الموضوع: الكلام الفاصل في الفرق بين الاوكتافيا a4 قبل وبعد الفين

المشاركة الأصلية كتبت بواسطة amrhussien87

اما الفرق بين موديلات اوكتافيا قبل موديل الفين وموديلات اوكتافيا a4 بعد موديل الفين
بصراحة انا باسمع اسعار مستفزة عن اسعار اوكتافيا قبل الفين مثل سبعين الف وخمس وسبعين الف وقررت ان افعل مايمليه الله علي ولا ابخل بالمعلومة
واليكم الاتي
من الاخر السيارة مختلفة كليا طبقا لموقع سكودا الرسمي
واليكم التي
السيارق قبل موديل الفين ومع احترامي الكامل لكل اللي راكبها محركها 75 حصان
السيارة قبل موديل الفين لا يوجد بها فرامل مانعة الانغلاق ايه بي اس

السيارة بعد موديل الفين محركها 101 حصان
السيارة بعد موديل الفين بها فرامل ايه بي اس
حتي بالامارة لما تروح الحرفيين هتلاقي الناس بتقولك وبتسالك علي عربيتك
هي ماكينة كبيرة ولا صغيرة؟
وياريت مع احترامي للجميع انا مضطر اقول كده عشان ولاد التييت بتوع بورسعيد التجار الحوش اللي بيبيعوا الاوكتافيا ال98 ب45 وب50 الف جنيه ده غير ال10 الاف بتوع المعاق احب اقولهم اتقوا الله ربنا هيحاسبكم حساب عسير وبيني وبينكوا موقع سكودا الرسمي وبيني وبينكوا التوكيل ويا ريت كل واحد هيشتري اوكتافيا قبل 2000 يحط في دماغه الكلام ده من حيث مواصفات العربية والسعر وانا مستعد اواجه التخين ومنهم لله اللي باعوا ضمايرهم

أولا حضرتك زعلان أوي كده ليه....ده أولا...

ثانيا بقي أنا كان معايا العربية دي والزملاء هنا كلهم عارفينها...وكانت موديل 98 بفتحة سقف.
وكان موتورها 101 حصان وليس 75 مع كامل إحترامي ليك.وكنت بجيب بيها الـ 210 كم\س وبردو الزملاء هنا عارفين.وكان فيها ABS وكانت لمبة الـ ABS بتنور أول ما تدور العربية وبعدين تختفي ولما كنت أضرب فرامل كانت تقف في مكانها بدون إنزلاق...يعني مكانش عندي تهيئات إن فيها abs وهي مفيهاش مثلا...حضرتك بتقول المكنة الكبيرة والصغيرة فأحب أقولك المكنة الصغير اللي هيا 75 حصان دي منزلتش مصر أساسا غير في موديل 97 أي أول موديل ينزل مصر.بعد كده كله 101 حصان اللي مكتوب عليها 1.6 SR.
ومعروف إن العربية دي كانت عاملة طفرة جامدة وقتها لأنها كانت منافس شرس لفئتها من حيث الموتور ومن حيث التصميم الداخلي والخارجي والكماليات....لعلم حضرتك..أنا جيبت عربيتي بعد لفة طويلة علي حالة نظيفة منها وشوفت كتير من أول 97 لحد 2003 وكلهم 101 حصان 1.6 sr ماعدا الـ 97 اللي مكانش مكتوب عليها 1.6 sr ودي هي بس اللي 75 حصان.وكلهم كان فيهم abs ما عدا برده 97 وأوائل 98...في الآخر جيبت عربيتي وبيعتها الحمدلله بـ 74000 جنيه من سنة تقريبا وكان اللي شاريها لافف كتير وملقاش واحدة في حالتها..ودفع فيها وهو راضي ومستريح.

حضرتك شكلك مركبتش العربية دي قبل كده وواخد دليلك القاطع من النت فقط.ومعروف إن موقع سكودا حاجة وسوق الشرق الأوسط حاجة تانية....

تقبل مروري وحاول تكون هادي شوية مش كده

حضرتي آسف علي المشاركة في موضوعك أساسا..ومتزعلش..العربية مش 101 حصان ولا 75 حصان ..العربية 3 حصنة.تمام كده؟

وبعدين بونتو إيه اللي تجيب 200...حد يقارن بونتو بأوكتافيا...يا راجل كفاية فرق الوزن يا راجل.

علي فكرة..أنا حاليا مش راكب العربية دي..أنا راكب الحمدلله فانتازيا.وبي إم الفئة الخامسة..والحصنة فيهم كتير الحمدلله :)..يعني الموضوع مش ذات أهمية بالنسبة لي بالصورة اللي حضرتك متصورها...لا أنا منحاز لعربية ولا منحاز لرأي..الموضوع وما فيه إني علقت علي أسلوبك الحاد في تحرير الموضوع..وعلي إني كنت راكب العربية وحافظها...لما لقيتك بتقول 75 حصان..قولتلك لأ أنا كان معايا العربية 98 وكانت 101 حصان مش 75 حصان وكان فرش الشنطة مكتوب علي أوكتافيا glxi 74kw مش 55kw وشوفت الموضوع ده في كذا عربية مش اللي كنت راكبها بس. ولما قولت مفيش ABS قولتلك لا فيها ABS واللي كاااانت معايا 98 كان فيها.

أتمني حضرتي يكون وصل الصورة..وشكرا