ملعوبة
ربنا يرحم الشهداء
ملعوبة
ربنا يرحم الشهداء
فى أقاويل ان الفضائية المصرية نفت الخبر دة مش فاهم اية القصة بالظبط
هو المخلوع ليه معاش قوات مسلحه صح؟
و كمان ليه معاش مبارك 100 جنيه
يا ريت حد يحسب اللى ليه عشان ياخدهم و نحاسبه على الباقلى
و يطلعولوا كريدت على البنك الاهلى و يبقى يروح يتذل عشان يسحب المعاش
ليه يارب مكتوب علي اعيش وسط شوية نور وحرامية
ماصين دمي وواخدين فلوسي سرقة ......واقولهم هاتو الفلوس يطلعو لسانهم ويقولو مالكش عندنا حاجة
واولع بقي
تواطؤ واضح جدا من دول الخليج الله يفضحهم يارب
عليه العوض ومنو العوض في الفلوس اللي راحت
قومو البلد بقي
بالحق سمعت ان السودان مدية لمصرا ارضي نزرعها
سمعت رقم كده ( مليون فدان )
انا هاروح السودان احسن ولا اقول انا هاخش انام ومش عايز اصحي
حسبي الله ونعم الوكيل
وحياة .... مانا مسامحك يا مبارك لا دنيا ولا اخرة و بجد الحوار ده لو حصل البلد هتقوم و مش هتقعد
أولاً محاكمات عادلة حتى آخر محاكمة عن كل مشكلة حدثت في البلد
ثانياً رد كل الفلوس المنهوبة
ثالثاً تنفيذ الأحكام القضائية الصادرة ضده سواء بالسجن أو بالإعدام ولو عدة مرات
أخيراً يخطب خطبة الإعتذار
دى لعبه جديده علشان يشقوا صفوف الثورة ونرجع نضرب فى بعض تانى
تيييييييييييييييت
ده يطلعوا يجيبوه من قفاه
خلينا يا عم نقول أننا شعب عاطفي وأهبل وعبيط وحنقبل العفو مقابل إعادة الفلوس علشان البلد محتاجاها فعلاً .. مين حيصدق الكلام اللي بيقوله أنه حيرجع الفلوس كلها .. مش ممكن يرميلك كام مليون ويقولك هي دي الفلوس كلها ويكرتن على الباقي .. مع الأخذ في الاعتبار أنه كدب قبل كدة وقال أن مالوش فلوس بره مصر وطلع عنده فلوس في سويسرا .. وما خفي كان أعظم
سوزان طلع عندها ٢٤ مليون بس
يرجعوا و يبقى نصيب كل مواطن ٢ جنيه
يجيب بيهم سندوتشين فول يرموا عضمو
مليون في اليد خير من مليار في سويسرا
يبقى لازم يكون فية دليل أنة عندة الفلوس برة مش بالكلام بالمستندات يعنى خطابات من الحكومة المصرية للبنوك الاجنبية و هو كان ماضى على ورق لكشف حساباتة لو ما لقيوش برة فلوس يبقى مش حا نقفول نص كلمة بعدها
هو بقى غسل الفلوس ما غسلهاش المهم البنوك الاجنبية قالت لة كام عندها فلوس و السلام غير كدة مفيش أى دليل
طب والطرشي علي مين؟؟؟؟؟؟؟؟؟؟؟؟؟؟؟؟
يبقي حسني يرد كام مليون ونشتري طرشي ويبقي كدة عداهم العيب وازح ولما يقول انا اكلت الشعب ميبقاش بيكدب.
ونشوف حد عايز يخرج تاني ونخليه يشربنا شاي او حاجة ساقعة بيبسي اروي عطشك.
وهقول تااااااااااااااااااااااني
وعشان كدة مصر ياولاد. مصر ياولااااااااااااااااااااا د. حلوة الحلواااااااااااااااااااا ااااات.
