السياره عامله 6000 ك الكرسى اللى بجانب السواق فى تزييق ومش بتعدى 160 هل دا طبيعى مع العلم الصيانه فى
التوكيل من 1000 الى 5000 ياريت الرد من اهل الخبره
عرض للطباعة
السياره عامله 6000 ك الكرسى اللى بجانب السواق فى تزييق ومش بتعدى 160 هل دا طبيعى مع العلم الصيانه فى
التوكيل من 1000 الى 5000 ياريت الرد من اهل الخبره
عندي ليك 3 اسئله
1-انت مركب فرش فوق الفرش الاصلي؟
2-عربيتك اتوماتيك؟
3-هل دي اول مره تحاول تجيب سرعه بيها ومعدتش ال160 ولا بتحاول بقالك فترة؟
مركب فرش
واول مره احاول اجيب بيها سرعه والعربيه اوتوماتيك
بص موضوع التزييق دة عادى لما تعمل صيانة ال 10000 قلهم علية هما هيظبطهولك مفيش فية مشكلة خالص ان شاء الله
انما موضوع ال 160 دة الاوتوماتيك غير المانيوال فى المانيوال سهل تجيبة فى مسافة قصيرة علشان بيجمع بسرعة امنا الاوتو فا بيحتاج طريق مفتوح علشان تجيبو فيها و عموما الناس بتقول ان افضل اداء للعربية بعد ال 10000 قبل كدة بيكون لسة الماتور مش فى كامل طاقتة
غالبا ده عيب تركيب في الفرش بمعني ان العامل اتغاشم شويه وهو بيركب ودي للاسف حصلت في لوجان بتاعه واحد صحبي عند محل مشهور جدا والظهر بقي بيروح وييجي مش بيزيق-ممكن تقولهم في التوكيل او ترجع لمحل الفرش
العربيه الاتوماتيك مبتجمعش بسهوله المانيوال معلش هي بتاخد وقت شويه
وبما ان دي اول مره تحاول تجري فهي بتبقي عايزه تتفتح شويه وده هيجي بكتر المحاوله ولا علاقه له بعدد الكم ولكن له علاقه بكام مره مشيت علي سرعات
ارجو اني اكون قدرت افيدك
انا معايا أنوماتيك 2011 لسة عاملة 1300 كيلو السحب بطيئ بس لما بعمل كيك دون العربية بطييييير
بس ممكن أعرف يعني أية عايزة تتفتح شوية يعني أعمل إية
و شكرا
بالنسبة لموضوع التزييق ده انا كنت بشتكي منه
لكن لما روحت أعمل صيانة 15000 قولتلهم عليه في التوكيل والحمد لله اتظبط
متقلقش وخليك فاكر في الصيانه الجايه تقولهم عليه وان شاء الله تكون بسيطة
ياريتك تكتب كل الملحوظات ديه عشان تفتكرها لما تيجي تعمل الصيانة اللي جاية ان شاء الله
100 100
من استعراض كذا موضوع فى القسم
انا لاحظت ان معظم العريبات الاتوماتيك صنى ما بتجبش اكتر من 160
و بالذات لما تكون لسه جديده و عامله كيلوات قليله
فى حد معاه اوتو جاب اكتر من 160
اولا شكرا على الرد من الناس المحترمين
بس انا مشيت شويه كتير على اخر الدواسه 160 والطريق كان مفتوح والار بى ام كان عند 7 وبردوا معدتش 160
بخصوص التزيق حسب الصوت جى منين ,وهل فى المطبات ولا بتسمعه منين
لان لو من المطبات , ممكن يكون من كاوتشة التراب , ولو انت ماشى على طول وبتسمعه , ممكن من الكراسى عاوزة تتظبط او حاجة عاوز تتربط
وكل ده سهل ممكن تبلغهم عليه , فى الصيانة الجاية او اى وقت تروحه مش شرط تستنى وقت الصيانة , لانك فى الضمان
ولما تروح بلغهم بالكلام ده وخاليهم يكتبوه فى امر التشغيل , مش تسيبه فى ورقة وتلزقة على الزجاج , لانهم ممكن ميعملوش بيه
وبخصوص الجرى ,اى حد حاسس ان العربية مكتومة فى سحبها , يبلغوا فى الصيانة وهما حيظبطوا الحساسات بتاعت العربية كلها , وكل حاجة حتتظبط
واللى عايز يجرى بالعربية لو اتوماتيك , ممكن يقفل زرار الاوفر دريف , ويخليه ينور فى الطابلوه , عشان تبتدى العربية تجرى اكتر وتمشى على 3 نقلات , وممكن توصل فى الحالة دى الى سرعة 150 , بس طبعا حتلاقوا الrpm عالى ووصل الى 5000 لفة تقريبا
وبعد لما توصلوا الى كدا , اطفوا اللمبة تانى وخالوا الاوفر دريف يشتغل ويجيب النقلة الرابعة , حتلاقوا العربية بتعدى ال 160
بس الكلام ده مش مع الناس اللى عربيتها فى التليين
تحياتى