لو العربية عطلت المفروض نعمل يه

**ahmedfd** · 21-04-2008 02:09 PM

عندي سؤال جه على بالي..
لما العربيات الأوتوماتيك بتعطل لا قدر الله أي عطل و لسه في الضمان ..المفروض يتعمل إيه؟ خصوصاً لو بالليل و في حته العربية مينفعش تتساب فيها.
يعني هل المفروض صاحبها يكلم ونش و يرفعها فوقه (لإن طبعاً القطر ممنوع تماماً زي منتو عارفين في الأوتوماتيك) و يروح يسيبها برة سور التوكيل لحد الصبح لما يروحلها و لا إيه بالظبط؟
و لا المفروض يكلم التوكيل و هما يتصرفوا و هل التوكيل ممكن يرد بالليل؟
أنا بتكلم عن أي نوع عربيات مش حاجة معينة..

**محمد عز** · 21-04-2008 02:48 PM

لو عطلت منك ، تتصل بونش يشيهلك لحد البيت علشان تبقى مطمن عليها وتتفق معاها انه يجيلك تانى الصبح فى ميعاد معين وتاخدها توديها التوكيل يكشفوا عليها

**Sharky** · 21-04-2008 02:50 PM

فى توكيل رينو بتكلم الكول سنتر و هو بيجى ياخد العربية و لما تتصلح بيتصلوا بيك

**OlaOsman** · 21-04-2008 02:56 PM

موضوع هام.. متابعة.

**ahmedfd** · 21-04-2008 03:48 PM

المشاركة الأصلية كتبت بواسطة sharky

فى توكيل رينو بتكلم الكول سنتر و هو بيجى ياخد العربية و لما تتصلح بيتصلوا بيك

الكول سنتر بيشتغل 24 ساعة؟ و هل معندهمش حدود معينة للمسافات؟
أنا عارف كمان إن في بيجو عندهم Peugeot Assistance بس مش عارف 24 ساعة برضه و لا لأ.

**Sharky** · 21-04-2008 03:54 PM

بيشتغل 24 ساعة

**محمد عز** · 21-04-2008 04:17 PM

بس اكيد انت لو انت بره القاهرة مش هيجيلك

**ahmedfd** · 21-04-2008 04:22 PM

بس هو فعلاً غلط إنا العربية الأوتوماتيك تتقطر أو تتجر و عجلها على الأرض .. و الونش اللي العربية كلها بتطلع فوقة مش متوفر في كل حته... و دي ممكن تكون مشكلة على الطرق السريعة.
فلو الواحد إتعرض لموقف كدة لا قدر الله يعمل إيه لو التوكيل مش متاح إنه يجيلو؟ هل ممكن لو العربية إتقطرت مسافة مش كبيرة قوى 20 أو 30 كيلو على سرعة واطية مفيش مشكلة؟