تحذير من اتصال من مجهولين

السلام عليكم ورحمة الله وبركاتة
انا حبيت اوعي الاخوة الافاضل الي هنا الي معنا في المنتدي وياريت كلنا نوعي بعض لي ان البلد ريحة في اتجاه خطير وربنا يستر البلد بقت كلها بلطجية وحرمية وبقت قلة ادب والله المشكلة ان الناس كلها المجرمة حسة ان مافيش رقيب وكمان الشعب المصري يوم بعد يوم يثبت لي ان الأصلح هو حسني مبارك وحبيب العدلي لهذا الشعب الذي يعترف بمعني الحرية هيا البلطجة هيا اني اضرب ظابط او أحرق اقسام ولو مسكوني محدش يكلمني اصلة مزاجي هو دة الشعب المصري شوفة دلوقتي الناس في الموصلات مش طيقة بعض ولا علي الطريق لو حد خد من امامك غرزة تلقي السواق التاني نزل يتخانق معاه بقت حاجة عجيبة البلد كلها بقت فتوات امال مين الي هينضرب :grin54:
المهم الموضوع ياجماعة يتلخص وانا سايق العربية ورايح مشوار مع ولدتي وخالتي جالي تيلفون :::: الو السلام عليكم : انا وعليكم السلام ورحمة الله وبركاتة مين معايه
المجهول: معاك يافندم سنترال من الفيوم
أنا : طيب اتفضل نعم
المجهول : انا حولت لحضرتك رصيد بي الغلط علي نمرتك
أنا : تمام حولت كام
المجهول : 10 جنية يافندم
أنا : تمام معلش انا علشان مبعرفش احول رصيد ممكن تقولي الخطوات ازاي
المجهول : قالي علي الخطوات
أنا : تمام انا ان شاء الله اول ما انزل من السيارة هبعت لك الرصيد ولو معرفتش هروح احولة ليك
المجهول : جزاك الله كل
المهم بعد انتهاء المكلمة اعطيت الهاتف لي ولدتي واديتها الطريقة ازاي تبعت المهم عملنا الخطوات وكانت صحيحة اتفاجئ لايصلح ارسال مبلغ 10 جنية رصيدك غير كافي استغربت انا كان معاية 5 جنية متبقية في الموبيل بلاش كسوف بقا :0002014A:
المهم شوية واتبعت ليه رسالة بوصول الرصيد ملعوبة ايه صح المهم نفس الكلام الي بتتبعت بي الظبط في اي رسالة لما يتحول لك رصيد بس المشكلة انه مكنش ناصح بي الدرجة الكافية المفروض الرسالة بتاعت الرصيد بتيجي مكتوب عليها من برة اربع ارقام لي انها بتكون جية من الشركة وجوة الرسالة الرقم الي مبعوت منه الرصيد لكن هو كان رقمة علي الرسالة من برة وكمان هو بعتلي رسالة الرصيد علي اساس انها رسالة عدية فكانت شبه رسائل الرصيد بي الظبط المهم استعلمت عن الرصيد ولا وجود لي مبلغ 10 جنيها ت نهائي حتا وقتنا هذا اتصل بيا كنسلت عليه واتصلت انا : نعم علي فكرة الرصيد موصلش
المجهول : طيب حضرتك اتصل بي الشركة استعلم الرصيد موصلكش لية
أنا : ان شاء الله سلام
المجهول : سلام
الشعب المصري متفنن نصب انا عرفت ليه الدول الخليجية بتخاف مننا نصبين درجة اولي ممكن نسرقق جوة الحلم الحرامي المصري ممكن يسرق الهواء الحرامي المصري متفنن في كل شيئ
مصر مطلعتش زويل فقط ولا ولا دي طلعت حرامية
وياريت نشوف الايد الي هتضرب من حديد لي ان البلد مولد وصاحبة غايب ارجع ياعدلي البلد دي من غيرك سيبة كنت ظبط الناس زي الساعة وعلي فكرة انا كنت قاعد مع واحد زميلي ظابط قاله ليه كلمة وانا كنت الاول معترض معاه الكلام دة بعد الثورة قالي الشعب المصري ده عامل زي المسمار ان مكنتش تخبطة علي دماغة ميسلكش في الخشب
صدق والله

???????????????

هي الحاجات دي مكنتش بتحصل قبل الثورة !!! ولا ظهرت فجأة بعد الثورة لما العادلي اتحبس وهو اللي كان لاممهم .

ومنطق صاحبك ظابط الشرطة ده .. هو اللي مخلي الداخلية لغاية دلوقتي متنزلش بشكل جدي .. وكأن لسان حالهم يا أنزل بالطريقة اللي أنا عاوزها يا أما مش لاعب وأولعوا بجاز .. لك الله يا مصر .. واللهم أجعل كيد أعدائك في نحورهم .

اقتباس:

---

المشاركة الأصلية كتبت بواسطة wassof

المهم استعلمت عن الرصيد ولا وجود لي مبلغ 10 جنيها ت نهائي حتا وقتنا هذا اتصل بيا كنسلت عليه واتصلت انا : نعم علي فكرة الرصيد موصلش
المجهول : طيب حضرتك اتصل بي الشركة استعلم الرصيد موصلكش لية
أنا : ان شاء الله سلام
المجهول : سلام

---

معلهش مش فاهم الحته دى:oops1:

اقتباس:

---

المشاركة الأصلية كتبت بواسطة ziabassem

???????????????