اعتقد ان الخبر ده وخبر الإفراج عن سوزان مبارك جس نبض للشارع
او حشد للمؤيدين قبل مليونية 27 مايو
إن العفو عند المقدره من شيم وصفات الكرام
والشعب المصري أكرم ما خلق الله
ولكن بشرط أن يردوا كل أموالهم داخلياً وخارجياً وما نعلمه وما يعلمه الله العليم الخبير وكمان يدفعوا الديه لأهالي الشهداء أو تدفع عنهم الدوله من أموالهم وكفايه عليهم المعاش أكثر من مائة ألف جنيه شهرياً
وغير ذلك غير مقبول وسيفتقد لحسن النيه
لأ طبعا مافيش حاجة اسمها نشوف الأرصدة اللى بأسمه فى البنوك .... لاقينا كان بها .... مالاقيناش خلاص مالناش عنده حاجة
و مافيش حاجة اسمها مالتاش دعوة هو غسل الفلوس و لا لأ
احنا لو اتعملنا بالمنطق ده ....... نبقى فى منتهى السذاجة ..... و مش حنلاقى غير ملاليم
الأموال المهربة و المحولة لحسابات أخرى بأسماء أخرى او عن طريق شركات off-shore يمكن تتبعها وفى شركات متخصصة فى المجال ده
بس احنا يبقى عندنا ...... عزم حقيقى و نية صادقة
فى مبدأ مهم يا جماعة فى الموضوع ده
هو الراجل سرق و تربح ولا لأ ؟؟؟؟
لو مسكناه و هو سارق 1000 جنيه مثلا ...... لازم نبقى متأكدين انه سرق مليار لأن أموال مصر كلها كانت فى متناول ايده
اللى عنده مبدأ ان يسرق و هو متأكد ان مافيش حد ولا حيحاسبه ولا يراجعه ...... مش حيبقى قدامه لامبورجينى ..... و يقوم سارق 128
اه فعلا كوباية القصب. ممكن تخلي الواحد يفكر بشدة فالعرض.
اووووووووووووووووووووول ناس المفروض يسألو عن رأيهم في موضوع العفو ده هم اهالي الشهداء وكل صاحب عاهة او اصابة وبناء علي رايهم يتم اتخاذ القرار.
انما يطلع القرار والناس تخبط راسها فالحيطة وياكدة يامفيش يبقي كدة البلد هتولع تاني ومش هتهدي ( لمجرد تدخل خارجي في شئون داخلية لو فعلا بضغط من دول عربية ) او لمجرد مجاملة من اصحاب القرار الحاليين لشخص ؤؤتمن علي امانة ولم يحافظ عليها واهدرها بجانب زلها وزل شعب باكمله ومرضه وجوعه وافقره لمدة 30 سنة.
هي ده سيادة القانون والمساواة؟؟؟؟؟؟؟
مش بالكلام طلع دليل مادى يقدم لجهاز الكسب غير المشروع و أوراق تدينة فى المحكمة و تتقدم غير كدة فعلا مش حا يبقا للناس عندة حاجة .
المهم الفعل و الدليل مش بالكلام تقدر تثبت أنة غسل فلوس نقدم دليل ما قدرناس نثبت يبقى مالناش دعوة خلينا نتكلم على أرض الواقع لكن بالق و الكلام يبقى ساعتها الناس الى حا تبقى ساذجة و بتقول أى كلام مالهوش صحة و خالى من البراهين و الدلائل
مين قال انه بالكلام ...... بالدليل امال حساب مكتبة اسكندرية ده ايه ؟؟؟؟
و الفلوس اللى قالت سويسرا انها جمدتها دى ايه ؟؟؟؟
عايز تقنعنى انه سرق 200 او 300 مليون يا عينى بس ؟؟؟؟ و هو كان تحت ايده هو عيلته مليارات
مش بالكلام ..... بالشغل بالتحقيق بانتداب ناس متخصصة و ليها خبرة كبيرة فى مجال تتبع الأموال و فى شركات و وكالات كتير فى العالم بتعمل كده
شوف الكلام ده و انت تعرف قصدى ايه
http://www.shorouknews.com/.......Data.aspx?id=444122
رئيس مصر القادم أمامه مثال يحتذى به
يسرق زي ما هو عاوز ..
