الموضوع: انا زهقت من السيفيك

السلام عليكم

المشكلة : العربية بتسخن

تسخن العربية في حالتين :
1 - عند السير مسافات طويلة علي 100 بتسخن بعد نصف ساعة .
2 - معايا حمولة في العربية .

غير كدة مافش اي مشاكل معايا خالص في السخونة .

تاريخ صيانة العربية مع السخونة :

روحت الي بهوات كتيررررررررررررر وكل واحد بيفتي فترة جديدة .

المهم انا غيرت جونات الماتور الثلاثة وخراطيم المية و ترنبت المية و طبط زوايا و تنظيف الرياتيتير و تغيري فرد الكاوتش الاربعة و تغير الزيت كل شهر وزيت الباور و تغير طقم السيور .
وبردة العربية بتسخن اخر فتوة سمعهتا العربية محتاجة تظبيت التاكيهات وسير التايم وفعلا ظبتهم والمشكلة زي ما هي .


انا حاسس اني انا محتاج اتغير علشان ما تسخنش
ما ابجريش بالعربية خالص اخري علي 120 سرعة وتقريبا ما بخرجش بيها كتير تقريبا بتستعملها يومين في الاسبوع مشاوير بسيطة وباقي الوقت مركونة .

ما هو الحل يا شباب ؟

المشاركة الأصلية كتبت بواسطة no comment

تظبيط التاكيهات مش فتوى ... لانها ليها تأثير فعلاً على السخونية .
طيب الاول بس هى عربيتك موديل أيه ، وكربراتير ولا انجكشن ، اوتوماتيك ولا مانيوال ، وبتغير زيوت الفتيس والماتور بأنتظام ولا لا ، وترموستاتك مظبوطة ولا لا ، ومغيرتهاش من فترة ولا لا ، ومظبوطة مع المروحة ولا لا ، ... جاوب الاول على الاسئلة دى مؤقتاً لانها مش مذكورة فوق وملهاش علاقة كمان بالحاجات اللى انت غيرتها فوق .
وانتظر رد باقى الهونداوية ... اللى كانوا عندهم مشاكل مشابهة .

مهم جدا الرد على الأسئله دى يا باشا عشان الرد يكون مظبوط

طرمبة الميه ممكن تكون ضعيفة او فيها تسريب , طرمبة الزيت ايضا , دورة الساخن بتاعت التكييف عايزة تتلغي ( كانت عندي وسبب المشكلة هي ) في تسريب او تهوية عندك فى الدورة

انت فين يا ادهم؟
حاول ترد على الاسئله

يا راجل! حد يزهق من السيفيك

باشا لو انت ماشي في وسط البلد و مشغل التكيف و حر و واقف في اشارة بتسخن ؟

ولا بتسخن بس لما تمسك طريق و تمشي على سرعة اكتر من 100 ؟ او تكون طالع طلعة شوية ؟

في الحالة الاولى حاجة في المكنة او طرمبة وحشة او مروحة الرادياتير ضعيفة

في الحالة التانية دي رادياتير و بما انك سيخته و منفعش تشيله و ترميه و تجيب غيره .