السلام عليكم
لو سمحتم كنت عاوز اعرف ايه افضل شركة سمسرة في الاوراق المالية في البورصة وتكون في حلوان او المعادي
انا اقرب شركات لبيتي هم
حلوان لتداول الاوراق
اراب فاينانس اللي قدام اكاديمية السادات في المعادي
هل فيه حد تعامل معهم من قبل يقولي ايه رأيه فيهم؟؟
شكرا جزيلا على المساعدة
ايه يا جماعة
مافيش حد هنا بيستثمر في البورصة خالص؟؟؟
في شركة مترو للتداول جنب لينك اللي في مصر حلوان الزراعي في المعادي ... انا أعرف واحد هناك
المفروض ان شركة حلوان من اكبر الشركات زى بايونير كده .
الف شكر يا جماعة على الردود
انا بدأت بالفعل في التعامل مع اراب فاينانس
وعرفت انها تبع نجيب ساويرس
انا كنت متعاقد معاهم على عمولة 4 في الالف بحد ادنى 5 جنيه والمفروض ان عمولة مصر المقاصة وباقي الرسوم بتوصل حوال 1 ونص في الالف
بس لاحظت ان فيه عملة تانية 5 جنيه اسمها عملة حفظ
هل دي موجودة في كل الشركات؟ ول الناس دي بتشتغلني
تاني حاجة: هم بينزلو تقرير يومي على السايت بتاعهم وبيبقى مكتوب فيه الاسهم اللي ممكن الواحد يشتري فيها
انا طبعا علشان جديد اشتريت في الاسهم اللي هم وصو بيها والحمد لله لغاية دلوقتي ولا سهم منهم طلع بالكس كلهم نزلو ما بين 2 و3 في المائة. وانا اشتريت مع نفسي كدة في طلعت مصطفى والحمد لله هو السهم الوحيد اللي طلع وطلع كتير كمان (حوالي 6%)
بس الشيء الكويس عندهم ان التداول الكتروني من على السايت. يعني مش محتاج اتصل ولا اروح الشركة ولا اي حاجة
انتو ايه رأيكم في الكلام ده؟؟
ازاى حضرتك عمولة التداول الاكترونى اقل من التداول العادى وبتكون 2.5 .......
الف شكر ربنا يخليك يا باشمهندساقتباس:
المشاركة الأصلية كتبت بواسطة speed demon666
انا قولت اتعاقد مع اراب فاينانس لأنهم قريبين مني جدا لأني عامل حساب اني ممكن اروح مواصلات بدون العربية
انا ساكن في حدائق حلوان
اقتباس:
المشاركة الأصلية كتبت بواسطة almohake
انا فعلا لما رحت هناك حسيت انها شركة عملاقة وفيها حركة غير عادية غير ان مقر الشركة متوضب وشيك جدا
على عكس اراب فاينانس لاقيتها شركة صغيرة وكمان المكاتب لامؤخذة في الكلمة معفنة جدا
بس انا مش هتفرق معايا المظاهر قد ما يرفرق معايا الشغل
بس واضح اني هروح لشركة حلوان
لأن اراب فاينانس عملو معايا موقف ضايقني جدا
انا مضيت معاهم العقد يوم الخميس الماضي وقالولي اني هتكود في البورصة يوم الاحد
اتصل يوم الاحد يقولولي لسة اسمي في التكويد وممكن يتكود انهاردة او بكرة
اتصل يوم الاتنين يقولولي لسة واتصل بينا كمان ساعة (على فكرة شركة حلوان قالولي هتتكود في نص ساعة وانت واقف)
هنا انفجرت بقى وزعقتلهم وقولتلهم الغو التعاقد انا هروح شركة تانية
ودخلت على السايت بتاعهم وكتبت شكوى وبعتها
مافيش 5 دقائق واتصل بيا مدير الشركة وقاللي اني اتكودت واقدر اجيب الفلوس وابدأ التداول
غير طبعا التقرير والتوصيات اللي انا مشيت وراها واشتريت اسهم بناءا على التقرير وكلها خسرانة لغاية دلوقتي
يعني حتى مش عارفين يقرو السوق
