مشكلة غريبة ومضحكة

**amr_haggag** · 17-05-2011 06:38 PM

كانت عندي نفس المشكلة وما زالت موجودة.
بعض الحلول:
رش حاجة بتكرها الكلاب زي خل او ليمون او نشادر حول العربية في الارض، المشكلة انها لازم تتعمل كل يوم(وانا بكسل الصراحة) بس فعالة.
لاحظت برده لنهم بيحبو الغطا جدا يعني العربية لو مش متغطية مبيطلعوش عليها نهائي ممكن ده يكون حل بالنسبة لك.
جرب وقوللي لو في حلول جديدة لأني لسه بعاني من نفس المشكلة برضه.

**ahmed_h_g** · 17-05-2011 07:18 PM

رش فلفل أحمر حراق على الغطاء وهو مش هيعتبها للأبد

**amazingahmed** · 18-05-2011 10:20 AM

ممكن يكون فيه طريقة علمية لمعرفة إيه بالضبط في العربية بيشد الكلب أنه يختارها من ضمن كل العربيات. بس هي خطوات صعبة شوية و محتاجة قلب جامد.
أولا فضى شنطة العربية من كل حاجة ليها ريحة ممكن تشد الكلب (حتى الاستبن و الكوريك) و شوف الكلب لو جه يبقى إخلع علامة بروتون و شوف الكلب لو جه ممكن تكون ريحة العجل.... إخلع الأربع فرد و شوف الكلب لو جه ممكن تون ريحة الصالون... إخلع الكنبة و الكراسي و شوف الكلب لو جه ممكن تكون حاجة (حتة لحمة أو سندوتش شاورمة) وقع منك في فتحة التكييف... لأ لأ متفكش التكييف...خسارة الفريون... شيل التابلوه كله..
معلش لو طولت عليك بس علشان لازم نعرف إيه اللي بيشد الكلب.
بعد كده لو الكلب جه ممنك تكون حاجة لزقت في المساعدين و انت ماشي و ريحتها شادة الكلب. إخلع العفشة و شوف الكلب لو جه يبقى ممكن تكون ريحة زيت الباور أو الفرامل... فك القربتين و شوف الكلب لو جه يبقى زيت الماتور و ده صعب تخلعه لكن الحل الأحسن تشيل من فوقه البودي و ده الحل الأخير اللي هيخللى الكلب ميعرفش ينام فوق السقف..... لأنه مش هيلاقي سقف ينام فوقه... بس لو جه و نام في حتة تانية غير السقف يبقى فعلا عندك مشكلة حقيقية و حاول تسأل فيها حد يساعدك.

بعد ما تقرأ اللي فوق أنا عارف شعورك ناحيتي >>>>

**ahmedfathi** · 18-05-2011 03:40 PM

المشاركة الأصلية كتبت بواسطة abdoumahros

جرب انك ماتغطيش العربيه في الليل

فى بعض المناطق لو سيبت العربيه نص ساعه من غطاء تيجى تلاقى التراب فوقها بقى شبرين ومحتاجه تتغسل كل شويه

**ahmedfathi** · 18-05-2011 03:47 PM

المشاركة الأصلية كتبت بواسطة ahmed_h_g

رش فلفل أحمر حراق على الغطاء وهو مش هيعتبها للأبد

هو ده الحل المظبوط والله عن تجربه شخصيه

انا اول ما اشتريت غطاء جديد للعربيه فى الشتاء اللى فات كل يوم الاقى كلب نايم على الكبوت وواحد فوق السقف

ومره تانيه لاقيت الغطاء متقطع من عند الكبوت واظافر الكلب باينه اوى سألت السايس بتاع الجراش قالى الكلاب مش سايبه غطاء الا لما علمت عليه ومستحرم يموتهم بسم

قومت روحت عند العطار واشتريت نص كيلو شطه حاميه وكل يوم لما اروح اقوم راشش الكبوت والسقف بالشطه

اول اسبوع وبعد كده بقيت ارش يوم ويوم وبعد كده كل يومين تلاته وبعد كده خلاص ما بقتش ارش بقالى 3 شهور ومن ساعتها مفيش كلب قرب ناحيه العربيه

**OmaR_FekrY** · 18-05-2011 04:12 PM

انا لو منك هبات مكانه كل يوم على السقف لحد ميزهق و يمشى !!!!!!!!

:d
:d
:d

**OmaR_FekrY** · 18-05-2011 04:16 PM

[quote]

المشاركة الأصلية كتبت بواسطة amazingahmed

ممكن يكون فيه طريقة علمية لمعرفة إيه بالضبط في العربية بيشد الكلب أنه يختارها من ضمن كل العربيات. بس هي خطوات صعبة شوية و محتاجة قلب جامد.

أولا فضى شنطة العربية من كل حاجة ليها ريحة ممكن تشد الكلب (حتى الاستبن و الكوريك) و شوف الكلب لو جه يبقى إخلع علامة بروتون و شوف الكلب لو جه ممكن تكون ريحة العجل.... إخلع الأربع فرد و شوف الكلب لو جه ممكن تون ريحة الصالون... إخلع الكنبة و الكراسي و شوف الكلب لو جه ممكن تكون حاجة (حتة لحمة أو سندوتش شاورمة) وقع منك في فتحة التكييف... لأ لأ متفكش التكييف...خسارة الفريون... شيل التابلوه كله..

معلش لو طولت عليك بس علشان لازم نعرف إيه اللي بيشد الكلب.
بعد كده لو الكلب جه ممنك تكون حاجة لزقت في المساعدين و انت ماشي و ريحتها شادة الكلب. إخلع العفشة و شوف الكلب لو جه يبقى ممكن تكون ريحة زيت الباور أو الفرامل... فك القربتين و شوف الكلب لو جه يبقى زيت الماتور و ده صعب تخلعه لكن الحل الأحسن تشيل من فوقه البودي و ده الحل الأخير اللي هيخللى الكلب ميعرفش ينام فوق السقف..... لأنه مش هيلاقي سقف ينام فوقه... بس لو جه و نام في حتة تانية غير السقف يبقى فعلا عندك مشكلة حقيقية و حاول تسأل فيها حد يساعدك.

بعد ما تقرأ اللي فوق أنا عارف شعورك ناحيتي

>>>>

ههههههههههههههههههههههههه ه

الموضوع: مشكلة غريبة ومضحكة

LinkBack

أدوات الموضوع

عرض

-

-

-

-

-

-

المواضيع المتشابهه

مشكلة غريبة في a5

مشكلة غريبة

مسابقة يابانية غريبة ومضحكة جدااا

مشكلة غريبة !!

الكلمات الدلالية لهذا الموضوع

المفضلات

المفضلات

ضوابط المشاركة