الموضوع: هنعمل اية علشان عربياتنا متتسرقش؟

المشاركة الأصلية كتبت بواسطة superhano

الله يطمنك يا بيشوي......لو سمحت افتح ال inbox انا بعتلك mail

وصلت يا جميل و قرأتها من ساعتها بس معلش يا حبيبي انشغلت في حاجات و نسيت .. متشكر جدا يا جميل علي رسالتك

المشاركة الأصلية كتبت بواسطة moustafa_saad

ممكن اعرف من حضرتك ايه السيكيورتى العالى اللى بيخلى عربيه زى النيسان مستحيل تتسرق

ياباشا اذا كان الجيتا الالمانى اللى تمنها 170000 جنيه اتسرقت ومن عندنا فى دمنهور مش من القاهره كمان

انا معاك ان حاليا اللى بيشترى عربيه لازم يدور الاول على وسائل التامين ضد السرقه وفى الحاله دية الكورى حيخرج من المقارنه نهائيا

بص يا باشا الايام ديه انا بسمع ان غالبية العربيات اللي بتتسرق و بكل سهولة هي اللانسر بومة و الالنترا و السيراتو و برده اتسرقت عربية جاري مرسيدس موديل السنة بس رجعت عن طريق اللجان الشعبية و بصراحة انا اول مرة دلوقتي اسمع ان الجيتا ممكن تتسرق بس هقول لحضرتك ليه :
البهوات الحرامية معاهم جهاز فك الشفرة بتاعة المفاتيح المشفرة و ده تمنه 40000 جنيه و بيفكوا الشفرات بكل سهولة
ليه بقي لغاية دلوقتي مسمعناش ان فيه نيسان اتسرقت :
العربية فيها امبوليزر و هي لو حصل و الحرامي فتح العربية من الشنطة او الابواب او الكابوت .. العربية بتقوم بإصدار انذار بكلاكس العربية فطبعا ده بيعمل قلق لكن مش ده اخر المطاف ده كمان في نفس الوقت بينفصل الكهرباء من الكونتاكت و لا يمكن العربية تدور الا بريموت العربية او طريقة آخري.
طبعا ده دليل علي السيكيورتي العالي في العربية.

المشاركة الأصلية كتبت بواسطة amartaha33

طيب ازى اقدر اطمن ان انزار الكلاس شغال اصلا انا شاكك انه فيه مشكله عندى لو حدرتك تعرف طريقة ممكت تفيدنى بيها
مع العلم انى كنت جوه العربيه وقفلتها بالريموت وبعدين فتحتها من جوه من الباب عادى ومسمعتش اي انزار بيتهيئلى كده ممكن الانزار بتاعى يكون فيه مشكله .

علشان يا باشا الانذار يشتغل كل محتوياته و يكون مفعل لازم بعد ما تغلق بالريموت تنتظر علي الاقل 30 ثانية عشان الانذار يكون اشتغل و جرب هتلاقيه شغال