عرض للطباعة
عندي سؤال جه على بالي..
لما العربيات الأوتوماتيك بتعطل لا قدر الله أي عطل و لسه في الضمان ..المفروض يتعمل إيه؟ خصوصاً لو بالليل و في حته العربية مينفعش تتساب فيها.
يعني هل المفروض صاحبها يكلم ونش و يرفعها فوقه (لإن طبعاً القطر ممنوع تماماً زي منتو عارفين في الأوتوماتيك) و يروح يسيبها برة سور التوكيل لحد الصبح لما يروحلها و لا إيه بالظبط؟
و لا المفروض يكلم التوكيل و هما يتصرفوا و هل التوكيل ممكن يرد بالليل؟
أنا بتكلم عن أي نوع عربيات مش حاجة معينة..
لو عطلت منك ، تتصل بونش يشيهلك لحد البيت علشان تبقى مطمن عليها وتتفق معاها انه يجيلك تانى الصبح فى ميعاد معين وتاخدها توديها التوكيل يكشفوا عليها
فى توكيل رينو بتكلم الكول سنتر و هو بيجى ياخد العربية و لما تتصلح بيتصلوا بيك
موضوع هام.. متابعة.
الكول سنتر بيشتغل 24 ساعة؟ و هل معندهمش حدود معينة للمسافات؟اقتباس:
المشاركة الأصلية كتبت بواسطة sharky
أنا عارف كمان إن في بيجو عندهم Peugeot Assistance بس مش عارف 24 ساعة برضه و لا لأ.
بيشتغل 24 ساعة
بس اكيد انت لو انت بره القاهرة مش هيجيلك
بس هو فعلاً غلط إنا العربية الأوتوماتيك تتقطر أو تتجر و عجلها على الأرض .. و الونش اللي العربية كلها بتطلع فوقة مش متوفر في كل حته... و دي ممكن تكون مشكلة على الطرق السريعة.
فلو الواحد إتعرض لموقف كدة لا قدر الله يعمل إيه لو التوكيل مش متاح إنه يجيلو؟ هل ممكن لو العربية إتقطرت مسافة مش كبيرة قوى 20 أو 30 كيلو على سرعة واطية مفيش مشكلة؟
إللى أعرفه إنه بيروح العين السخنة و اٍسكندرية و الساحل الشمالى و الطرق الصحراوية
معرفش بيروح حتت تانية و لا لأ
هما عندهم اوناش بتروح اي حته