هي الحاجات دي مكنتش بتحصل قبل الثورة !!! ولا ظهرت فجأة بعد الثورة لما العادلي اتحبس وهو اللي كان لاممهم .

ومنطق صاحبك ظابط الشرطة ده .. هو اللي مخلي الداخلية لغاية دلوقتي متنزلش بشكل جدي .. وكأن لسان حالهم يا أنزل بالطريقة اللي أنا عاوزها يا أما مش لاعب وأولعوا بجاز .. لك الله يا مصر .. واللهم أجعل كيد أعدائك في نحورهم .

---

ياباشا مش الفكرة بس البلد كنت تحس انها أمان عن دلوقتي دلوقتي مولد وصحبة غايب
وكل الي عايز يعمل حاجة بيعملها اما منطق صحبي فا انا اقتنعت 100%
ممكن حضرتك تقولي انتا شايف الناس دلوقتي عاملة ازاي هل هيا بتبطق الحرية السليمة ؟
هل الناس دي خايفة علي بلدها ؟
المشكلة ان في حالة هرج ومرج مش هقول اكتر من كده

اقتباس:

---

المشاركة الأصلية كتبت بواسطة magid1010

معلهش مش فاهم الحته دى:oops1:

---

يعني سيادتك انا ضربت الرقم *868*1# وعرفت رصيدي كام ماشفتش خالص اي 10 جنية وصلت ليه يعني رصيدي كما هو

يا اخوانا ده القسم العام لمنتدى سيارات مش القسم الاجتماعي
رجاء الالتزام باماكن فتح الموضوعات حفاظا على شكل المنتدى

حصل معايا كذا مرة قبل الثورة

نصاب فاشل اووي وانت كنت هاتقع فيها :d
عموما النصابين بيتفننوا في اي طريقه بس دا بجد غبي اووي

اقتباس:

---

المشاركة الأصلية كتبت بواسطة wassof

ياباشا مش الفكرة بس البلد كنت تحس انها أمان عن دلوقتي دلوقتي مولد وصحبة غايب
وكل الي عايز يعمل حاجة بيعملها اما منطق صحبي فا انا اقتنعت 100%
ممكن حضرتك تقولي انتا شايف الناس دلوقتي عاملة ازاي هل هيا بتبطق الحرية السليمة ؟
هل الناس دي خايفة علي بلدها ؟
المشكلة ان في حالة هرج ومرج مش هقول اكتر من كده

---

اللي أنا عاوز أوصله لحضرتك أن الجرائم اللي بتحصل هي هي سواء قبل أو بعد الثورة .. وعلى فكرة نفس اللي حصل معاك بالظبط حصل معايا من فترة طويلة وحصل تاني بشكل أخر ومحكم في الموضوع ده :
http://www.nilemotors.net/Nile/101395-a.html

بس اللي يفرق هو التركيز عليها وتضخيمها اعلامياً كأن الثورة هي اللي أفرزت النماذج دي .. سواء عن قصد (زي ما كان بيحصل في وسائل الاعلام لترويع الناس) أو بدون قصد .. والتركيز عليها ده راجع لسببين من وجهة نظري أولهم هو التوقع بتغير السلوكيات بعد الثورة (وده صعب يحصل في يوم وليلة لأن المجرم أو النصاب هو هو مهما تغيرت الأوضاع من حواليه) وثانيهم هو الانفلات الأمني وهروب الكثير من المساجين وكذلك فرض البلطجية لسطوتهم بين الناس سواء بدافع شخصي أو مأجورين من فئة معروفة للجميع لتوصيل رسالة معينة .

أما بالنسبة للهرج والمرج اللي حاصل بصفة عامة في حياتنا فده بسبب أن الناس كانت عايشه في قمقم مكبوته وخرجت منه .. وهو مرفوض تماماً وحيروح بمجرد الاستقرار السياسي والاقتصادي .

وأنا متفق مع حضرتك أن الناس مبتطبقش الحرية بشكل سليم .. أو بمعنى أخر اللي بيطبقها نسبة صغيرة .. وإن شاء الله الأمور تتحسن للأفضل .. ومش عاوزين ننسى أن الأوضاع دي ظهرت من 4 أشهر فقط .. ولسه حوالي سنة كمان عقبال ما الناس تعرف طعم الاستقرار بشكل فعلي .. أما منطق صاحبك فهو ينفع فقط مع المجرمين واللي على شاكلتهم .. وغير كدة فهو مرفوض تماماً .