لو ماتمسكش أهو عايش ملك
لو إتمسك يرد جزء يسير و يطلع زي الباشا
و الشعب طيب و لذووذ
أنا متفق مع حضرتك يا أستاذ mr_vampire لأن شرط قبول الديه موافقة أهل المتوفى أو المصاب
ولقد شرع الله ذلك لأن من مات أو المصاب لن يستفيد هو أو أهل المتوفى من قتل أو حبس الفاعل ولكن مبلغ الديه سوف ينفع المصاب أو أولاده أو أهل متوفى والله أعلم
ودم الشهداء عند مين والله ربنا ماهيبارك لنا اذا قبلنا العفو عنة
لازم يتسجن والا لن تكون هناك كرامة للشعب المصرى مش عشان دول الخليج عايزة ميتسجنش يبقى نمشى طلبتهم عشان خاطر الفلوس احنا نكلها بملح ومنتزلش لحد والله ياجماعة انا مش عارف اوصفلكم طريقة المعاملة الحسنة اللى شفتها من الشعب السعودى بسبب الثورة بعد ماكانو بيعاملو المصريين على اساس انهم خدم المعاملة اتغيرت 180 درجة ولازم نفرق بين رغبت هذة الشعوب ورغبت حكمها
فيه ناس ممكن تقبل بالدية لان فعلا ظروفها المادية صعبة. بس الاكيد ان في ناس ولا مليارات الدنيا هتعوض اللي فقدوهم.
فلازم اصحاب القرار يتقو ربنا قبل مايطلعو قرارات ممكن تتسبب في شلل وحسرة وحرقة قلب اهالي الشهداء او صاحب عاهة او اصابة راضي بنصيبه علي امل ان ربنا ينتقمله من المسبب. انما يطلع من عقاب الدنيا لانه معاه فلوس وكماااااااااااااان سارقها مننا. يبقي حرام بجد بقي
قال مصدر مطلع بشرم الشيخ إن هناك زائرة غير معروفة يرجح أن تكون صحفية أو إعلامية قامت بزيارة للرئيس السابق مبارك فى غرفته رقم 309 بمستشفى شرم الشيخ بالطابق الثالث ليلة أمس.
وقال المصدر إنه يتوقع أن تكون الزائرة، بحسب المعلومات، محررة فى إحدى الصحف المستقلة المصرية، مشيرا إلى احتمال إجراء حوار مع مبارك يوضح فيه موقفه وآخر المستجدات على الساحة أو إجراء تسجيل صوتى له موجها إلى الشعب، للتعبير فيه عن اعتذاره وتنازله عن أمواله مقابل العفو عنه.
وانتشرت أنباء عن إحدى الصحف المستقلة أجرت حواراً معه مبارك وسينشر غداً، فى حين رفض مصدر رسمى بمستشفى شرم الشيخ التعليق على حقيقة الأمر، إلا أنه قال إن حالة مبارك مستقرة وطبيعية.
أهى فاقت اهية و دبت فيها الروح تانى و بقت زى الرهوان هههههههههههههه
................ منقول .......................
قالت مصادر مطلعة بمستشفى شرم الشيخ الدولى، اليوم، إن سوزان ثابت قرينة الرئيس السابق علمت بقرار الإفراج عنها، مما انعكس إيجاباً على حالتها الصحية.
وقال الدكتور محمد فتح الله، مدير عام المستشفى، إنها بالفعل علمت بالقرار، وربما من وسائل الإعلام، مشيرا إلى تحسن حالتها نسبيا.
ووفق مصادر مطلعة، فإن سوزان مبارك ما تزال فى غرفة العناية المركزة، وإنها تلقت اليوم اتصالات هاتفية وزارت غرفة مبارك القريبة منه بالطابق الثالث، ومكثت فيها بعض الوقت.
فيما تضاربت الأنباء عن قيام خديجة الجمال وهايدى راسخ بزيارتها وتهنئتها بقرار إخلاء سبيلها، بعد تنازلها عن ممتلكاتها.