هتعلم منهم ازاي دول انا مش عارف
دانا والله بلعب لعبة Stock riders بتاعة البورصة ومعتمد على نفسي وكساب لغاية دلوقتي 3.5%
اقتباس:
المشاركة الأصلية كتبت بواسطة beautiful0mind
معقولة الكلام ده
يبقو هما نصابين بقى
طب دلوقتي يا باشمهندس انا اشتريت واللي حصل حصل
هل ينفع افسخ التعاقد معاهم واتعاقد مع شركة تانية وانا محتفظ بالاسهم؟؟
انا فالشركة عندى العمولة 2.5 ..........ممكن حضرتك عادى جدا بتروع تتعاقد مع شركة تانية لكن قبل متنقل للشركة الثانية أسأل الاول على عمولة التداول الاكترونى كام فالشركة اللى انت فيها
وممكن حضرتك تتابع معانا الجلسات على الصفحة بتحتى
http://www.facebook.com/WeLoveEgypt2011
وان شاء الله هتجد متابعه يومية للجلسات اليومية ............والحمد لله الصفحة عندى بها نخبه من ذو الخبره ...ونتمنى من حضرتك تتابع معانا الصفحة
اقتباس:
المشاركة الأصلية كتبت بواسطة beautiful0mind
والله مش عارف اقول لحضرتك ايه يا باشمهندس
متشكر جدا على المساعدة.
انا فعلا عملت الموضوع ده كنوع من دعم الاقتصاد وكنت عامل موضوع مخصوص على المنتدى علشان الاعضاء يدعمو الاقتصاد
http://www.nilemotors.net/Nile/208896-a.html
بس مش عاوز اجي اساعد الاقي نفسي واقع في وسط شوية نصابين
هي شركة حضرتك موجودة فين يا باشمهندس
وهل اقدر اجي اتشرف بمعرفة حضرتك؟؟ وطالما فيه تداول الكتروني يبقى مش هيفرق مكان الشركة لأني مش هروح كتير
وايه الخطوات المطلوبة علشان انهي التعاقد مع الشركة الحالية وابدأ في التعاقد مع شركتكم
انا الشرف ليا يا استاذ وليد اتشرف بحضرتك لكن .......قبل متأخذ قرار فسخ التعاقد اسأل الاول عند الداول الاكترونى عمولته كام بظبط
وحضرتك تابع الصفحة وان شاء الله تستفيد منها ونقدر نكسب ثقة حضرتك .....وممكن حضرتك تراجع الجلسات السابقة .....واى شئ انا تحت أمر حضرتك
بوص باختصار شديد لا تلتفت الى اي شركه غير الي حقولك عليهم نهاااااااااااااااااائي وهما
العربيه اونلاين (حلوه جدا لو مضارب العموله في ال T+0 هيا 1.75 في الالف و T+2 هيا 3 to 2.5
وكل 3 شهور بيعملولك تقيم وممكن العموله توصل 1 في الالف وعندهم تداول الكتروني
هيرمس للأوراق المالية
ممتازه بس هيا مناسبه جدا للي مش مضارب لان العموله زي ما قولنا في الزيرو ب 2.5 و ال 2 هيا 5 في الالف فا اعلى شويه
هيرمس بتديك شاشة التداول اللحظي مجانا لاكن في العربيه اونلاين اظن ب 60 جنيه في الشهر من ميست وهيرمس عيبها الوحيد العموله اعلى شويه وبتبعتلك كشف حساب على بيتك كل شهر ههههههههههه يعني كله حيعرف انك مشتري اسهم في البورصه
كل ده في التداول الالكتروني والتنفيذ طريق التليفون اظن بيزيد 1 في الالف والارقام الي اديتهالك فوق هيا بعد المقاصه والحفظ الخ الخ والشركتين دول مش شغالين من سنه ولا اتنين لا من زمااااااااااان وليهم اسمهم في السوق
حاليا انا مش مشترك في اي واحده منهم سحبت فلوسي بس لو نويت تاني حدخل العربيه
اونلاين الا لو هيرمس عدلت العموله بتعتها وخفضتها
