المشاركة الأصلية كتبت بواسطة ahmed anwer
علي فكرة لوة تابعت ردودي في المنتدي ،،
هتلاقيني مش إسلامي ( الكلمة دي وحشة قوي إني انفي عن نفسي انتمائي للإسلام بس المقصود بها مصطلح الإسلام السياسي و ليس الدين و الحمد لله )
انا زيك فى النقطة دى
بس أنا بحلل أحداث مش بحلل أفراد
وقائع بتخليني افسر ده بكده
بالمناسبة حزب الجبهة اللي بتكلم عنه و حزب ساويرس الجديد اعلن إنه هيقاطع الإنتخابات في حالة عدم تاجيلها !!!
http://www.alwafd.org/index.php?opti...#axzz1mzcfrdly
تلت أحزاب ليبرالية هيقاطعوا الإنتخابات !!!!! لييرالية أيه دي بقه إن شاء الله ؟؟؟
انا معاك ان خطأ مش المفروض إنهم يقعوا فيه
الوفد كاتب إن حزب العدل كمان ، بس حزب العدل نفي ذلك و قال إنه شارك في المؤتمر فقط و لا يعني ذلك موافقته علي قراراته ( حزب العدل ممكن تعتبره ليبرالي إسلامي اتكون من ميدان التحرير بعض مؤسسيه أخوان سابقين زي مصطفي النجار و الشاعر عبد الرحمن يوسف ابن الشيخ القرضاوي و الغنية عن التعريف المستشارة نهي الزيني )
انا معرفش الكلام ده
فأعذرنى مفيش عندى معلومات عنه
هحاول أسأل و أعرف هل الكلام ده صح و لا غلط
طيب ده كلام !!! الكلام ده كان ماشي أيام أحمد عز و كمال الشاذلي
لكن دلوقتي و إحنا بنقول يا هادي و عايزين نبني بلد حرة و ديمقراطية تعيط و تقول مش لاعب و تلوي دراع !!!!
و أساسا مش فاهم بيتخانقوا علي ايه !!!!
فيه شبه إجماع وطني من كل الأطراف بما فيهم المسيحين و الإسلاميين
إن مصر مش هتبقي دولة دينية و مش هتبقي دولة علمانية
لما عملنا الثورة مكنتشي ثورة ليها أيدلوجية أو منظرين
مجرد إننا خلاص زهقنا و مش شايفين أمل
مش فارقة معانا عايزين دولة زي دولة مبارك بس ميبقاش فيها فساد و فيها كرامة للمواطن و صلاحيات رئيس اقل و عدالة إجتماعية
انا متفق معاك فى الكلام ده
انا تعبت من الكلام فى المصطلحات و كل طرف شايف إنه هو الصح و غيره غلط و لازم يفرض رأيه عليه
أعتقد ان مصر فيها كم رهييب من المشاكل اللى محتاجة سنوات عشان تتحل ليه منركزش على الشغل و ندور على المتشابه بدل ما إحنا بنجرى ورا إختلافتنا
و محدش هيقدر يغير هوية مصر الإسلامية لإنها فى الشعب إلا إذا كان عايز يلغى الشعب
المفضلات