ووفق مصدر مطلع، فإن سوزان مبارك كانت تلقت اتصالاً هاتفياً من أحد المحامين، أخبرها بقرار إخلاء سبيلها، مما أدى إلى حالة من التفاؤل بين أفراد العائلة.
معنى اننا نعفو عنه
يبقى نعفو ايضا عن كل من كانو معه
وهو ده العدل في النقطه دي
لكن العفو عنه هو ظلم لكل شعب مصر
تذكروا في بلدنا كام مليون مش لاقيين ياكلو
وكام مليون فقير
وافتكرو كام الف واحد كانوا بيدافعوا عن شرعيه فاسده
وكام الف واحد استفاد من الفساد
وكام الف واحد ظلموا ملايين ما بين قتل واعتقال وانتهاك لحقوقهم وكرامتهم
ووووووووووووووووووووووووو ووووووووووووووووووووووووو وووووو هقول ايه ولا ايه بس
العفو عنه ظلم لينا
وان عفونا عنه فأين العدل الذي أمرنا الله به
عاوزين نحط نفسنا مكانهم .. ونفكر بنفس منطقهم علشان نعرف حيتصرفوا ازاي .. أنا عن نفسي لو مكانهم .. حهرب اللي حقدر أهربه عند ناس ثقة .. واتفق مع ناس موثوق فيها وأحول فلوس باسمهم مقابل نسبة ....إلخ .. وأسيب كام مليون ولا حتى مليار أقدر اساوم بيهم الشعب وأقول أرجعهم مقابل العفو عني ..
والحل يبقى فيه ضغط عليه أن مفيش أمل من التصالح وبالتالي حيحط في دماغه أنه مش حيستفيد من الفلوس اللي هربها .. ونديله الأمل في التصالح تاني فيضطر يكشف عن فلوس تاني وهكذا .
أية مليونية 27 مايو دي كمان !!!!
علشان كدة لازم يتحاكم علشان يكون عبره للي حيجي بعده .. وموضوع المحاكمة ده مش علشان حق الشهداء والمصابين والكلام ده فقط .. وإنما علشان حق الشعب كله اللي اتسمم في أكله وشربه وفقره وهمومه .. بلاش العاطفة في أمور حساسة لا تقبل المساومة .
لو الفلوس مرجعتش مش مهم
المهم المحاكمة والقصاص هو ده الضمان ان اللي هيحكم بعد كده ميسرقش
............. منقول ................
أثار قرار المستشار عاصم الجوهرى مساعد وزير العدل لجهاز الكسب غير المشروع، اليوم ، بإخلاء سبيل سوزان مبارك زوجة الرئيس المخلوع بدون ضمان على ذمة التحقيقات فى واقعة تضخم ثروتها والحصول عليها بطريق الكسب غير المشروع، جدلا واسعا وتخوفا من أن يسهم الأمر فى تبرئة الكثير من قيادات النظام السابق.
وصرح المتحدث الرسمى باسم النيابة العامة، بأنه لا صحة لما نشر فى بعض المواقع الإلكترونية اليوم وعلى شبكة التواصل الاجتماعى "فيس بوك"، من أن النائب العام أصدر قراراً بإخلاء سبيل سوزان ثابت زوجة الرئيس السابق محمد حسنى مبارك.
وأوضح المتحدث الرسمى، فى بيان صحفى، أن النيابة العامة لم تجر مع زوجة الرئيس السابق أى تحقيقات ولم تصدر أى قرارات بحبسها أو إخلاء سبيلها، وأن إدارة الكسب غير المشروع بوزارة العدل هى التى تتولى التحقيقات معها.
ولفت مصدر قضائى مطلع، إلى أن قرار إخلاء السبيل، الخاص بسوزان مبارك "استثنائى"، نافياً تطبيقه على حالات أخرى، أو قيام أى من الشخصيات المتهمة فى قضايا بتقديم طلبات مماثلة، لافتاً إلى أن النائب العام المستشار الدكتور عبد المجيد محمود وافق رسمياً على طلب سوزان ثابت، باعتباره الجهة القانونية والقضائية التى أمرت بالتحفظ على أموال وأرصدة.
