كل ثورة و انتوا طيبين

**som3aa** · 18-05-2011 09:33 PM

الجيش لو كان عاوز يهرب مبارك و عيلته و فلوسه كلها ....كان عمل كده بعد التنحى أما كان الشعب كله كان عاوزه يمشى من شرم يروح بلد تانية و الشعب كان هيقول جيشنا العظيم طرد الحرامية

بلاش نظرة التخوين العجيبة ديه و خليكم واقعيين الشغل دلوقتى شغل محاماة و محاسبين قانونيين مش شوية هتيفة تمشى بيفط

مهو مبارك لو كان عايز يمشى كان مشى قبل ما يتنحى مباشرة , هو كان مطمن ان سايب وراه رجلته زى شفيق و غيرهم!!

**Ahmed_Ramadan** · 18-05-2011 11:44 PM

المشاركة الأصلية كتبت بواسطة som3aa

مهو مبارك لو كان عايز يمشى كان مشى قبل ما يتنحى مباشرة , هو كان مطمن ان سايب وراه رجلته زى شفيق و غيرهم!!

أنا بتكلم عن بعد التنحى اما محمد حسنين هيكل طلع و قعد يهذى و يقول مبارك بيدير مصر من شرم الشيخ و ساعتها الشعب كلوا كان سخنان و عاوزه يمشى و كان فيه دعوات من ناس هبلة إنهم يروحوا شرم يمشوه من هناك

**otefa** · 18-05-2011 11:46 PM

المشاركة الأصلية كتبت بواسطة yobaaa

أنا بتكلم عن بعد التنحى اما محمد حسنين هيكل طلع و قعد يهذى و يقول مبارك بيدير مصر من شرم الشيخ و ساعتها الشعب كلوا كان سخنان و عاوزه يمشى و كان فيه دعوات من ناس هبلة إنهم يروحوا شرم يمشوه من هناك

هيكل كان عايزها تشعلل علشان يغطي على مصايبه هو وأبنه!

**otefa** · 19-05-2011 12:10 AM

النيابة العسكرية تحقق مع "عمرو خفاجى" فى خبر العفو عن مبارك

الأربعاء، 18 مايو 2011 - 22:15
عمرو خفاجى رئيس تحرير الشروق
كتب محمد عبد العظيم

قررت النيابة العسكرية استدعاء عمرو خفاجى رئيس تحرير الشروق و2 من الصحفيين بالجريدة، على خلفية خبر نشرته الشروق عن العفو عن الرئيس السابق حسنى مبارك.

وذكرت الإعلامية لبنى عسل مقدمة برنامج "الحياة اليوم" على قناة الحياة، خبراً عاجلاً عن التحقيق مع خفاجى، مضيفة أن المجلس الأعلى للقوات المسلحة قد أصدر بياناً نفى فيه العفو عن مبارك وأسرته.