الموضوع: معايا فلوس وعايز اعمل بيهم مشروع ؟

انا من راى تشفولك حته ارض كويسه كده وتكون فى مكان مميز وتفتحها بنزينه ان شايف ان البنزينه مشروع مربح جدا اولا هتكون فيها محلات ممكن تاجرها وهتشتغل جامد على تغير الزيت وغسيل السيارات وكده

وطبعا اى اكل فى بلدنا تقريبا ما بيخسرش

كوفي شوب
لو فرنشايز من ماركه معروفه يبقى احسن
زي كوستا او شيلانترو او ....... حاجات كتيير لسه بتبدي


لو معندكش وقت للمتابعه والتفرغ
يبقى عليك وعلى البورصه
بس ادرسها كويس قوي ومتغامرش في الاول
ارضى بمكسب قليل بمخاطره قليله على الاقل في الاول ...
و

ولو انت جاد فعلا في موضوع الكوفي شوب عندي استعداد ندرسه سوا ونتشارك فيه

شكرا لكم جميعا اخوانى الكرام
اخى casber بالنسبة لمحا قطع غيار انا بفهم كويس فى الاستيراد لانى بستورد فضة من الهند وتايلااند وعارف الاجراءات كويس بس المشكلة انى مش بفهم فى قطع الغيار .. يعنى الواحد محتاج خبرة كويسة فى المجال دة ..

اخى mahamedaraby مشروع البنزينة دة انا فكرت فية هو على ما اعتقد كويس جدا بس اعتقد انة محتاج راس مال كبير علشان تعملة يعنى لازم ارض فى مكان كويس وتكون على الطريق (دية لوحدها محتاجة فوق 500.000 الف ) علشان تلقيها غير طبعا التجيزات و تامين شركة البترول وكدة فا اظن ان الموضوع كبير عليا ..

اخى mohamed_rhem اولا شغل القطاع الخاص وبالذات الشركات الصغيرة مستقبلها غير مضمون بالمرة لانى فى وقت ممكن صاحب الشغل يعمل مشكلة معاك وتمشى من غير ما تاخد حقك منه بس اظن الوضع مختلف فى شركات القطاع الخاص الكبيرة ..
انا فعلا بفكر فى موضوع المحل دة بس عامل المكان اهم حاجة فى الموضوع يعنى لازم يبقى مول (ستى سنتر كارفور سيتى ستار ) ودة موضوع محتاج وقت شوية فى البحث .. ربنا يسهل

الاخ Migo123 موضع الفرنشايز انا فعلا بفكر فية واظن انه كويس ومكسبة مضمون بس برضة عامل المكان بس لو تحب نفكر سوا بصوت عالى فية انا تحت امرك وانا فعلا بفكر فية بجدية (على العموم مستنيك نفكر سوا )

الاخ العزيز كريم بك منير شكرا لممدخلتك ياباشا .. ياباشا البلد مليانة فلوس وانت الى مش واخد بالك موضوع الفضة والاكسسورات دة ماشى زى الفل طبعا مش كل الناس بس برضة يرجع لعامل المكان .. ودة مكسبة ياباشا اكتر من 100 % من تمن البضاعة بس لازم تبقى عارف كل صغيرة وكبيرة فى المهنه دية ...
موضوع المغسلة برضه فى دماغى بالاخص انى ساكن جنب سوق السيارات فى الحى العاشر يعنى لو اشتغلت بس يوم الاحد والجمعة على عربيات السوق هتبقى فل قوى بس حاساس انه مش المشروع الى بحلم بيه ويكون بتاعى واكبر فية شوية شوية

على فكرة انا بفهم كويس فى الاستيراد وعندى علاقات كويسة جدا قى الهند والصين وتايلاند واليابان بحكم اخويا الى بقى انجليزى خلاص بعد ما خد الجنسية وعارف ناس كتير فى مختلف الدول دية .

على العموم برضة انا لسة بفكر معاكم بصوت عالى ومحتاج ارئكم بشدة
نفسى ومنى عينى يبقلى بيزنس خاص بية اكبر فية واحدة واحده وبيقاش تحت سيطرة حد بلا يا جماعة فكروا معايا..

شكرا للمشاركة اخى elpasha009
ياباشا احنا فعلا بنصع اشكال وكل الى انت عايزة وبرضة بنستورد شغل انا عن نفسى بستورد من الهند والصين
يا ريت تبعتلى mail بتاع حضرتك وانا ابعتلك عينات من الحاجات الى بشتغل فيها .. ويا رب تكون معرفة خير ياباشا ..