وكان المستشار عاصم الجوهرى قد أكد، فى مؤتمر صحفى اليوم، أنه واجه سوزان مبارك الجمعة الماضية بما أسفرت عنه التحريات الرقابية من امتلاكها فيلا وأرصدة بحسابات بنكية ، إلا أنها نفت ذلك وقررت أن الفيلا مملوكة لإحدى الجهات السيادية بالدولة وأن الأرصدة التى بحسابها غير مملوكة لها وأنها ملك للدولة باعتبارها زوجة الرئيس السابق، وأنها قائمة بالنشاط الخيرى الاجتماعى فى الدولة، وعندما تبين عدم صحة ما قالته أمر الجهاز بحبسها 15 يوما على ذمة التحقيقات نفاذا للسلطة القضائية كقرار احترازى.
وأضاف الجوهرى، أن محامى سوزان ثابت حضر اليوم إلى مقر الجهاز وقدم مذكرة ومستندات تفيد أن الفيلا غير مملوكة لها، وأنها ملك لإحدى الجهات السيادية، كما قدم توكيلا رسميا غير قابل للإلغاء باسم مساعد وزير العدل لشئون الكسب غير المشروع أو من ينوب عنه لتنازلها عن جميع أرصدتها فى جميع حساباتها السرية سواء كانت جارية أو ودائع أو توفير أو غير ذلك لصالح الدولة، متمثلة فى وزارة المالية، والتى تقدر بنحو 24 مليون جنيه، كما أقرت ووقعت بالموافقة على كشف عن جميع حساباتها بالداخل والخارج، الأمر الذى تكون معه ذمتها المالية غير مشغولة بكسب غير مشروع، وإلى حين ورود تحريات أخرى أو معلومات أو عقارات أو حسابات بالدولة أو الخارج، فإن جهاز الكسب غير المشروع قرر إخلاء سبيلها على ذمة التحقيقات كإجراء طبيعيى، بعد أن تبين انتفاء مبررات الحبس الاحتياطى كطلب لاحترام القانون وإعلاء العدالة.
أنا لا أقر الطريقة دي بعينها للتفاوض للكشف عن كل فلوسه وأرصدته .. ولكن بقولها على سبيل المثال .. وإذا كنت كدة كدة مش حطول كل الفلوس يبقى متعرضش لضغوط خارجية على حساب الشعب ، وفي الأخر أنا شايف أن مفيش أمل في استرداد كامل الفلوس .. يبقى الحل في الاقتباس التالي :-
في فرق أني أخد كل الثروات المنهوبة .. وأني أخد الفتات منها .. وجزئية أنه يطلع زي الشعرة من العجينة دي هو وأعوانه سواء بالقانون أو بغيره .. ساعتها يبقى قول يا رحمن يا رحيم على البلد من الثورات اللي حتقوم فيها تاني .
وبعدين يطلع ازاي يا باشا .. اوجدلي مبرر واحد كدة؟!
وعلى فكرة كل التكهنات في المواضيع دي ما هي إلا جس نبض للشارع في إمكانية العفو من عدمه .. وأظن النتيجة معروفة مسبقاً .
الايام حا تبين أية الى حا يحصل و يا خبر النهاردة بفلوس بكرة حا يبقى ببلاش .
أتمنى الحصول على كل الاموال المنهوبة دى الى حا تنفع البلد فى الفترة دى . يجيب الفلوس كلها
خبر منقول........................................ ..........
كشفت مصادر مطلعة لـ"بوابة الأهرام" أن الرئيس السابق حسنى مبارك، المحبوس على ذمة التحقيقات بمستشفى شرم الشيخ، قدم اليوم تنازلًا مكتوبًا عن كل ممتلكاته للدولة للتصرف فيها كيفما تشاء.
وقد ذهب موظف الشهر العقارى بالطور إلى مستشفى شرم صباح اليوم وقام بتوثيق التنازل، وذلك على غرار الخطوة التى قامت بها أمس حرمه سوزان ثابت.