سلام
انا بالفعل براجع الجلسات على الصفحة يا باشمهندساقتباس:
المشاركة الأصلية كتبت بواسطة beautiful0mind
والصفحة جميلة جدا ما شاء الله. بس المشكلة اني لسة جديد تماما في البورصة ومش قادر اجاري الاحداث
دي صورة من فاتورة الشراء. زي ما حضرتك شايف. انا حاسس ان العمولات كتيرة جدا ولا ايه رأي حضرتك
http://www4.0zz0.com/2011/05/18/15/159165988.jpg
اقتباس:
المشاركة الأصلية كتبت بواسطة GMC
الف شكر علىالنصيحة الغالية يا باشمهندس
انا عاوز اسأل حضرتك بقى على موضوع التسوية
مين اللي بيتحكم فيه وازاي وليه وفايدته ايه؟ معلش بقى اخوك ابيض بورصة
اقتباس:
المشاركة الأصلية كتبت بواسطة beautiful0mind
استاذ حمادة
انا متشكر جدا جدا جدا على المساعدة الغالية
انا بتابع الصفحة دلوقتي ياستمرار وهي صفحة رائعة جدا ومفيدة جدا جدا جدا وفعلا واضح جدا ان الصفحة هدفها دعم اقتصاد مصر
انا ان شاء الله ناوي ازود المبلغ اللي مشارك بيه في البورصة وان شاء الله ناوي على 3 قطاعات
الاسمنت (بفكر اكمل زي مانا في الاسكندرية للاسمنت لأن اسمنت طرة سافرت فوق)
الادوية (بفكر اشتري في القاهرة للادوية)
الكابلات (بفكر اشتري في السويدي)
اما بالنسبة للاستثمار بالدولار بفكر اشتري في النايل سات
هبعد عن السياحة علشان موضوع الخمور وكدة رغم اني متأكد ان قطاع السياحة هيطلع جامد الايام اللي جاية بس خلينا بعيد عنه احسن.
ايه رأيك في الموضوع ده يا حمادة
مش عارفة رأيى انك ماتفكرش فى شركات الوساطه لمجرد انهم افضل حاجه فى المعادى و حلوان
الاحسن انك تفكر فى احسن شركه فى مصر تؤدى هذة الخده و لها مصداقيتها لإن اغلب (افضل الشركات ) تقدر تتحكم فى حسابك عن النت او التليفون على الاقل. و مش حتغرم غير مشوار فى الاول او اتنين عشان تكتب العقد و تتكلم مع الناس هناك و تشوف ايه نظامهم بالظبط و معلش لو كانوا بعيد عن بيتك شويه المهم فى الاخر انك مطمئن على فلوسك و عارف انهم مش بيتلاعبوا ( و لو ان (رأيى الشخصى) كلهم بيتلاعبوا بالاسهم و ربنا يرحمنا.
بس ده رأيى و ربنا يوفقك
اقتباس:
المشاركة الأصلية كتبت بواسطة rosebox
متشكر جدا يا فندم على النصيحة
واتفق مع حضرتك في كل كلمة
انا الاول كنت بفكر في شركة تكون قريبة من بيتي
بس بعد كدة فعلا لاقيت انها مش هتفرق لأن التداول هيكون اليكتروني من على النت ومش هحتاج اروح الا نادرا
انا من رأى الخاص انا مش بحب اتعامل مع الشركات الضخمة مثل بايونيرز وهرمس والعربية اون لين
لان اهتمامهم بالعميل ليس كبير و خاصتا اصحاب المحافظ الصغيرة
بألنسبة لى شركو ميراج لتداول الاوراق المالية جيدة جدا من حيث العمولة 1 * 1000 للتداول الالكترونى
وبيعطوك شاشات ببلاش
ودى حاجات هم كاتبنها على الجروب الخاص بهم على الفيس بوك
شركة ميراج لتداول الاوراق المالية تقدم
=======================
- ( زيرو ) 0 عمولة اول شهر تداول .
- شاشة ميست مجانا اول شهر .
- شاشة مباشر مجانا اول اسبوعين .
- 1.5 × 1000 فقط عمولة للتداول الالكترونى .
