الموضوع: استفسار عن الحجز علي شركه

السلام عليكم اولا
ثانيا كنت عايز استفسر من الاخوه الاعضاء المحامين او المستشارين و يكونوا متمرسين في موضوع الحجز علي الشركات او علي درايه بالموضوع هايمشي ازاي من الالف للياء
الموضوع باختصار صديق ليا معاه حكم بالحجز علي شركه المهم الشركه دي متعثره بس عندها اصول كتيره فقولنا نحجز و نبيع احسن ف هاندفع الرسوم و كده بس الفكره كلها في طريقة البيع لان الاقاويل متضاربه و صديقي مقلق من الاجراءات شويه و تايهه في ناس تقولك دانتا لازم تعمل اعلان في جريده رسميه و ناس تقول دا في مكاتب بتجيبلها الحوار ده و هيا بتعمل كل حاجه و تاخد نسبه و المحامي بيقول لا احنا اللي هانعمل كل حاجه و الاعلان رخيص مش غالي و المصاريف بعد كده مافيش
طيب حاجه كمان مين اللي هايقدر الحاجات اللي هاتتباع دي و هو البيع هايبقي بالتوكاله كده المحامي بيقول ان المحضر هو اللي هايقدر و في ناس بتقول لا دا لازم يتعمل لجنه من الشركه لتقدير الحاجات دي طيب افرض الحاجات طلعت غاليه بعد التقدير علشان الشركه ماتبيعش حاجه المحامي بيقول ان البيع هايبقي طبقا للبيع الجبري بمعني ان المحضر قدر دي ب 10 قروش حد هايشتري اه انا مبروك عليك كد يعني فانا مش حاسس ان الموضوع هايبقي بالسهوله دي مش عارف ليه
و بعدين بالنسبه للمبلغ المحامي بيقول انه هايتم سداد المبلغ المستحق بالكامل زائد فوائد التأخير التجاريه من وقت توقف سداد باقي المستحقات حتي تاريخ جلسة البيع الجبري زائد مصاريف المحاماه هل الكلام دا صحيح
فياريت لو في حد بقي من الاخوه المحامين او المستشارين يعرف حاجه عن الموضوع ده يقول و لكم جزيل الشكر
معلش بقي الموضوع كبير كبير ..... اسف للاطاله