الموضوع: حاجة عايزها ومش لاقيها ليه مصنعهاش بنفسي...تجربة شخصية جديدة

المشاركة الأصلية كتبت بواسطة w-m-a

رائعه
بالتوفيق ان شاء الله
ربنا يجعلها فى ميزان حسناتك
بس رجاء بلاش عليها الشهاده
علشان الغسيل والنشر والتطبيق ودخول الحمام
ياترى فى مقاسات اطفال ؟ياريت مقاس سنه

لسة مافيش مقاسات للأطفال ان شاء الله هبقي اعملهم رسومات وشعارات تليق بيهم

المشاركة الأصلية كتبت بواسطة ralliart

فكرة جميلة جداً انا نفذتها بس كان واحد قريبي رسم بإيده على التيشيرت بألوان مخصوصة للموضوع ده بس ملقيتش حد بيطبع كمبيوتر
طبعتها فين؟ والتيشيرتات السادة منين؟ وممكن توسع المشروع وتطبع صور بالطلب؟

التي شيرت السادة من موباكو وهتلاقي ناس كتير بتبيع ارخص من موباكو بس انا اخترت موباكو علشان جودة عالية وخدمة متميزة وبطبع في مطبعة ملابس في جسر السويس بجوار سوق القنال

المشاركة الأصلية كتبت بواسطة ahmed_elkhateb

فكرررررررررررررررررة رائعه وانت هتبيع بعد كده ولا ليك ولا ايييييه

هبيع منها بعد كده والتفاصيل علي الصفحة الخاصة

المشاركة الأصلية كتبت بواسطة fouad ezz

فكرة مممممممممممممممممممتازززز ة
تمسك بها ....... ولا تتنازل عن جودتها والصبر علي المشروع ده
صدقني هنقرأ إسمك في قائمة أغني 10 علي مستوى العالم قريب جدا

مش الهدف اني ابقي في قائمة اغني 10 علي مستوي العالم ولكن الهدف هو عمل علامة تجارية ليها هدف نبيل ودعوي ذو فائدة لدي الناس بدلا من الشعارات المسيئة اللى الواحد بيشوفها او ملهاش معني.

هي الفكرة جت معايا صدفة والموضوع مكانش في دماغي خالص لأنه اصلا بعيد عن مجالى بس الفكرة كانت مشعشعة في دماغي وبالصدفة لقيت صاحبي شغال في مطبعة ملابس فهمني الموضوع...روحت عملت صفحة علي الفيس بوك وراجعت قبلها اسعار التي شيرتات المعروضة ...اتعب مرحلة مريت بيها هي التي شيرتات السادة روحت درب المهابيل لقيت خامات بتبدأ من 7ج التي شيرت كانت خامة تعبانة اوي روحت مصانع ملابس قالولي اقل حاجة نعملهالك 1000تي شيرت للون الواحد وانا محتاج 4 الوان كنت محتاج علي الأساس ده مش اقل من 70الف جنيه وفيه ناس مكانتش بترد عليا اصلا علشان الكمية اللى كنت طالبها قليلة فضلت ادور وروحت داندي اللى في طلعت حرب جبت منه الخامة كويسة الى حد ما بس الأميريكان استيل معجبنيش وروحت دور في القناطر مع العضو الفاضل محمد غزالى برضه ملقيتش حاجة عجبتني...في الأخر دخلت موباكو وانا بتعامل معاهم كتير عندنا في العبور لقيت تي شيرتات سادة ممتازة جدا دخلت دماغي من الوهلة الأولي اخذت رقم المصنع وحطلبت الكمية اللى كنت عايزها وشهادة حق الناس بتوع موباكو اسلوبهم في الأدارة يتدرس واتعلمت منهم كتير...الموظف مادام قالك هتصل بيك يبقي هي هيتصل بيك مافيش حاجة اسمها نسيت او انا مضغوط او الكلام ده وده من اسرار نجاحهم مع ان حاجتهم غالية المهم روحت مصنعهم في بشتيل واخذت الحاجة ووديتها عند المطبعة في جسر السويس ودلوقتي في مرحلة الطباعة ..المطبعة بتعمل حاجة اسمها شبلونة ودي بتبقي من الخشب والحرير وبيطبع بيها علي التي شيرت وبتبقي مكلفة جدا عشان الحرير اللى فيها اسعار الطباعة والشبلونات مش هقدر افيدكم فيها علشان برضه لسة مش فاهمها اوي.