وهى أقل عمولة بمصر دون حد أدنى للمحفظة .
- 2.5 × 1000 فقط عمولة على التداول العادى
وهى أقل عمولة بمصر دون حد أدنى للمحفظة .
- خدمة الشراء الهامشى تصل الى 50 % .
- خدمة IVR وهى أول خدمة مطبقة بشركة سمسرة عن طريق التليفون
لمعرفة اسعار الاسهم و إرسال كشف حسابك عبر الميل على مدار الأسبوع .
- يسعدنا اتصالاتكم واستفسارتكم
ت : 33056358
م : 01000035157 – 01000035159
ويمكن متابعة اخبار البورصة واسواق المال لحظة بلحظة عبر موقعنا
https://www.miragebrokerage.net
او عبر جروب الفيس بوك
https://www.facebook.com/groups/378398225556070
ارجو ان اكون افدتك
اقتباس:
المشاركة الأصلية كتبت بواسطة mahmoudborik
واللهي فيك الخير اول مشاركه وبتدل الراجل على ميراج
اخبار المدير الي اتعيين في الفرعين سنة 2010 ايه ????????????? ؟؟؟؟؟؟
اقتباس:
المشاركة الأصلية كتبت بواسطة mahmoudborik
وكمان بتدلني على ميراج
هي البورصة ديه مافيهاش حد امين ابدا كدة
اسوأ قرار اخدته في حياتي اني اساعد بلدي وادخل المخروبة اللي مليانة حرامية ونصابين وكذابين
انا طلعت من المخروبة ديه بعد خسارة فادحة وحرقة دم ومش عاوز اسمع عنها تاني
شركة ميراج لتداول الاوراق المالية سوبر ماركت وبيشتغل فى الاسهم ده الوصف الحقيقي للشركة دى
abdelaziz-waleed احمد ربنا انك خرجت منها حاجة تحرق الاعصاب و للاسف البورصة المصرية زى اى حاجة فى مصر مالهاش مقياس لا تحليل فنى نافع ولا حتى قرارت جايبة نتيجة
هههههههههههه كان الله فى عون الجميع البورصة المصرية ليس لها اى مقياس لامذاكرة نافعه ولا تخبيط نافع تدرس وتحلل وتشترى بناء على معلومات ودراسة وبردو تخسر وكمان تشترى مع اللى بيشترى بردو تخسر انا عايز اشوف مين اللى بيكسب بس فى البورصةفضلوا يقولوا ساعد الاقتصاد بالشراء فى البورصة لحد ما فيه ناس كتير عملت كدا وصدقت كلامهم كان لازم الاول ينضفوها من الحرامية والنصابين اللى بيوقعو المستثمرين الصغار فى الهلاك من الاخر التجربة مريرة جدا ونصيحتى للمستثمرين الصغار انهم يخرجو من البورصة لان الكبار مش بيكسبو الا من الصغار فلما الصغار يخرجو نسيبهم ياكلو فى بعض ويورونا هيكسبو ازااااااااااااااااااااااا ااى
أسوء قرار اخدته في حياتي .................... الاستثمار في البورصة المصرية
من 2007 و انا متبهدل فيها لحد الاسبوع اللي فات خرجت منها بخسارة تقرببا 70%
لو عايز شكرة سمسرة كويسة و منتشرة ... حلوان لأن ليها فروع كتير جدا و في محافظات كتيرة
بس اهم حاجة يكون بالك طويل عشان همه جايبين شوية موظفين دبلومات و عايزين الحرق
انا من رأى الشركات كلها زى بعض
والمكسب او الخسارة بيعتمد على وعلى مدى فهمى للسوق والاسهم اللى بشتغل فيها
كل الشركات زى بعض انا جربت 3 لحد دلوقتى وتوصياتهم واحدة وكتير بتكون غلط وكتير بتكون صح
الفرق الوحيد اللى بيميز شركة عن التانية العروض والخدمات والعمولة دة من رأى
اانا اللى يهمنى انى اخد اقل عمولة واسعار للشاشات
دة رأى ولو عندكم حاجة تانية انصحونى
فى انتظار ارائكم