استغسار عن سكدا فليشيا

**dr.hany** · 21-04-2008 06:00 PM

انا لسسه شاري سكودا فليشيا 95 وحالتها فوق الممتازه والحمد لله. بس فى مشكله فى مؤشر البنزين

وهو انه مش شغال وروحت للكهربائى وقالى هات عوامه لتنك البنزين وجبت عوامه وجربها ولكن لم

تحل المشكله فقالى المشكله فى بوردة العدادات بمعنى انه فى اي سي فيها ضارب وقالى لازم البورده

كلها تتغير ومش عارف اتصرف ازاى .واجيب البورده منيين .وهل ممكن تتصلح وشكرااا

**amir** · 21-04-2008 09:19 PM

باشا الف مبروك عليك العربيه و إن شاء الله تبسطك, بص انا بتعامل مع كهربائي رهيب هو عنوانه في ميدان الجيش تدخل شارع النزهه ( اول يمين بعد محل كشري السلام) و تفضل ماشي لغايه متلاقي محل كباب علي ايدك الشمال الورشه اول يمين بعده في واحد استاذ هناك اسمه وليد , عشره علي عشره و اسعارهم حكايه و هيظبتهالك ان شاء الله

**XPLod** · 22-04-2008 06:27 PM

مبروك عليك ياباشا العربيه وربنا يبارك فيها , لو فكرت تغير العدادات هات أستيراد مضمونه وأصلى وده رقم اللى بتعامل معاه فى القطع الاستيراد هو فى الوكالة أسمه حماده 0104040774 بصراحه حاجته نظيفه جدا وأمين وبيبيع الحاجه بأسعار معقوله ، وأى خدمه انا تحت أمرك .

**dr.hany** · 22-04-2008 08:53 PM

شكرا يا باشا انا طلبته فعلا وطلع راجل محترم...الف شكر على اهتمامك

المشاركة الأصلية كتبت بواسطة XPLod

مبروك عليك ياباشا العربيه وربنا يبارك فيها , لو فكرت تغير العدادات هات أستيراد مضمونه وأصلى وده رقم اللى بتعامل معاه فى القطع الاستيراد هو فى الوكالة أسمه حماده 0104040774 بصراحه حاجته نظيفه جدا وأمين وبيبيع الحاجه بأسعار معقوله ، وأى خدمه انا تحت أمرك .

**heshamhasib** · 28-04-2008 01:18 AM

مبروك علي العربيه
انا كان عندي نفس المشكله وروحت لكهربائي قالي مشكله امبير اشتريت الامبير ورحت للكهربائي تاني وقالي لا المشكله مش امبير المشكله في البورده نفسها فيها اي سي ضارب المهم رحت لاشهر واحد بيصلح العدادات هو في ميدان الدقي واسمه أ / وائل
كشف علي العربيه وقالي العداد ممتاز والبورده سليمه العوامه هي اللي بايظه روحت عشان ارجع العداد معرفتش لانه مش بيرجع
المهم العداد معايا ولو محتاجه بدون فلوس اتصل بيي
هشام موبايل 0100020111