الموضوع: زيت كاسترول ايدج-زيت يستحق التجربه

السلام عليكم ورحمه الله
من اول ما اشتريت سياراتي الكرولا 2007 من الزيرو وانا ماشي عكس كلام التوكيل
ولا اضع زيت موبيل وان نهائي
نظرا لمشاكلة الكثيرة
وكنت اضع بدلا منه زيت شيل الترا التخليقي بالكامل ايضا
ايام ما كان مستورد من ماليزيا
ونظرا لاني كنت اتشوق لتجربة زيت كاسترول نظرا لما يتمتع به من سمعة قوية جدا
ويكفي ان مرسيس اكبر صانع الماني وفولكس فاجن بيعتمدوه لسياراتهم
وبعد ان اصبح له وكيل رسمي واصبح يباع بالسعر الرسمي للزيوت التخليقية 255 بدلا من 350 سابقا
وبعد ان اتممت ال 95 الف كم بسيارتي مع زيت شيل وبدء يصنع في مصر ولم اعد راضيا عن كفائتة
لاني من الناس اللي مقتنعة تمام الاقتناع ان الزيت التخليقي لازم يقعد اكتر من 10 الاف كم
على الاقل من 13 الى 15 الف نظرا للتطور الرهيب في صناعة الزيوت
قمت بشراء زيت كاسترول ايدج من محطة طاقة ب 255 جنية
عداد كيلومتر سيارتي 95 الف كم
واليوم بعد خمسة الاف كيلومتر وبعد ان عملت صيانة المائة الف
استطيع الجزم اني كان لازم استعمل الزيت ده من زمان
انا عربيتي فيها كيت فلتر سبور k&n الانجليزي الاصلي
ونسبة دخول الهواء المحمل بالتراب اكبر
حقيقي اداء العربية حسيت انه افضل وده قبل صيانة ال 100 الف
السخونية قلت ومعدل تشغيل المروحة بقي اقل من الاول
لزوجة الزيت عالية جدا جدا في الايام الباردة بتاعت شهر 2 والايام الحر اللي فات ومعاهم الموجة الحارة الشديدة اللي فاتت
عربيتي مانيوال وبحب اقرص شوية على الغيار واديله حقة وحقيقي الاداء ممتاز
كلام مهندسين الصيانة في عن اداء العربية وموتورها ان ادائها فوق ال 90 %
واداء الموتور عالي ولزوجة الزيت عالية وممتازة
والى لقاء اخر بعد ما ينزل الزيت
ملحوظة: الزيت معد للاستهلاك لمسافة 15 الف كم او 10 شهور
وده كلام كل مراكز صيانة مرسيدس

تحياتي
كريم منير