الموضوع: معايا فلوس وعايز اعمل بيهم مشروع ؟

1- بفكر اشوف محل يكون فى مكان كويس مولاات مثلا واتكل على الله وافتحة نفس المجال الى انا شغال فية حاليا ؟

الحل رقم 1 لو شغلك مميز جدا وما فيش حد عنده منه لأن أيجار المول غالى جدا وبالتالى بترفع سعر المنتج بتاعك ولو شغلك زى اللى موجود فى السوق فكر فى محل فى حته كوويسه ويكون رخيص

2- اسافر تايلاند والصين اجيب شغل مستورد من هناك وابقى تاجر يعنى اجيب شغل من هناك وابيعة هنا والموضوع دة مش محتاج محل ولا حاجة .. بس طبعا انتوا عارفين الجمارك وقرف الروتين الحكومى .. بس لو ادرت اتغلب على مشكلة الجمارك والروتين دة هيبقى مكسبة كويس جدا ..

الحل رقم 2 هو الأنسب حاليا وخصوصا انك خبير فى السلعه اللى حتجيبها من بره

رايي بما انك بتفهم في الفضه يبقي كمل فيها....
اما لو عايز تعمل مشروع..هقولك علي كام حاجه
ممكن تعمل حاجه ذي السيتي كاب ...بص بطريقه احلي
لو هتعمل المشروع بالفلوس بتاعت اخوك يعني 600 الف يبقي تمام اوي
تجيب كذا عربيه نضيفه و تجيبلهم سواقين ...و ترخص العربيات ملاكي عادي
و تأجرهم بالطلب....بالمشوار ....بجد مكسبهم جامد اوي
و الفكره ديه بصراحه مش بتاعتي....دا واحد حبيبي قالي علي حاجه مشابهه ليها

الفكره التانيه...و اللي نفسي اعملها...انك تفتح محل اكسسوارات عربيات ..
او الاحسن تعمل محل تخصص صوت....سماعات و جي امات و الذي منه

اما بخصوص العقارات بجد انصحك بلاش منه خالص....هيطلع عينك و تتفحت فيه
لازم يكون عندك عمال عارفهم تحت ايدك و متأكد من شغلهم....
انا والدي عمل حاجه شبيهه بكده و بجد تعب اوي في الموضوع ده
غير ان سوق العقارات غير مستقر ....و الحديد مش راسي...
و الاهم ان العمال ذي الزفت و يقرفوا بلد

و طبعا الافكار اللي قالها بقيت الاعضاء تمام

المشاركة الأصلية كتبت بواسطة moudy2002

الاخوة الكرام انا فعلا محتار وحبيت افكر معاكم بصوت عالى شوية .

انا شغال فى مجال الفضيات و التحف وكدة طبعا انا موظف فى الشركة والحمد الله عندى خبرة فى المجال دة .. عندى 30 سنة ولسة شغال زى مانا فى الشركة والايام دية ابتديت اتخنق من صاحب الشركة والناس الى شغاله معايا .. الحمد الله معايا تقريبا 70.000 جنية تحويشة عمرى
مش عارف ممكن اعمل بيهم اية .. دول اربع اختيارات بفكر قيهم

1- بفكر اشوف محل يكون فى مكان كويس مولاات مثلا واتكل على الله وافتحة نفس المجال الى انا شغال فية حاليا ؟

2- اسافر تايلاند والصين اجيب شغل مستورد من هناك وابقى تاجر يعنى اجيب شغل من هناك وابيعة هنا والموضوع دة مش محتاج محل ولا حاجة .. بس طبعا انتوا عارفين الجمارك وقرف الروتين الحكومى .. بس لو ادرت اتغلب على مشكلة الجمارك والروتين دة هيبقى مكسبة كويس جدا ..

3- اخويا فى انجلترا عرض عليا يدينى حوالى 600.000 الف جنية اشغلهملة فى اى حاجة والمكسب بالنص ؟ وفى الحالة دية مش عارف اية ممكن يكون احسن مشروع الواحد ممكن يعملة ويكون مربح ...

4- اخلينى زى ما انا شغال فى الشركة الى خلاص انا زهقت منها مع انى شغال فيها من ساعة ما اتخرجت 8 سنين وافضل بقى طول عمرى شغال عند الناس وقرف صاحب الشغل وغبيت لية وتأخرت لية ووجع القلب دة ..

معلش يا جماعة طولت عليكم بس حاساس انى مخنوق وحابب افكر معاكم بصوت عالى ويا ريت حد يقلى اية احسن حل فى الاربع اختيارات دول
وشكرا

اخوكم المحتار والمخنوق محمد

شوف يا اخ محمد 00 انا فى راى انك عملت فى المجال بتاعك ثمانية سنوات وحسب ما فهمت انك اكتسبت خبرة لابأس بها 00 اذن يجب ان تعمل فى المجال الذى تعلمت فيه ولك خبرة به جيدة وتعرف اسرارة وطرق عملة ، لانه ليس من المعقول ان تخاطر بفلوسك وفلوس اخوك ان شاركك فى مشاريع لاتعلم عنها وليس لك خبرة بها 0
لذلك فمن الافضل ان تقوم بمشاركة اخيك وتقوم بشراء محل فى احد المولات الجديدة والتى لايوجد بها نفس البضاعة التى تعتزم بيعها ( الفضيات ) ويجب ان يكون الموقع فى مكان خاص بمشترى هذه البضاعة وانت ادرى بهم - يعنى لاتفتح محل لهذه النوعية فى باب الشعرية او الدويقة مثلاً واعتقد ان المكان سوف يكون فى مدينة نصر او المعادى او الزمالك او وسط البلد 00 الخ ومن ثم تسافر الى الصين فى جولة استطلاعية وتقوم بشراء بعض الفضيات على سبيل العينة وتعرضا وتكون متفق مع التاجر على كل شىء فأذا وجدت سوق للبضاعة كان بها وان لم تجد كان بها ، فتكون الخسارة هنا محصورة فى خمسون او ستون الف والمحل تكون قيمتة زادت ويعوض الخسارة وبعدين بلاش التحف والفضيات فقط حاول فى امور بجوارهم تصلح لنفس المجال
ولكن لى وصية هامة لك لاتقطع كل الخيوط مع صاحب الشركة ، ولا تبلغ اى فرد من الشركة بما نويت عملة حتى لايكيدون لك اى مكيدة ، واعتذر عن العمل بشكل يسمح لك الرجوع فى يوم من الايام دون اى جرح او طعن بصاحب العمل

الاخوة الكرام
انا فعلا عاجز عن الشكر ليكم جميعا فردا فردا فعلا واللهى الواحد حاسس انكم جميعا اخوة لى ويا رب يدوم نعمة المحبة علينا كلنا

بعد تفكير النية متجهة لشراء او تأجير محل وهتشغل فى نفس المجال الى انا بفهم فية دة احسن الحلول لان لا يوجد مجال للتجربة .. الواحد عندة التزمات كتير ومش هستحمل اى خسارة
وفعلا زى ما محمد بيك ما قال هيبقى فى مول او مكان كويس
مش عارف اشكركم ازاى على تعاونكم معايا
وبالمناسبة لو حد يعرف مكان محل كويس يقلى يمكن ربنا يكرم و اخدة ياريت ستى سنتر كارفور او مدينة نصر .. المعادى .. الزمالك .. المهندسين . اظن دية احسن الاماكن الى الواحد ممكن ياخد فيها ..
شكرا ليكم مرة تانية

ربنا يوفقك
انا مش هقدر افيدك لانى من ساكنى المنصوره
يا رب تلاقى المحل المناسب