السلام والتحية لكل الاعضاء الافاضل :
من حوالي اسبوع غيرت الركبة الشمال قدام في عربيتي نتيجة ان القديمة انكسرت من شوارعنا الجميلة . وكانت ركبة استعمال وكانت حالتها نظيفة المهم امبارح رحت علشان اغير تيال الفرامل فالميكانيكي قالي ان التيل مش حيركب في الناحية الشمال فقلتله ان انا مغير الركبة كاملة من حوالي اسبوع فرد عليا وقلي روح للي اشترتها من عندوه واساله ده ركبة عربية ايه علشان ابقى عارف التيل بتاعها المهم رحت للراجل وقالي ان ده ركبة لانوس بس في الاستعمال في مقاسين للركبة 13 و 14 واللي بينزل في العربية 13 اما اللي ادهالي ده 14 وقالي ان ممكن تيل النوبيرا يركب وقالي ان ممكن اشتري الركبة اليمين مقاس 14 برده وبكده يبقى المقاسين واحد .
هل الكلام ده صح ؟ ولو انا عملته هل ده يغني عن تعديل الفرامل الامامي بحكم ان الطنابير كبرت ولا ايه ؟ مع العلم ان الركبة الواحدة عملة 400 جنيه .
اسف على الاطالة وارجو الافاده وشكرا