بص كمان على غطا ريداتير أو عيب فى قربة المياه
عرض للطباعة
بص كمان على غطا ريداتير أو عيب فى قربة المياه
شكراجداا يا شباب علي الرد السريع سوري اتاخرت علي الرد .
موديل 93 سيفيك اي اكس كربراتير اوتوماتيك عاملة 170 ألف .
الزيوت بغيرها كل 3 شهور بأنتظام مع انني ما بستخدمش العربية كتير .
التروموستات غيرتها من شهرين وشغالة تمام .
وظبت سير الكاتينة مرتين وكل مرة الميكانيكي بيقول السير مزبوط يا باشا والتاكيهات كمان .
الردياتير ممتاز ونظيف انا كشفت عليه من شهر ومافيش اي نقص بالمياه او تغير في لون المياه .
غيرت طرمبة المية من كام شهر ومافيش اي مشاكل من نحيتها .
التكيف لاغيه خالص علشان ميحملش علي العربية .
تزداد السخونة بعد ما امشي علي سرعة 100 كيلو اكتر من نصف ساعة علي طريق مفتوح من غير ما يكون معايا حمولة انا لوحدي في العربية .
معلومة: السخونة في الشتي والصيف بنفس الدرجة .
العربية بترمي يمين درجة بسيطة .
مؤشر السخونة بيكون قريب من العلامة الحمرة بشوية ما بتنزلش الحرار خالص حتي لو كانت المروحة شغالة بأستمرار لازم اركن واستني لغايت لما تبرد .
انا في الشتي ألي فات روحت بورسعيد في اربع ساعات بسبب السخونة .
اخر واحد قال مروحة الردياتير ضعيفة وعايزة تتغير . انا مش شايف انها ضعيفة .
ما رأيكم اغيرها ولا البيه بيفتي بردة ؟ وكم سعرها ؟ومن عند مين ؟
طيب انت بتحس بجد بسخونية العربية ... يعنى العربية بتتأثر بالسخونية دى وبتبان فى السحب فعلاً والعربية بتنتش أو بتلاقى القربة بتغلى أو لما تحاول تفتح الردياتير بيحصل انفجار وضغط مياه أو بخار كتير وفيه صهد جامد جداً بيطلع من الماتور ...؟
اصل لو الحاجات اللى فوق دى مبتحصلشى ... ممكن تكون السخونية دى وهمية وناتجة عن عيب فى قراءة مقياس الحرارة فى العدادات .
طبعا بحس بيها الماتور بيطلع صهد اكنك واقف امام فرن .
في مرة كبرت دماغي من السخونة وفضلت ماشي علي نفس سرعتي مؤشر السخونة زاد لغايت لما المتور قفش .
مش شرط انك شايف المروحة شغالة تبقى كويسة المروحة ليها عدد لفات معين فى الدقيقة عشان تبرد العربية التبريد المطلوب ممكن تكون المروحة ضعيفة شوية ودة انت مش هتلاحظة ..... انا بحكيلك واقع تجربة شخصية نفس مشكلتك وطلع عيب مروحة
شربون او حاجة تانية كدة بس مش فاكر اسمها دلوقتى بس فى الغالب ممكن تطلع شربون وتكلفتة كلها بتركيب بكهربائى 25 جنية
حضرتك عارف يعنى اية مؤشر الحرارة يبقى عند ال high او اقل منة بشوية , يعنى كدة مافيش مياة فى دورة التبريد خالص عشان توصل لدرجة الحرارة دية
عموما دلوقتى انت بتقول مافيش تسريب فى الردياتير, طيب والقربة بتملاها كل قد اية ولا مظبوطة مش بتنقص ؟؟ ومعلش جاوبنى على السؤال دة ضرورى هيحل حاجات كتير
وبالنسبة لمروحة التبريد انا مستبعدها شوبة بس اهوة نجرب هات ماتور بس استيراد وخلاص بدل ماتجيب قميص كامل
بالنسبة بقى للثرموستات انت المفروض معاك موديل 92 يعنى d15b3 يعنى الثرموستات اللى بتتركب بفيشة
طيب معلش الثرموستات دية تتفك وتشوفها بتفتح امتى لأنى شاكك فيها هية ممكن تكون شغالة مافيش مشاكل بس بتفتح متأخر على حسب الدرجة بتاعتها
ياريت تخرج كل الهواء الموجود فى الدائرة عن طريق بلف الهواء + المياة المثبت على المحرك
المشكلة انه بيرد بعدفترة
انا روحت عند واحد في الحرفين النهاردة قال كلام تاني خالص . نصحني اشتري ردياتير جديد وكشف علي المروحة وقال انها شغالة كويس .
انا اتجننت من العربية ده
انا من شهر فكيت الردياتير وغسلبتة مافهوش اي مشاكل مانزلش منه اي صدي خالص .
اعمل ايه اتجننت
ادهم باشا
فيه كده حساس في كوعة الميه و دا الي بيمنع مية الريداتيير دا ممكن يكون معلق شيلو خالص
دا بيستخدموه بره للدول الي فيها ثلج علشان الموتور مايبردش بسرعه