اسلوب غير لائق في عرض الموضوع وفيه اتهام عام للشعب المصري ومش عايز اكرر الأتهامات المكتوبه

لكن اللي عايز اقوله ان الشعب المصري هو اعظم شعب في العالم بشهادة القرآن (خير اجناد الأرض) وبشهادة العالم المتحضر بعد الثورة المصرية المجيدة

اقتباس:

---

المشاركة الأصلية كتبت بواسطة karim_monir

يا اخوانا ده القسم العام لمنتدى سيارات مش القسم الاجتماعي
رجاء الالتزام باماكن فتح الموضوعات حفاظا على شكل المنتدى

---

أنا اسف يا أستاذ كريم معلش اصل القسم دة من اكثر الأقسام نشاطآ ربنا يكرم
وعلي العموم حصل خير والمرة القادمة هاخد بالي جدآآآ وممكن حضرتك تنقلة موقعة المناسب
وتقبل تحياتي

اقتباس:

---

المشاركة الأصلية كتبت بواسطة sanhory

حصل معايا كذا مرة قبل الثورة

---

بس لي الاسف في اشياء كتير بتحصل الايام دي اكتر من اي وقت تاني

اقتباس:

---

المشاركة الأصلية كتبت بواسطة modo88

نصاب فاشل اووي وانت كنت هاتقع فيها :d
عموما النصابين بيتفننوا في اي طريقه بس دا بجد غبي اووي

---

أنا لو كنت شربتها مكنتش هسامح نفسي والله العظيم كان ممكن يجرالي حاجة مش علي 10 جنية او حاجة انا نوع من انواع الناس لما بحس ان حد ضحك عليا بيحصل جواية غل ممكن عمرة يتوقف سعتها اعملة استوب هههههههههههه
هو غبي غبي يعني وكمان انا مخدتش بالي لي اني كنت سايق العربية فا منتبه في الطريق اكثر من الموبيل بس لما شفت الرسالة بعد ما وصلت ونزلت من العربية عرفت انه غبي فشخ او ردم او موت زي ماتحب تقول انا معايه 5 جنية المفروض لما يقولي قام الرقم كذا كذا بي ارسال المبلغ 10 جنية رصيد ورصيدك الأن هو 15 لكن رصيدي هو 10 جنية علي كلام الرسالة الهبلة الي بعتها هههههههههههههههههههههههه

اقتباس:

---

المشاركة الأصلية كتبت بواسطة ziabassem

اللي أنا عاوز أوصله لحضرتك أن الجرائم اللي بتحصل هي هي سواء قبل أو بعد الثورة .. وعلى فكرة نفس اللي حصل معاك بالظبط حصل معايا من فترة طويلة وحصل تاني بشكل أخر ومحكم في الموضوع ده :
http://www.nilemotors.net/nile/101395-a.html

بس اللي يفرق هو التركيز عليها وتضخيمها اعلامياً كأن الثورة هي اللي أفرزت النماذج دي .. سواء عن قصد (زي ما كان بيحصل في وسائل الاعلام لترويع الناس) أو بدون قصد .. والتركيز عليها ده راجع لسببين من وجهة نظري أولهم هو التوقع بتغير السلوكيات بعد الثورة (وده صعب يحصل في يوم وليلة لأن المجرم أو النصاب هو هو مهما تغيرت الأوضاع من حواليه) وثانيهم هو الانفلات الأمني وهروب الكثير من المساجين وكذلك فرض البلطجية لسطوتهم بين الناس سواء بدافع شخصي أو مأجورين من فئة معروفة للجميع لتوصيل رسالة معينة .

أما بالنسبة للهرج والمرج اللي حاصل بصفة عامة في حياتنا فده بسبب أن الناس كانت عايشه في قمقم مكبوته وخرجت منه .. وهو مرفوض تماماً وحيروح بمجرد الاستقرار السياسي والاقتصادي .

وأنا متفق مع حضرتك أن الناس مبتطبقش الحرية بشكل سليم .. أو بمعنى أخر اللي بيطبقها نسبة صغيرة .. وإن شاء الله الأمور تتحسن للأفضل .. ومش عاوزين ننسى أن الأوضاع دي ظهرت من 4 أشهر فقط .. ولسه حوالي سنة كمان عقبال ما الناس تعرف طعم الاستقرار بشكل فعلي .. أما منطق صاحبك فهو ينفع فقط مع المجرمين واللي على شاكلتهم .. وغير كدة فهو مرفوض تماماً .

---

تمام ياباشا وجه نظر محترمة وكلام حضرتك جميل جدآآآ وانا بس عايز اقول لحضرتك شيئ انا مش ضدد الثورة بس انا حاسس ان الشعب المصري ده عامل زي قوم لوط لزم ربنا يبدلهم بي ناس اخري علشان حال البلد دي تنصلح مش اكتر

اقتباس:

---

المشاركة الأصلية كتبت بواسطة kh_talaat

اسلوب غير لائق في عرض الموضوع وفيه اتهام عام للشعب المصري ومش عايز اكرر الأتهامات المكتوبه

لكن اللي عايز اقوله ان الشعب المصري هو اعظم شعب في العالم بشهادة القرآن (خير اجناد الأرض) وبشهادة العالم المتحضر بعد الثورة المصرية المجيدة

---

بص ياباشا احنا لزم نعترف ان الشعب المصري اغلبية عظمة فيه فهو فرعون تمام انا طبعآ بحب مصر وبموت في مصر
واكيد طبعآ خير جنود الارض هو الجندي المصري بس المشكلة ان الناس في غيبوبة وبتضيع مصر
يعني معلش لو حد هجم لقدر الله علي بيتك هتطلع تقول الشعب ده اعظم شعب لو هو اعظم شعب مانسكت بقا شوية ونسيب البلد تقف علي حيالها بدل ما الكل هيسرق من بعضة رغيف العيش يعني انا سمعت ان أحنا بنستعمل المخزون وده حرام يعني هيخلص بسرعة وبعد كده مش هنلقي حاجة سعتها الكل هيقول اكتر مني

اقتباس:

---

المشاركة الأصلية كتبت بواسطة ziabassem

???????????????

