الموضوع: حد يفهمنى الفتيس الاوتوماتيك بتاع الصنى

متابع ++++++++++++

طيب لما تقف فى اشارة تجيب n ولا p
وسؤال تانى لو راكن بالعرض ورا عربية تسيب العربية على n عشان تتزق

السلام عليكم
في مواضيع كتير بتتكلم عن الفتيس الأوتوماتيك على الرابط ده أحدهم
http://www.nilemotors.net/Nile/41925-2008.html
و في الموضوع هتلاقي رد العظيم سبعاوي (جزاه الله خيرا)
أنا نقلته هنا
سبعاوي يقول
"عموما الفتيس الاوتو مافيهوش اى فن، وانت واقف دوس على الفرامل حط الفتيس على D وبعدين شيل رجلك من على الفرامل العربية هتمشى زود بنزين هتجرى فرمل هتقف، ولما تقف خالص وانت دايس فرامل حط الفتيس على N علشان تفصل الغيارات، ونفس الكلام مع ال R

دى شوية معلومات مفيدة عن الفتيس بتاعك

1- الفتيس بيغير بين 4 سرعات امامية وواحدة خلفية
2- انت باختيارك لمكان العصاية تقدر تخلى الفتيس يغير بين مجموعة محددة بين النقلات، يعنى لو انت حطيت الفتيس على 1 هيمشى على الأولانى بس ومش هياخد تانى ولا تالت ولا رابع، لو حطيته على 2 هيغير حسب السراعات أول وتانى ومش هيغير تالت ورابع، لو حطيته على D ودوست زرار الأوفر درايف اللى فى العصاية بحيث ان اللمبة بتاعة الأوفر درايف فى التابلوه تكون منورة ، طول ما اللمبة منورة العربية تنقل ما بين الأول والتانى والتالت بس وعمرها ماتروح للغيار الرابع مهما انت جريت، لو دوست الزرار بحيث يطفى الللمبة، لما اللمبة تكون مطفية العربية تغير اول وتانى وتالت ورابع
3- الكيك داون هو ان العربية تنزل على الغيار الأقل لما انت تكبس بنزين علشان تدى معاك عزم ، بس حالو متستعملوش كتير
4-دايما لما تنقل العصاية من N او P الى D أو R او اى وضح تانى لازم تكون العربية متوقفة تماما ورجلك مرفوعة من على دواسة البنزين تماما ويفضل تكون محطوطة على الفرامل، فية ناس علشان يطلعوا بالعربية بسرعة يروح دايس بنزين وبعدين هابد العصاية من N للd تقوم العربية طالعة بهبدة، ودى اسرع طريقة للقضاء على الجير
3- يفضل متنزلش بالعصاية من D الى 2 على سرعات اكثر من 40 كم /ٍس ،ويفضل انك متنقلش العصاية على 1 ابدا غير والعربية واقفة او يادوبك بتتحرك
5- لقيادة العربية بنعومة ممكن تيجى فى آخر النقلة لما تكون عارف ان الفتيس قرب ينقل للسرعة الأعلى وتشيل رجلك لحظة من على البنزين، دى بتخلى الفتيس ينقل بدرى اوى لو انت عايز تجرى بالمعقول من غير حرق على النقلات
6- المفتاح مبيخرجش من الكونتاكت غير لما يكون الفتيس على P ، لو انت عايز ترجع الفتيس لوضع ال N فيه زرار احمر امام العصاية، تدوسه بصباعك وتدوس بيدك التانية زرار النقل بتاع العصاية وتحرك العصاية من P الى N"

المشاركة الأصلية كتبت بواسطة elbeheri

طيب لما تقف فى اشارة تجيب n ولا p
وسؤال تانى لو راكن بالعرض ورا عربية تسيب العربية على n عشان تتزق

طيب ممكن ترد على السؤال ده ؟

استاذ حسين....... ايه ياباشا انا باضحك والله وبعدين انا صعيدى وساكن فى الصعيد حتى أسال الأستاذ أحمد مصطفى ... وبعدين هما ليه الصعايدة كده تقال على القلب حتى الهذار مش مقبول ؟ وشكرا لآخوانا اللى شرحوا السؤال الف شكر ودة شيء متوقع من الناس الحلوين وشكرا