وأكدت المصادر أن تنازل مبارك يهدف إلى الحصول على إخلاء سبيله، بعد التحقيقات التى يجريها معه جهاز الكسب غير المشروع منذ فترة، والتى أدت إلى تجديد حبسه 15 يوما،عدة مرات حتى الآن، خاصة أن تنازل زوجته أمس أدى إلى إخلاء سبيلها اليوم.
يذكر أن مبارك يواجه اتهامات أخرى بقتل المتظاهرين أثناء أحداث الثورة، والتسبب في الانفلات الأمنى.
طب شوفتم المقالة دى
.......... منقولة ..........
بالأمس تناقل المصريون عن مصادر صحفية خبر عن نية الرئيس المخلوع حسنى مبارك إلقاء خطاب اعتذار عن نفسه وعن أسرته خاصة حرمه سوزان ثابت عما يكون قد بدر منه من إساءة للشعب المصرى بسبب سوء تصرف ناجم عن نصيحة بعض مستشاريه، أو معلومات خاطئة تم رفعها إليه.
وأشارت المصادر إلى أنه من المتوقع أن يشمل الخطاب إبداء الرئيس السابق وزوجته الرغبة الأكيدة فى التنازل عن كل ممتلكاتهما لصالح الشعب المصرى، والرغبة فى أن يتذكر هذا الشعب "أن مبارك كان يومًا جنديًا محاربًا فى صفوف القوات المسلحة للدفاع عن الوطن، وأنه لم يكن يسعى أو يتوقع منصب الرئاسة وأنه سعى قدر استطاعته إلى تحمل أعباء هذا المنصب كما سعت زوجته إلى الإسهام فى الأعمال الخيرية برغبة منها فى خدمة المواطنين المصريين".
ولم تترك تلك الأنباء فى نفس المصريين سوى الغضب والاستنكار والرفض الممزوج بالسخرية كعادة المصريين فى توظيف سلاح السخرية فى انتقاداتهم لمواقف وأوضاع لا ترضيهم، واندفعت التعليقات الساخرة والرافضة لهذا الخطاب المزعوم على موقع تويتر للتواصل الاجتماعى وراح المصريون يتخيلون بعض الفقرات من هذا الخطاب تارة، ويرفضونه ساخرين منه تارة أخرى.
واقتبس عدد كبير منهم بعض الأبيات من قصيدة "لا تصالح" للشاعر الكبير أمل دنقل لتكون ردا له على الخطاب، كما أجمع عدد كبير منهم أنه مع محاكمة مبارك وعائلته واسترداد أموال مصر المنهوبة، مؤكدين أن أى اعتذار لن يعيد شهداء الثورة للحياة من جديد لأن هذا هو الشرط الوحيد الذى من شأنه أن يجعل اعتذاره مقبولا، فى إشارة تعجيزية لمبارك تعبيرا عن رفضهم لاعتذاره.
كما اعتبر البعض ما وصفوه بالتباطؤ والتأخير فى إجراءات نقل مبارك ووزوجته إلى السجن حتى الآن لأسباب صحية مؤشرا على عدم النية فى محاكمته وتمهيدا للعفو عنه، وهو ما أثار غضب الكثيرين بعد سماعهم الأنباء حول طلب مبارك للعفو والاعتذار، ومن أبرز تعليقاتهم التى حاولوا من خلالها تخيل محتوى خطاب الاعتذار مايلى:
- أيها الإخوة والأخوات.. إنه ليحز فى نفسي تحيركم فى اختيار مرشحكم للرئاسة وآسف على ترككم فى هذا المأزق لذا سوف أعود لكم من جديد لاختار لكم.
- مبارك: أنا كنت جزء من النظام لما كنت مطلع عينكم.. مصر بتتغير وأنا كمان.
- أيها الإخوة المواطنون.. لقد قتلت واتقتلت من أجل هذا البلد فعادى يعنى أموّت كام شاب كده ما أنا خبرة بقى.