هي الحاجات دي مكنتش بتحصل قبل الثورة !!! ولا ظهرت فجأة بعد الثورة لما العادلي اتحبس وهو اللي كان لاممهم .

ومنطق صاحبك ظابط الشرطة ده .. هو اللي مخلي الداخلية لغاية دلوقتي متنزلش بشكل جدي .. وكأن لسان حالهم يا أنزل بالطريقة اللي أنا عاوزها يا أما مش لاعب وأولعوا بجاز .. لك الله يا مصر .. واللهم أجعل كيد أعدائك في نحورهم .

---

بالظبط كده ده الكلام الي عايز اقوله

هو كل حاجة تحصل تربطو بينها و بين الثورة !! ليه فيه ناس كل ما حاجة تحصل يقوقلو هما دول شباب الثورة !!!؟

محسسنى ان زمن مبارك كان الامن و الامان 100 على 10 !! فى اى وقت كنا بنسمع عن نصب و قتل و سرقة و كل حاجة !!

معاك ان البلطجة زادت و السرقة بس لا حرية بدون انياب !! وديه مسألة وقت مش اكتر و كل حااجة هترجع احسن من الاول !!! و بلاش الربط بين الثورة و اى حاجة تحصل !!!




و جزاك الله خير على تنبيهك !

اقتباس:

---

المشاركة الأصلية كتبت بواسطة wassof

انا حاسس ان الشعب المصري ده عامل زي قوم لوط لزم ربنا يبدلهم بي ناس اخري علشان حال البلد دي تنصلح مش اكتر

---

أولاً الشعب المصري مش يهود علشان يقرفوا الرسل اللي ربنا أرسلهم ليهم ولا هما قوم لوط زي ما بتقول .. وإنما بالفعل شعب عظيم جداً وصاحب حضارة وجبار ويعمل من الفسيخ شربات زي ما بيقولوا .

ثانياً .. شعب بقاله أكثر من 30 سنة بيتسرق وبيتسمم وبيتحرق وبيغرق وطالع عينه لازم سلوكياته تتغير وفقاً للأجواء المحيطة بيه من سرقة وفساد .. يعني متقوليش أني أعيشك في ظروف منيله وأجي أطلب منك في يوم وليله أنك تكون راجل هادي الطباع ومنضبط سلوكياً وارستقراط .

ثالثاً .. أكبر مشكلة أنا شايفها بيعاني منها الشعب من المرحلة السابقة هي "الجهل" اللي كان متعمد لسهولة السيطرة على الشعب لو هو جاهل .. فأنا لو جاهل حصدق الاشاعات بسهولة .. وأنا لو جاهل حنساق وراء مصالح مؤقتة وليست دائمة .. وأنا لو جاهل حقول يلا نفسي وماليش دعوة بغيري .. أنا لو جاهل .........إلخ

المقصود بالجهل هنا مش الجهل بالقراءة والكتابة فقط .. وإنما عدم الوعي بالمواقف اللي حواليا في شتى المجالات .

أنا متفق معاك في نقطة واحدة وهي تبديل الشعب .. بس مش بشعب تاني وإنما بنفس الشعب .. عارف ازاي ؟!!

لو طبقنا التعليم والتغذية والسلوكيات الصح على الأطفال اللي لسه مولودين دلوقتي .. وشوف بعد 40 سنة الشعب ده حيبقى عامل ازاي لما الطفل اللي لسه مولود دلوقتي يتولى قيادة البلد .. ومش عاوزك تستكتر 40 سنة لأنها في عمر الشعوب والأمم ولا حاجة .. وإكيد في خلال الفترة دي حتلاقي الدنيا بتتغير للأحسن بالتدريج .

اقتباس:

---

المشاركة الأصلية كتبت بواسطة a_hmed

هو كل حاجة تحصل تربطو بينها و بين الثورة !! ليه فيه ناس كل ما حاجة تحصل يقوقلو هما دول شباب الثورة !!!؟

محسسنى ان زمن مبارك كان الامن و الامان 100 على 10 !! فى اى وقت كنا بنسمع عن نصب و قتل و سرقة و كل حاجة !!

معاك ان البلطجة زادت و السرقة بس لا حرية بدون انياب !! وديه مسألة وقت مش اكتر و كل حااجة هترجع احسن من الاول !!! و بلاش الربط بين الثورة و اى حاجة تحصل !!!




و جزاك الله خير على تنبيهك !

