طريقة سريعة لتسخين السيارة...صح ولا غلط؟؟

**No Comment** · 17-05-2011 02:17 PM

غلط انك علشان تسخن العربية تشغل التكييف لسببين :
الاول ان التكييف اصلاً علشان يشتغل لازم تكون العربية ساخنة علشان ميأثرشى على الماتور لانه بيحمل عليه عن طريق سير التكييف اللى متوصل بالماتور فبيعمل حمل عليه فتقوم انت بقى بطريقتك دى بعمل الحمل ده والعربية كمان باردة ولزوجة الزيت لسة ما وصلتشى للدرجة المناسبة لكفائة التشغيل فبتهلك فى المحرك أكتر .
أما السبب التانى أنك أصلاً لما بتشغل التكييف مروحة السربنتينة بتاعته بتشتغل فبالتالى هتأخر وصول الماتور لدرجة التشغيل المناسبة برضوا فى وقت قصير وده هيتنافى مع اللى انت عاوزه .

**ahmedsamir5edr** · 17-05-2011 03:04 PM

المشاركة الأصلية كتبت بواسطة abdoelshazly

يمكن علشان لما بتشغل التكيف بيشد على المكنه بنزين يعنى اكنك دايس بنزين :s حتى تلاحظ وانت مشغل التكيف الار بى ام بيعلى مش عارف ممكن يكون دا تحليل مظبوط ولا لآ

المشاركة الأصلية كتبت بواسطة mido_soliman

بص بيتهيلى الطريقة دى غلط والله اعلم
تعالى نحللها بطريقتى
العربية باردة تمام ؟؟ وانا شغلت التكييف صح !!!
طب التكييف يحمل على اية ؟؟ على الموتور
ولما احمل على الموتور والزيت بارد يبقى دة صح ؟؟؟ اكيد لاء
ولما احمل على الموتور اية اللى بيحصل ؟ الار بى ام بيعلى ؟ يعنى كانى مشيت بيها بالظبط وهية باردة
يبقى الطريقة دى مش مظبوطة وبيتهيالى كمان حتناثر على عمر الكباس لانة المفروض اشغل التكييف بعد ما تكون درجة حرارة الموتور تكون طبيعية يعنى بعد ما اسخن العربية وامشى بيها شوية
دة مجرد تحليل ملوش اى اساس علمى مجرد اجتهاد ونشوف راى الخبراء
تحياتى

العربيات الانجكشن .. ال ر ب ام ما بيعلاش مع التكييف و لا حاجه

ام لصاحب الموضوع .. دقيقه و امشي علي ار بي ام أقل من 2 هتسخن بسرعه