- أيها الإخوة المواطنون انتوا فهمتونى غلط، أنا كنت بحوّش لكم فلوسكم لانكم شعب مسرف مسرف وأديكم هتاخدوها كلها .. عاوزين إيه تانى بقى سيبونى أربي العيلين اللى حيلتى.
- يحز فى نفسي ما ألاقيه من شهداء بنى وطنى اللى ميتعدوش.
- أيها المواطن إن حياتى أنا وأبنائي وزوجتى كانت "من أجلك أنت".
- شعبي الحبيب المهاود ادونى فرصة أصلح اللى عملته فى 30 سنة فاتت فى الـ 30 سنة اللى جاية.
كما أتت تعليقاتهم رافضة لمبدأ الاعتذار إلا أنها لم تخل فى مجملها من خفة الدم المصرية المعتادة ومن أبرزها:
- لا تصالح.. لا أسف ينفع ولا فلوس تشفع.
- احنا نقتل جمال ونحرق علاء ونسحل سوزان ونغرق أحفادك فى عبارة، ونعتذرلك لو قبلت اعتذارنا هنقبل اعتذارك.
- أنا شخصيا هاقبل اعتذارك بس انت تنزل ميدان مصطفى محمود وتلم الناس حواليك وتقول: أنا آسف يا شعب.. وسيب الشعب "يتسامح معاك" بطريقته بقى.
- مصيبة لتكون طالع تعملنا إعلان "مصر بتتغير وأنا كمان" يا بعيد.
- فى انتظار عرض الفيلم الرومانسي خدوا فلوسي وسيبوا لى سوزى.
- خطاب اعتذار.. ده قمة الاستخفاف بالشعب وثورته أتاريهم عمالين كل شوية يأجلوا نقله هو ومراته للسجن، بيمهدوا للعفو عنه.. كدة بقى مش هيكفينا مليونية دى هتبقى ثورة تانية.. أنا نازل يوم 27 مايو.
- هرفع قضية على أى قناة تليفزيونية لو ذاعت أى حديث مع قاتلى أبناء هذا الوطن، المفروض إنه محبوس، إزاى يدلى بأحاديث زى ده ولا ده حبس شكلى وصورى وبيضحك علينا؟.
- أنا ممكن أقبل اعتذار مبارك فى حالة واحدة بس.. لو رجع لنا الشهداء أحياء.
- مبارك هيسجل رقم قياسي في تاريخ رئيس مخلوع بيعمل خطابات بعد ما يتخلع.
- فيلم اعتذار مبارك دا لو كمل هيبقي أكبر مقلب شربوا الشعب المصري في تاريخه وهنبقى الشعب اللى اشترى التروماى.
-لا تصالحْ! ولو منحوك الذهبْ أترى حين أفقأ عينيكَ ثم أثبت جوهرتين مكانهما..هل ترى..؟ هي أشياء لا تشترى.
-لو مبارك يعرف تأثير خطاباته على تحديد النسل مكنش بطل خطابات وهو رئيس.
- مبارك : بعد التليفزيون والتسجيلات ..انتظروا مدونتى الخاصة "هفقعك يا شعبي"
- لو ده حصل أى حرامى بعد كدة يتمسك فى بر مصر كله القاضى يخليه يعتذر ويتنازل عن كام مليون ويسيبه .
- لا تصالح الاعتذار ده كارت جديد فى لعبة الثورة المضادة وإذا تم بكرة بقى باقى الشلة تعتذر لنا وتتنازل عن فلوسها وتطالب إنها ماتتحاكمش ونلاقى سرور وصفوت وعزمى وعز طالبين يعتذروا هم كمان ..المسألة أكبر من فلوسهم ده دم شهداء ومش هيوازيه غير الدم أمال ربنا سمح لنا بالقصاص ليه.
- مبارك مش بتاع طره وزنزانات ..مبارك بتاع خطابات.
- خلاص هو يطلع الخطاب واحنا نحضر الجزم ولا ناسي ميدان التحرير وخطاباته اللى ذل أهالينا بيها عشان يتنيل يتنحى.