---

ياباشا انا لا ربط بين ثورة ولا مثورتش ولا قولت عايز حسني ولا حاجة انا كل الي قولتة ان الشعب دة باين عليه مش فاهم حرية والحرية بتاعتة بلطجة وقولت شكل حسني هو الي كان نافع مع الشعب دة مش معني اني قولت كده يبقا انا ضدد الثورة ولا من الناس الي بتطالب برجوع حس حس المشكلة بس اني في حالة نفسية سيئة لما كل ما اجيب جرنان ولية جرنان خش علي موقع اخبارك وشاهد الحوادث وانتا تشوف قد ايه ان الخطر قريب منك بس ده ستر من ربنا ان الخطر مش واخد بالة مننا ياباشا اتحداك حاليآ تقدر تنزل بي المدام بعد صلاة العشاء مثلآ تتمشة علي الكرنيش عارف ليه علشان ثقافة الشعب مبنية علي الجهل وقناة ام بي سي أكشن واسئل اي واحد نفسك في ايه يقولك شياغو نضرب سجرتين ونعلي الدماغ ونصتاد اي موزا مش ده الي بيحصل ولا انا غلطان ؟

اقتباس:

---

المشاركة الأصلية كتبت بواسطة ziabassem

أولاً الشعب المصري مش يهود علشان يقرفوا الرسل اللي ربنا أرسلهم ليهم ولا هما قوم لوط زي ما بتقول .. وإنما بالفعل شعب عظيم جداً وصاحب حضارة وجبار ويعمل من الفسيخ شربات زي ما بيقولوا .

ثانياً .. شعب بقاله أكثر من 30 سنة بيتسرق وبيتسمم وبيتحرق وبيغرق وطالع عينه لازم سلوكياته تتغير وفقاً للأجواء المحيطة بيه من سرقة وفساد .. يعني متقوليش أني أعيشك في ظروف منيله وأجي أطلب منك في يوم وليله أنك تكون راجل هادي الطباع ومنضبط سلوكياً وارستقراط .

ثالثاً .. أكبر مشكلة أنا شايفها بيعاني منها الشعب من المرحلة السابقة هي "الجهل" اللي كان متعمد لسهولة السيطرة على الشعب لو هو جاهل .. فأنا لو جاهل حصدق الاشاعات بسهولة .. وأنا لو جاهل حنساق وراء مصالح مؤقتة وليست دائمة .. وأنا لو جاهل حقول يلا نفسي وماليش دعوة بغيري .. أنا لو جاهل .........إلخ

المقصود بالجهل هنا مش الجهل بالقراءة والكتابة فقط .. وإنما عدم الوعي بالمواقف اللي حواليا في شتى المجالات .

أنا متفق معاك في نقطة واحدة وهي تبديل الشعب .. بس مش بشعب تاني وإنما بنفس الشعب .. عارف ازاي ؟!!

لو طبقنا التعليم والتغذية والسلوكيات الصح على الأطفال اللي لسه مولودين دلوقتي .. وشوف بعد 40 سنة الشعب ده حيبقى عامل ازاي لما الطفل اللي لسه مولود دلوقتي يتولى قيادة البلد .. ومش عاوزك تستكتر 40 سنة لأنها في عمر الشعوب والأمم ولا حاجة .. وإكيد في خلال الفترة دي حتلاقي الدنيا بتتغير للأحسن بالتدريج .

---

تمام انا موافق علي كلامك بس مين الي هيعرف يتزوج في الزمن ده علشان يقدر ينجب اطفال ها قولي فرص العمل تكاد تكون معدومة عن ماكانت معدومة ثانيآ الشباب دلوقتي امامة ولا 100 سنة علشان يقدر يبقا معاه فلوس ويشتري بيت ومش عارف ايه ياباشا الزواج مش بي السهل علشان نجيب اطفال تكون اعمدة المستقبل المشكلة ان الاطفال دي برضة هتكمل المسيرة الفشل والجهل معلش البلد كلها مساكن شعبية نسبة الجهل التعليم والقراءة نسبة 70 % نسبة كبيرة جدآآآآ ان لم تكن اكبر من كده قلة الوعي الديني المنتشرة عند بعض الناس ازاي تنشيئ طفل سليم لزم تكون الاسرة سليمة علشان يطلع طفل سليم يبقا لزم أحنا نبتدي من نفسنا

اقتباس:

---

المشاركة الأصلية كتبت بواسطة kh_talaat

اسلوب غير لائق في عرض الموضوع وفيه اتهام عام للشعب المصري ومش عايز اكرر الأتهامات المكتوبه

لكن اللي عايز اقوله ان الشعب المصري هو اعظم شعب في العالم بشهادة القرآن (خير اجناد الأرض) وبشهادة العالم المتحضر بعد الثورة المصرية المجيدة

---

الله يفتح عليك ياخالد

اقتباس:

---

المشاركة الأصلية كتبت بواسطة m.mostafa80

الله يفتح عليك ياخالد

---

ياجماعة انا غلطان
ارجو من الادارة اغلاق الموضوع علشان هنا في بعض الاخوه خدت الموضوع في اتجاه تاني
وانا غلطان اني بعطي النصيحة علي العموم شباب اعملو الي تعملوة اول واخر مرة اي شيئ غلط هشوفة هحتفظ بية لنفسي واقولة لي اهل بيتي والناس الي اخاف عليها بس
وعلي رائي المثل الي بيأكل علي درسة بينفع نفسة
ويلا نفسي
والله يفتح عليك يارايس

