مبارك يعتذر للشعب ويطلب العفو.. في خطاب متوقع . أية النظام

**hobiko** · 18-05-2011 10:40 AM

المشاركة الأصلية كتبت بواسطة heshamzaky

ببساطة شديدة مش مقالات مكتوبة فى الجرائد لآ مستندات تتحط و تتعمل فى حافظة الاوراق المقدمة للمحكمة ز يعنى ورق رسمى يتحط فى ملف القضية و بعد كدة نشيلهالة رسمى

على فكرة ده مش مقال ...... ده حديث مع أستاذ القانون الدولى بجامعة عين شمس، وعضو اللجنة القانونية لاسترداد أموال مصر فى الخارج، حسام عيسى، فى حواره مع «الشروق»..

يعنى كلامه ليه مصداقية و اساس .....

ياريت تقرا الحديث

المشاركة الأصلية كتبت بواسطة ziabassem

والحل يبقى فيه ضغط عليه أن مفيش أمل من التصالح وبالتالي حيحط في دماغه أنه مش حيستفيد من الفلوس اللي هربها .. ونديله الأمل في التصالح تاني فيضطر يكشف عن فلوس تاني وهكذا .

المشاركة الأصلية كتبت بواسطة heshamzaky

كعلش التساوم و التفاوض مش كدة فية حاجات كتير جدا مش بالطريقة دى التفاوض دة فن و خبرة على فكرة أنت حا تحبسة و مش حا تطول مليم . بالبلدى أنت الى عاوز الفلوس هو خلاص حسن الختام يعنى أنت الى خسران مش هوة

معلش اللى قاله ziabassem فعلا واحد من NEGOTIATION TACTICS و اسمه The Bogey Offer

المشاركة الأصلية كتبت بواسطة heshamzaky

طبعا الكلام واضح الجيش كدة أجتمع و رفض بس دة معناة مش بالترجمة الحرفية دة لة معانى كثيرة
كل التقدير و الاحترام لرجال الجيش . بس تفسير الكلمة دى ممكن تحمل كذا معنى بس تفسيرها أنة رفض مساندة قوات الشرطة الزبالة و أنحاز للشعب المصرى و دة كان قرار ممتاز و صح جدا غير كدة كان القصة أخدت ابعاد أخرى

معلش مش فاهم ....... يعنى انت شايف انه جاتله اوامر بالتدخل العنيف و اطلاق النار و بعد كده هو رفض ولا لأ ؟؟؟؟

**madyyuri** · 18-05-2011 02:49 PM

المشاركة الأصلية كتبت بواسطة hobiko

معلش مش فاهم ....... يعنى انت شايف انه جاتله اوامر بالتدخل العنيف و اطلاق النار و بعد كده هو رفض ولا لأ ؟؟؟؟

قناعتي انه الامر صدر فعلا بضرب المتظاهرين بالنار وانهاء الثورة بأي شكل

الجيش هو اللي رفض يضرب

ويا خبر بفلوس بعد شهر 12 هيبقي ببلاش

**otefa** · 19-05-2011 12:17 AM

النيابة العسكرية تحقق مع "عمرو خفاجى" فى خبر العفو عن مبارك

الأربعاء، 18 مايو 2011 - 22:15
عمرو خفاجى رئيس تحرير الشروق
كتب محمد عبد العظيم

قررت النيابة العسكرية استدعاء عمرو خفاجى رئيس تحرير الشروق و2 من الصحفيين بالجريدة، على خلفية خبر نشرته الشروق عن العفو عن الرئيس السابق حسنى مبارك.

وذكرت الإعلامية لبنى عسل مقدمة برنامج "الحياة اليوم" على قناة الحياة، خبراً عاجلاً عن التحقيق مع خفاجى، مضيفة أن المجلس الأعلى للقوات المسلحة قد أصدر بياناً نفى فيه العفو عن مبارك وأسرته.

**sara2001** · 19-05-2011 02:03 AM

هي جريدة الشروق كانت مصدر الخبر اللي اتنشر في كل المواقع الإخباريه والقنوات؟

**hossam20102010** · 19-05-2011 02:23 AM

عفو ايه واعتذار ايه ................يا راجل كبر مخك

اعداااااااااااااااااام

**heshamzaky** · 19-05-2011 02:46 AM

الجيش مش حا يعفو عنة لو طلع مذنب . موضوع الاعتذار برضو شكلة فشنك الراجل دة عنيد جدا بجد .
......................... منقول ...............................
نفى المجلس الأعلى للقوات المسلحة صحة ما نشر فى وسائل الإعلام عن اتجاه المجلس للعفو عن الرئيس السابق محمد حسنى مبارك وأسرته، مؤكداً أن ما نشر فى هذا الشأن لا علاقة له بالمجلس الأعلى للقوات المسلحة.

وأضاف المجلس الأعلى القوات المسلحة، فى رسالته رقم 54 على صفحته على "الفيس بوك"، أن المجلس لا يتدخل بصورة أو بأخرى فى الإجراءات القانونية الخاصة بمحاسبة رموز النظام السابق، وأن هذه الإجراءات خاضعة للقضاء المصرى العظيم، مشدداً على أهمية الحذر الشديد من الأخبار والشائعات المغرضة التى تهدف إلى إحداث الانقسام والوقيعة بين الشعب ودرعه الذى لا يمكن فصلهما أبداً.

ونبه المجلس إلى عدم مسئوليته عما يتم نشره فى وسائل الإعلام وينسب لأعضائه، وأن المجلس مسئول فقط عن التصريحات المباشرة والصريحة التى يتم بثها مباشرة بواسطة أعضائه على وسائل الإعلام المختلفة، أو ما يتم نشره على الصفحة الرسمية للمجلس الأعلى على موقع التواصل الاجتماعى Facebook.

وأهاب المجلس الأعلى بكافة وسائل الإعلام عدم الزج باسمه أو بأى من أعضائه فى تداول مثل هذه الأخبار فى هذه المرحلة الدقيقة من تاريخ البلاد.