- تجنباً لأي مضاعفات جانبية خلال سماع خطاب مبارك، يرجى على الاخوة المواطنين أخذ الحيطة والحذر والبقاء قريبا من الحمام.
- خطاب مبارك يأتيكم تحت رعاية جمعية أطباء الضغط والسكر والقلب والمرارة .
- لا بقى، الظاهر مبارك حالف ليفسحنا فى شرم الشيخ يا ولاد.. ياللا كله يحضر المايوهات والعوامات.
- يابخت الدكاتره.. بعد خطاب مبارك الضغط والسكر والسكتات القلبية والعنايات المركزة هتشتغل عنب.
- المليونية الجاية هتبقى على كراسي متحركة.. مليونية الشلل الجماعى من خطاب مبارك.
- مش مسامحك يا ريس من أول ارتفاع سعر لترين البيبسي لحد قطع النت ودم الشهداء.
وعلى صفحة" كلنا خالد سعيد " دار جدل حول مسألة قبول الاعتذار أو رفضه بين أعضاء الصفحة حيث طالب البعض بالعفو عن مبارك بشرط التنازل عن كل أمواله تقديرا لتاريخه إلا أنهم قوبلوا بهجوم من غالبية الأعضاء الذين أيدوا تطبيق القانون واحترام سيادته من أجل دماء الشهداء وتحقيق العدالة .
حيث علق ياسر "التسامح مع المخلوع وعائلته هو دعوة صريحة لأي رئيس قادم لمصر أن يظلم ويقتل ويسرق وينهب وينشر الفتن ويرعي الفساد ويطغي كما يشاء وفي النهاية يقدم إعتذارًا ويخرج منها سليمًا معافي ليستنتع بالأموال التي لن يصل إليها أحد مثل المليارات التي هُربت إلي السعودية" وأيده محمود " المفروض ان احنا فى دولة قانون واللى يغلط يأخذ جزاؤه وكده كده الفلوس المسروقة هترجع ولو بعد طول انتظار.. لن نقبل الإعتذار لأنه خيانة للثورة والشهداء".
وقال عمرو "يبقى معنى كدة ان كل حرامى او قاتل او فاسد يعتذر للناس ولا اشمعنى هو !! لا طبعا المبدأ من الاساس مرفوض"و استنكر أبو الدهب" اعتذار على ايه ولا ايه ولا ايه.. ده عاوز عمر قد عمره ومش هيكفى اعتذار، نريد ان نرى هذا الرجل الخائن على حبل المشنقة لانه يستحق ذلك بالفعل، قاتل مخرب سارق خائن للوطن، ناهب لثرواته، متستر على فساد أغرق مصر فى الظلام، اتقوا الله اعتذار ايه يا عالم".
وأضاف محمد "شوفو اليهود حبسوا الرئيس بتاعهم عشان عاكس واحده ست ويحترمو قوانينهم، اما إحنا ماشين بالعواطف نطبق القانون على الضعفاء. ونسامح الأقوياء".
بينما علق عماد "معندكوش رحمة؟ المسامح كريم، ربنا بيسامح إحنا مش هنسامح؟ هوة فى ايه خربتو البلد، حسبى الله ونعم الوكيل، الناس مش لاقية تأكل" واتفق معه محمد"هذا الكلام يصب في خانة الثورة المضادة لاستعطاف الشعب المعروف بتعاطفه لو اعتذر حقيقي يرد كل الأموال اللي نهبها هو وأولاده ويرشد عن باقي أفراد العصابة وبعدها ممكن نقبل اعتذاره"، وأضاف خالد "العفو عند المقدره من شيم الكرام".
وكانت صفحة "كلنا خالد سعيد" قد أجرت استطلاعا لرأى الأعضاء بها حول قبولهم أو رفضهم لاعتذار الرئيس المخلوع حسنى مبارك وطلبه العفو، وقد حصد رفض الاعتذار أعلى نسبة من الأصوات بواقع 23576 صوتا فى مقابل 4390 أعلنوا عن قبولهم الإعتذار بينما قرر 6943 إرجاء قرارهم لبعد سماع الخطاب الذى سيدلى به مبارك أولا.