إن شاء الله الاستقرار قادم مع الانتخابات الرئاسية والبرلمانية .. وعلشان الكلام اللي بتقوله ده يتحقق يبقى لازم الاعتصامات والمطالب الفئوية تقف ويبقى فيه وعي بما تمر بيه البلاد .. وإلا الهلاك حيكون مصيرنا .. بس للأسف فيه ناس لسه بتسعى فساداً في المجتمع وتسخن فئات على مطالب مش وقتها خالص .. إن بعد العسر يسر وتفائل بالخير تجده .

lموضوع تحويل الرصيد دة كان موجود قبل الثورة عادي

يا ريتها تيجي على تحويل الرصيد بس ربنا يسترها معانا يا رب

اقتباس:

---

المشاركة الأصلية كتبت بواسطة ziabassem

إن شاء الله الاستقرار قادم مع الانتخابات الرئاسية والبرلمانية .. وعلشان الكلام اللي بتقوله ده يتحقق يبقى لازم الاعتصامات والمطالب الفئوية تقف ويبقى فيه وعي بما تمر بيه البلاد .. وإلا الهلاك حيكون مصيرنا .. بس للأسف فيه ناس لسه بتسعى فساداً في المجتمع وتسخن فئات على مطالب مش وقتها خالص .. إن بعد العسر يسر وتفائل بالخير تجده .

---

والله العظيم نفس الي بقولة لي اصحابي ان لزم الناس تسيب البلد بقا تفوق من الي هيا فيها
والرجالة دي ظهرت بي طالبتها دي امتا كانة فين قبل 25 ولا لما الثورة عملت المراد
الكل قال يلا الحق ال حتا من التورتة ولسان حال جميع الناس اصحاب المطالب الشخصية
دق علي الحديد وهو سخن
والله يكون في عون البلد دي

اقتباس:

---

المشاركة الأصلية كتبت بواسطة dr_abooody

lموضوع تحويل الرصيد دة كان موجود قبل الثورة عادي

يا ريتها تيجي على تحويل الرصيد بس ربنا يسترها معانا يا رب

---

والله علي رائيك ياريتها فعلآ علي قد كده
حضرتك ممكن تخش ليه علي توبيك اخر كنت كاتب فيه تحذير وشوف انا محذر من النصبين شكلهم ايه
وربنا يسترها معنا يارب وعلي اهل بيتنا

الثورة مش هتغير شعب
الشعب لو عايز يتغير قبلها كان اتغير

اقتباس:

---

المشاركة الأصلية كتبت بواسطة wassof

كل الي قولتة ان الشعب دة باين عليه مش فاهم حرية والحرية بتاعتة بلطجة وقولت شكل حسني هو الي كان نافع مع الشعب دة مش معني اني قولت كده يبقا انا ضدد الثورة

---

(والحرية بتاعتة بلطجة )

مهى ديه المشكلة فى الى انت كاتبه انك عممت !! .. البلطجة ديه و عدم الالتزام جاية من فئة واحدة بس الناس الى معندهاش وعى الى متعلمتش (و كلنا عارفين ايه سبب الكلام ده) فمينفعش حضرتك تقول كدة مش اكتر


لان كل ما يحصل حاجة يقولك الثورة و مش الثورة !!

اقتباس:

---

المشاركة الأصلية كتبت بواسطة kh_talaat

اسلوب غير لائق في عرض الموضوع وفيه اتهام عام للشعب المصري ومش عايز اكرر الأتهامات المكتوبه

لكن اللي عايز اقوله ان الشعب المصري هو اعظم شعب في العالم بشهادة القرآن (خير اجناد الأرض) وبشهادة العالم المتحضر بعد الثورة المصرية المجيدة

---

لي تعليق صغير جدا مش في صلب الموضوع ولا حاجة
بس دة مش قرآن دة حديث شريف وكمان ضعيف ولا يصح

مصر اهلها طيبين لدرجة انهم عاملين زي الاطفال الي عندهم برأة وسذاجة
يعني مثلا ساعة اللجان الشعبية كنا واقفبن مع بعض بنحب بعض مع اننا قبل الثورة ماكناش بنقول لبعض سلام عليكم وبعد الهوجة ماخلصت رجعنا مانقولش لبعض سلام عليكم والأغرب ان من يومين اتنين اتخانقوا وكانوا واقفين مع بعض في اللجنة وقالوا لبعض انا هطلع تيتتتتتتتتتت والتاني وانا هتيتتتتتتتتتتت وهكذا بقي انتوا عارفين الباقي

احنا شعب نرفض النظام (النظام مش الحكومة النظام يعني الطوابير والكلام دة) اتحداك بمعني الكلمة اتحداك لو جيبتلي طابور واقف عدل والله حتي ساعة طابور استفتاء تعديل الدستور الي هو اكبر معني للحرية كنا بردو مهرجلين
احنا كنا بنادي (الشعب يريد اسقاط النظام) طب ماكنا قولنا "الشعب يريد تغيير الحكومة"
بس اللسان مغرفة للقلب يعني لو انت من جواك بتكره النظام (ان تكون منظم) لازم طبعا هتقول "الشعب يريد اسقاط النظام" وفعلا كانت ابواب السما مفتوحة وربنا استجاب لدعوات جميع المصريين ومابقاش في نظام

