-
هاستلم الماروتى النهارده
السلام عليكم
ان شاء الله هستلم الماروتى النهارده بتاعت المداد
عاوز نصائحكم وهستلم ايه مع العربيه ولو فيه حاجه معينه اعملها واول الف كيلو اخبار الماروتى ايه فى المعامله
ويا ريت تقولولى صيانه الماروتى الالف كيلو اعملها فين لانى قريت ان كل التوكيلات يتاعت سوزوكى مش كويسه شكراااا
-
مبروك عليك
ربنا يرزقك خيرها ويكفيك شرها
الحاجات اللي هاتستلمها هي كالتالي (منقول من مشاركة لسبعاوي):
1- طقم موكيت الأرضية(موكيت الأرضية بتاعها بيتركب مش زى باقى العربيات)
2- ولاعة
3-الاستبن
4- مفتاح عجل
5-كوريك
6- مفتاح 10
7- مفتاح 12
8-زرادية
9-مفتاح بوجيهات
10-حافظة بلاستيك لحفظ هذة الأشياء
11- عدد 4 اكواب بلاستيكية خاصة بتغطية سنتر كل عجلة
12- الكتالوج
13-دفتر الصيانة
14- نسختين مفتاح
أول الف كيلو خليك بالراحة على العربية خالص وماتزودش عن 80 كم
فرع التوكيل اللي في الدقي انا بتعامل معاه على طول ومافيش مشاكل خالص واجهتها معاه
-
مبروك عليك
ربنا يرزقك خيرها ويكفيك شرها
ياريت لو تكرمت ممكن تقولى اشتريتها بكام ؟
والف مبروك
-
الله يبارك فيكم ومتشكر على المعلومات
فعلا استلمت كل الى حضرتك زكرته بس اسه الورق بتاعها كمان يوم او اتنين
بالنسبه للسعر 36750 دى فاضيه تماما وكان فيه عرض بيحطلك اربعه زجاج كهرباء + سنتر + كاسيت + ضمان شامل سنه على العربيه 39000
بس انا جبتها فاضيه واعتقد دا احسن سعر فى السوق ولا ايه رايكم؟؟؟
-
طبعا ده احسن سعر ومش هتلاقى اقل من كده حاليا
انا دايخ على السعر ده فى اسكندرية لأن (أباظة اوتو تريد) كان عامل عرض بمناسبة اعياد الربيع فى أبريل اللى فات بالسعر ده (36750) جنية، بس للأسف العرض خلص خلاص
كل الأسعار اللى موجودة فى إسكندرية حاليا من 38000 وانتا طالع - وفاضية كمان
فكده انتا خدتها بسهر كويس جدا والكماليات التانية لو حبيبت ابقى ضيفها شوية بشوية وبرضه اعتقد انها مش هتساوى فرق السعر
لو عرفت اى حد بيبيعها فى إسكندرية بالسعر ده او قريب منه ياريت لو تكرمت تبقى تعرفنى
وألف ألف مبروك ياباشا وربنا يعطيك خيرها ويكفيك شرها - وعقبال من تخاويها كده ان شاء الله ...هههههه
تحياتى
-
-
titi2020
قريت رسالتك ياباشا ورديت عليها عالخاص
منتظر رسالتك
وألف مبروك مرة تانية
-
الف مبروك ياباشا
وربنا يباركلك
-
الف مبروك عليك
هى فعلا عربية جميلة ولهلوبة انا اول ماتعلمت جبتها زيرو برده بس 2007 وبجد كانت بتنجز قوى فى الزحمة
ربنا يحافظلك عليها
-
Content Relevant URLs by
vBSEO 3.6.0 PL2