انا لسه جاى حالا من عند السبع اوتوموتيف وشركة المصرية وسألت عن النسيان صنى سوبر صالون 2011 ::
العربية عند السبع كاملة فرامل abs , ebd وفوانيس عاكسة للضوء أمامية وفامية مثبت فى الرخصة ودى المعلومات الى قالهالى ::
ثمن العربية 103000
المقدم :: 25750 وتعاملهم مع شركة كونتاكت كارز
نظام التقسيط :: 2693 *36 شهر أو 1834 * 60 شهر وبدون تأمين شامل 2789*36 شهر أو 1931 * 60 شهر
مصاريف تأمين شامل :: 3811
والورق المطلوب بالنسبة لأبويا علشان محامى :: صورة البطاقة وبطاقة ضريبية وكارنية النقابة وأى إثبات تانى للدخل أو للملك ممكن تقدمه يعزز موقفك عند الاستعلام ..
بالنسبة لشركة المصرية عندهم العربية ب 102000 ودى المعلومات اللى قالهالى ::
المقدم 40 % :: 40800
مصاريف إدارية :: 1020
التأمين :: 3060
مما يعنى فى الأول هتدفع :: 44880
نظام القسط :: 1530 * 60 شهر أو 2210 * 36 شهر
والعربية هى هيا اللى عند السبع بس السبع عنده غاليه ألف جنيه علشان هو توكيل زى ما بيقول وعلشان الفامية اللى مثبت فى الرخصة ..
والمصرية مش راضيين يقسطوا إلا للموظفين أو اللى بياخد مرتب ثابت وهو يجيبها على اسمه مش حاجة تانية زى السبع ..
أنا من رأيى ان السبع افضل وعلى الأقل توكيل زى ما بيقول ومعاملته افضل شوية فى راحة العملاء على عكس المصرية ..
أيه رأيكم يا رجالة اتوكل على الله ونروح للسبع نجيب الحلوة من عنده ولا فى رأى تانى ؟؟؟؟
وعلى فكرة مفيش نقص فى العربيات وهى موجودة بمجرد تأكيد الحجز واكتمال الاجراءات
المفضلات