والله المستعان
،
،

انا متفق مع حضرتك تماما ان البلد بقت سداح مداح والشعب كله عمال يبلطج يمشي مخالف يمسك مطوة يشرب مخدرات في الشارع
بصراحة انا شايف ان البلد بقت زفت
بالنسبة للي بيقول انا السرقة والبلطجة وانها كانت بتحصل قبل الثورة اه كانت بتحصل قبل الثورة بس مش بالشكل ده دلوقتي زادت جدا
انا اصلي مبقوق وعلى حافة الانفجار
ايام الثورة كانت الناس والاخلاقيات مية مية والذوق الادب
بعد الثورة الناس رجعت اسوا ما يكون في الشارع الجيران في البلطجة في السرقة في كل حاجة وحشة

اقتباس:

---

المشاركة الأصلية كتبت بواسطة a.saad

الثورة مش هتغير شعب
الشعب لو عايز يتغير قبلها كان اتغير

---

الله يفتح عليك والله العظيم ده الي انا بقولة
(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

اقتباس:

---

المشاركة الأصلية كتبت بواسطة wassof

بص ياباشا احنا لزم نعترف ان الشعب المصري اغلبية عظمة فيه فهو فرعون تمام انا طبعآ بحب مصر وبموت في مصر
واكيد طبعآ خير جنود الارض هو الجندي المصري بس المشكلة ان الناس في غيبوبة وبتضيع مصر
يعني معلش لو حد هجم لقدر الله علي بيتك هتطلع تقول الشعب ده اعظم شعب لو هو اعظم شعب مانسكت بقا شوية ونسيب البلد تقف علي حيالها بدل ما الكل هيسرق من بعضة رغيف العيش يعني انا سمعت ان أحنا بنستعمل المخزون وده حرام يعني هيخلص بسرعة وبعد كده مش هنلقي حاجة سعتها الكل هيقول اكتر مني

---

حضرتك انا اعترضت على اسلوبك غير اللائق في التعميم وسب الشعب المصري جميعا اللي هو انا وانت ووالدك ووالدي .. وابني وابنك ... وامي وامك وهكذا وكأننا جميعا شعب حرامي

اقتباس:

---

المشاركة الأصلية كتبت بواسطة wassof

يعني معلش لو حد هجم لقدر الله علي بيتك هتطلع تقول الشعب ده اعظم شعب

---

اكيد لو حد سرقني مش هقول كل الشعب حرامي لكن هقول واحد سرقني او حتى عصابة لكن التعميم في الكلام هو اسلوب خاطئ خصوصا في الفتره العصيبة اللي بينعيشها

اقتباس:

---

المشاركة الأصلية كتبت بواسطة m.mostafa80

الله يفتح عليك ياخالد

---

شكرا يا محمد بك

اقتباس:

---

المشاركة الأصلية كتبت بواسطة a_hmed

(والحرية بتاعتة بلطجة )

مهى ديه المشكلة فى الى انت كاتبه انك عممت !! .. البلطجة ديه و عدم الالتزام جاية من فئة واحدة بس الناس الى معندهاش وعى الى متعلمتش (و كلنا عارفين ايه سبب الكلام ده) فمينفعش حضرتك تقول كدة مش اكتر


لان كل ما يحصل حاجة يقولك الثورة و مش الثورة !!

---

ياريت تقولنا ايه سبب الكلام دة ؟؟؟ عايزن نعرف

اصل الي حابب حال البلد دلوقتي كده اعلم انه من ضمن الحرمية الي سيحة في البلد من غير مراقب
او من ضمن الناسالي بتحب اغنية هيصة وشب بيرقص علي الطربيزة عارفينها
وفي الاخر يقولك طبيعي هو الطبيعي ابقا مش طبيعي

اقتباس:

---

المشاركة الأصلية كتبت بواسطة kh_talaat

حضرتك انا اعترضت على اسلوبك غير اللائق في التعميم وسب الشعب المصري جميعا اللي هو انا وانت ووالدك ووالدي .. وابني وابنك ... وامي وامك وهكذا وكأننا جميعا شعب حرامي


اكيد لو حد سرقني مش هقول كل الشعب حرامي لكن هقول واحد سرقني او حتى عصابة لكن التعميم في الكلام هو اسلوب خاطئ خصوصا في الفتره العصيبة اللي بينعيشها


شكرا يا محمد بك

---

ياباشا انا مقدرش اقول علي واحد محترم انه مش محترم ولا اكون انا من جواية غل أتجاه المحترم ودة طبعآ مستحيل بس الفكرة ان الواحد تعبان نفسيآ كل ما يقلب التلفزيون جرام سرقة نصب البلد في حالة هرج ومرج انزل الشارع اشكال ناس اعوذة بي الله شكلها شمام شمام معرفش الحكومة غيبة عنهم فين مابشفش لجا نهائي في الشارع تعطي الواحد طمئنينة مابشفش بليل بعد الساعة 1 ليلآ اي عسكري في اي شارع ومعني كده من جواية اني عندي حالة قلق علي بيتي وعلي نفسي مش هضحك عليك
انا سعات بقول لو هو دة حال البلد اتمني يكون الي احنا فيه عبارة عن كبوس

