المشاركة الأصلية كتبت بواسطة ahmed.tv
مفيش توكيل سيارات مش حيقسطلك تقسيط مباشر معاه مباشرة بدون بنك بمقدم 10 %
بتتكلموا فى ان لو عملوا كدا , حيكون بمقدمات عالية جداااا وفوائد كبيرة عشان يضمن حقه , وبردوا لازم يكون فى حد او بنك فى الخفاء يحصل فلوس القسط , لان البنوك هى افضل وسيلة وامن حاجة فى التحصيل وده دوره مش اكتر
وبعدين نيسان عملت شركة finances بالتعاون مع البنك ده عشان كما وضحت هو اللى يحصل ويضمن حقها , بس اللى متصدر فى الوش نيسان وهى اللى بتابع وبتخلص كفاة اجراءات الاستعلام السريعة واستلام السيارة فى اسرع وقت
وده مش نظام اسلامى ومربحة , واللى عايز كدا حيروح فى بنوك كتير بتشتغل فى الموضوع ده
وخدمة نيسان finances الميزة فيها انهم بيخلصوا امور الورق والاستعلام فى خلال 24 ساعة وحتطور الى ان تصل انك تاخد الرد فى خلال ساعة وتاخد الموافقة اذا كان ينفع تقسط ولالا , وتمضى شيكاتك وكل حاجة وانت قاعد مع الموزع المعتمد على طول , يعنى مع نيسان مباشرة
والخدمة دى والسرعة فى اجراءات الورق اذا مش حتفرق معايا حتفرق مع عملاء غيرى كتير جداااا
واى تفاصيل اخرى عن نظام التقسيط او الفوائد قد ايه , يبقا مع اتو ايجيبت , عشان الامور الحسابية دى معرفش عنها حاجة
ومقدرش اتكلم واقول معلومة خطا عنها
وارقام اتو ايجيبت معروفة للناس , ولو حد عاوز رقم حد مباشر فى اتو ايجبت يبعتلى على الخاص
ولما تعرفوا وتسالوا ابقوا قولنا وعرفونا
وشاكر لمرور الجميع وتقدريكم جميعا
تحياتى