2. #2

    الصورة الرمزية elpasha009

    رقم العضوية : 1093

    تاريخ التسجيل : 21Jun2007

    المشاركات : 555

    النوع : ذكر

    الاقامة : Japan-Egypt

    السيارة: لا يوجد

    السيارة[2]: Toyota Prius

    دراجة بخارية: لا يوجد

    الحالة : elpasha009 غير متواجد حالياً

    افتراضي -

    أولا ألف مبروك طبعا وعقبال الحتة الياباني السوبر سايلنت المرة الجاية إن شاء الله:)
    بس ممكن أسأل حضرتك هو في من النوع ده مقاس 15 وله كله 14؟؟؟


  3. #3

    الصورة الرمزية NaderNabil

    رقم العضوية : 45

    تاريخ التسجيل : 18Apr2007

    المشاركات : 5,565

    النوع : ذكر

    الاقامة : المعادي..أخر الشارع

    السيارة: Logan A/T-Yaris HB HL

    السيارة[2]: Astra J Cosmo

    دراجة بخارية: NO

    الحالة : NaderNabil غير متواجد حالياً

    افتراضي -

    الله يبارك فيك يا باشا:)

    و موجود منه 15


  4. #4

    الصورة الرمزية Karim_Monir

    رقم العضوية : 32

    تاريخ التسجيل : 17Apr2007

    المشاركات : 26,316

    النوع : ذكر

    الاقامة : جسر السويس-القاهرة

    السيارة: BMW E90

    السيارة[2]: Jeep KK 2009

    دراجة بخارية: لا يوجد

    الحالة : Karim_Monir غير متواجد حالياً

    افتراضي -

    طبعا بريدجستون كماركة وصناعة ومركز تحفة
    المهندس بتاع بريجستون كالتكس فظيع فعلا محترم وزوق فوق الوصف
    الفردة اللي معاك عيبها الوحيد انها بتلم حصى
    لكن السوبر سايلانت لاء
    ربنا يباركلك فيها


    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  5. #5

    الصورة الرمزية fahd_628

    رقم العضوية : 475

    تاريخ التسجيل : 05May2007

    المشاركات : 8,407

    النوع : ذكر

    الاقامة : الأسكندرية

    السيارة: I30 & Megane estate

    السيارة[2]: E36 Coupe 328i

    دراجة بخارية: .

    الحالة : fahd_628 غير متواجد حالياً

    افتراضي -

    الف مبروووووووووووك يا نادر باشا

    الحمد لله
    [sor2]http://farm3.static.flickr.com/2639/3939929853_4547d6e150.jpg[/sor2]


  6. #6

    الصورة الرمزية aliabutaleb

    رقم العضوية : 1646

    تاريخ التسجيل : 31Jul2007

    المشاركات : 3,549

    النوع : ذكر

    الاقامة : 6 أكتوبر

    السيارة: N/A

    السيارة[2]: Daihatsu Sirion 1.3 GLX - 2008

    الحالة : aliabutaleb غير متواجد حالياً

    افتراضي -

    ألف مبروك يا نادر وربنا يسترها معانا كلنا :)

    Me on Twitter
    @aliabutaleb


  7. #7

    الصورة الرمزية Ahmed Samy

    رقم العضوية : 1716

    تاريخ التسجيل : 12Aug2007

    المشاركات : 12,834

    النوع : ذكر

    الاقامة : Egy

    السيارة: ex polo ex lancer

    السيارة[2]: Kia Cerato

    الحالة : Ahmed Samy غير متواجد حالياً

    افتراضي -

    مبروك على الهدوء و الثبات ........و زوايا ال Ir :)


  8. #8

    الصورة الرمزية modux

    رقم العضوية : 263

    تاريخ التسجيل : 26Apr2007

    المشاركات : 1,689

    الاقامة : heliopolis

    الحالة : modux غير متواجد حالياً

    افتراضي -

    الف مبروووك بس عايزين صور النقشة يا نادر


  9. #9

    الصورة الرمزية NaderNabil

    رقم العضوية : 45

    تاريخ التسجيل : 18Apr2007

    المشاركات : 5,565

    النوع : ذكر

    الاقامة : المعادي..أخر الشارع

    السيارة: Logan A/T-Yaris HB HL

    السيارة[2]: Astra J Cosmo

    دراجة بخارية: NO

    الحالة : NaderNabil غير متواجد حالياً

    افتراضي -

    أنا كنت ناوي أصورها علي الطبيعة...بس ديه صورة من علي النت....و علي الحقيقة افضل بكتيييير



  10. #10

    الصورة الرمزية mbluethunder

    رقم العضوية : 172

    تاريخ التسجيل : 25Apr2007

    المشاركات : 511

    النوع : ذكر

    الاقامة : Nasr City - Cairo

    السيارة: 127

    السيارة[2]: KIA Picanto 2006

    دراجة بخارية: لا

    الحالة : mbluethunder غير متواجد حالياً

    افتراضي -

    hasad">

    ألف مبروك يانادر

    ال bridgestone من أكتر الأنواع اللي بحترمها جدا جدا وبجد إختيار موفق

    النوع اللي راكب عندي واللي جاي مع العربيه هو ال Hankok ومريحني على الأخر ولو أنا فكرت وغيرت هاجيب السوبر سيلنت بأذن الله

    بس تفتكر فيه المقاس ال 165 و r14 ولا لأ

    ومش عايز أقولك يا نادر موضوع النيتروجين ده. بيريح العربيه مووووووت

    ده انا مره حصل ومليت فرده منهم بالهواء العادي .. مش عايز أقولك العربيه كانت شكلها أيه.. كنت حاسس إن في طوبه ركبه في العربيه وماقدرتيش أستنى ورحت مليتها نيتروجين علطول

    أهم نصيح بقى يا نادر وده مهمه جدا جدا جدا جدا

    كل 10000 كيلو متر غير مكان الكاوتش بطريقة ال (x) يعني الفردتين القدام رجعهم ورا وكل واحد من اللي ورا طلعهم قدام بس عكس بعض

    مش عايز أقولك الموضوع ده بيحافظ على الكاوتش إزاي وبيطول في عمره

    انا دلوقتي مابتعاملشي في موضوع الكاوتش أصلا غير مع توكيل بريدجستون اللي في عباس العقاد

    توكيل محترم بمعنى الكلمه

    ألف مبروك ياباشا للمره التانيه

    م/محمد علاء



 
صفحة 1 من 2 1 2 الأخيرةالأخيرة

المواضيع المتشابهه

  1. ألاقي فين كاوتش Bridgestone Turanza AR10
    بواسطة ma7amadk في المنتدى إطارات
    مشاركات: 0
    آخر مشاركة: 07-07-2012, 02:43 PM
  2. ركبت كاوتش هانكوك للميجان 2
    بواسطة medo99_pc في المنتدى ريــــنو
    مشاركات: 10
    آخر مشاركة: 10-06-2012, 02:47 PM
  3. ركبت فرده كاوتش 65 وفرده70 !
    بواسطة morabet79 في المنتدى دايــو+شيفرولية لانوس
    مشاركات: 10
    آخر مشاركة: 08-12-2011, 09:37 PM
  4. باركولي ركبت طقم كاوتش جديد
    بواسطة MeshoMicra في المنتدى المنتــــــدى العـــــــــــام للسيــارات
    مشاركات: 22
    آخر مشاركة: 28-04-2009, 02:14 AM
  5. أخيرا ركبت كاوتش جديد
    بواسطة pop3 في المنتدى دايــو+شيفرولية لانوس
    مشاركات: 31
    آخر مشاركة: 22-12-2008, 05:27 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2