اقتباس:

---

المشاركة الأصلية كتبت بواسطة SYD

لي تعليق صغير جدا مش في صلب الموضوع ولا حاجة
بس دة مش قرآن دة حديث شريف وكمان ضعيف ولا يصح

مصر اهلها طيبين لدرجة انهم عاملين زي الاطفال الي عندهم برأة وسذاجة
يعني مثلا ساعة اللجان الشعبية كنا واقفبن مع بعض بنحب بعض مع اننا قبل الثورة ماكناش بنقول لبعض سلام عليكم وبعد الهوجة ماخلصت رجعنا مانقولش لبعض سلام عليكم والأغرب ان من يومين اتنين اتخانقوا وكانوا واقفين مع بعض في اللجنة وقالوا لبعض انا هطلع تيتتتتتتتتتت والتاني وانا هتيتتتتتتتتتتت وهكذا بقي انتوا عارفين الباقي

احنا شعب نرفض النظام (النظام مش الحكومة النظام يعني الطوابير والكلام دة) اتحداك بمعني الكلمة اتحداك لو جيبتلي طابور واقف عدل والله حتي ساعة طابور استفتاء تعديل الدستور الي هو اكبر معني للحرية كنا بردو مهرجلين
احنا كنا بنادي (الشعب يريد اسقاط النظام) طب ماكنا قولنا "الشعب يريد تغيير الحكومة"
بس اللسان مغرفة للقلب يعني لو انت من جواك بتكره النظام (ان تكون منظم) لازم طبعا هتقول "الشعب يريد اسقاط النظام" وفعلا كانت ابواب السما مفتوحة وربنا استجاب لدعوات جميع المصريين ومابقاش في نظام

والله المستعان
،
،

---

انتا كده الناس هتهجمك وهتقولك انتا ضدد الثورة والكلام دة اصل كلام الحق بقا يجي علي مشاعر الثورة
اتحدك ان الثورة غيرت شيئ ولا اي شيئ مكانك سر اتشال حسني علشان الملل برضة علشان لما تفتح التفلزيون المرة القادمة تشوف رائيس شكلة مسمسم كده وابن ناس ياجماعة انا مش ضدد الثورة ولا العيذو بي الله مع حسني
بس انا لما اجي اعمل حاجة كويسة لزم أعملها لي الاخر الشعب المصر خلاص فاض بية ومشي حسني
مش لزم نغير سلوكنا علشان نخبر الرائيس القادم انه يحترمنأ انا لو رائيس القادم لمصر وشفت الي بيحصل ده والله لهمشي بنفس اسلوب حسني وهو الكرباج علشان نتعلم
يعني معلش تعالة اقولكم ان مافيش حاجة اتغيرت وبي الدليل
الاعلام فاسد فاسد زي ماهو أخترع لينة خذعبلة جديدة وهيا السلفين مع أنهم ايام حسني مكناش نسمع عنهم
الرياضة الجماهير بتسب بعضها البعض وعلي مرئي ومسمع من الجميع
اشارات المرور ليست لها احترام نهائي تلقي الناس بتقف علي الخط الابيض والعسكري لو فكر وكتب مخالفة هيكون كتب شهادة وفاتة طيب انا لما ادوس علي الخط الابيض الناس هتعدي ازاي !!!! هتعدي مع العربيات الي الاشارة اتفتحت ليهم يعني وسط عربيات برضة
انزل حضرتك الاسعاف اتفرج علي العربيات الي وقفة عند صيدلية الاسعاف الي بتنادي شجرة وبولاق والحتت دي والله العظيم ما مخلين غير ممر وأحد بس العربيات تعدي منه العربيات وقفين بي الاربع صفوف !!!
اتكلم عن ايه ولا ايه احنا كان همنا نشيل حسني ولا كان همنا ننهض بي البلد بدل ماكان الناس بتقول علينا شعب 3 نبقا شعب اول شعب متقدم بس الشكل العام زي ماقال سعد زغلول :grin54: مافيش فيدة

اقتباس:

---

المشاركة الأصلية كتبت بواسطة medociv

انا متفق مع حضرتك تماما ان البلد بقت سداح مداح والشعب كله عمال يبلطج يمشي مخالف يمسك مطوة يشرب مخدرات في الشارع
بصراحة انا شايف ان البلد بقت زفت
بالنسبة للي بيقول انا السرقة والبلطجة وانها كانت بتحصل قبل الثورة اه كانت بتحصل قبل الثورة بس مش بالشكل ده دلوقتي زادت جدا
انا اصلي مبقوق وعلى حافة الانفجار
ايام الثورة كانت الناس والاخلاقيات مية مية والذوق الادب
بعد الثورة الناس رجعت اسوا ما يكون في الشارع الجيران في البلطجة في السرقة في كل حاجة وحشة

---

ياباشا دي عادة ولا هنشتريها المشكلة اننا عملنا احسن شيئ في الوجود اننا مشينا حسني وحسينا بي طلوع شمس جديدة وامل جديد وحسيت خلاص هحس اني مواطن ليه كرامتي وهحس ان اي حلم هحلمة هيتحقق لكن المشكلة اننا عملنا التورتة وفي الأخر زينها بي مخلل